Friday, August 26, 2011

အပြုသဘောလေးနဲ့ ရေးတဲ့စာ



















မိတ်ဆွေတယောက်က ပြောလာတယ်။ ရန်ကုန်မှာ အခုတလော ခေတ်စား
နေတဲ့ စကားတခုက “အပြုသဘော ဆောင်ရဲ့လား”ဆိုတာပဲတဲ့။ သေချာ
တာပေါ့။ ဒီစကားက နိုင်ငံရေးဇတ်ခုံက ဆင်းလာတဲ့စကား။ လူထုကြားထဲ
ရောက်လာပြီ။ နောက်သလို ပြောင်သလို၊ ထေ့သလို ငေါ့သလိုပြောတဲ့စကား
တခု ဖြစ်လာနေပြီ။ မြန်မာ့နိုင်ငံရေးအခြေအနေက အဲသလို လူအများအကြား
နောက်စရာ ပြောင်စရာ ကောင်းနေပြီ်လား။

ဆိုပါတော့။ သူငယ်ချင်းနှစ်ယောက် လမ်းထိပ်မှာ တွေ့ကြတယ်။ “ဒီနေ့ မင်းကို
ငါ လက်ဘက်ရည်တိုက်မယ်” ။ “ဟာ အပြုသဘောဆောင်နေပါလား။ ဒီလုိုဆို
သောက်ပေးရမှာပေါ့” ။ “နေစမ်းပါဦး...မင်းကောင်မလေးရော အခုတလော
အပြုသဘောဆောင်ရဲ့လား” ။ စကားက အဲသလို တွင်ကျယ်နေတာတဲ့။

သိတဲ့အတိုင်းပဲ။ အပြုသဘောဆောင်တယ်ဆိုတာ ကောင်းတဲ့ကိစ္စ။ တဘက်နဲ့
တဘက် ပြေလည်ရေးကို ရှေ့ရှုပြီး ကမ်းလှမ်းတဲ့ကိစ္စ။ ရန်ဆောင်မယ့်လမ်းကို
မရွေး။ ပြေလည်မယ့်လမ်းကို ရွေးတဲ့ ခြေလှမ်း။ အလုပ်ဖြစ်ရေး ကမ်းလှမ်းတဲ့
လှုပ်ရှားမှု။ စွန့်စားမှုတွေပါတဲ့ လုပ်ရပ်။ အမျှော်အမြင်နဲ့ရွှေ့တဲ့ အကွက်။ အများ
အကျိုးကို ကြည့်တဲ့သဘော။ တင်းမာမှုကို ရှောင်တဲ့သဘော။ အခုတော့ နောက်
စရာ စကားလုံး ဖြစ်နေပြီ။

နောက်ဆရာပဲ ဖြစ်ဖြစ်။ ရှေ့ဆရာပဲ ဖြစ်ဖြစ်။ ဒီစကား လူအများကြား ရေပန်းစား
နေတာကလည်း တမျိုးကောင်းတယ်လို့ ဆိုရမယ်။ နိုင်ငံရေးလောကသားတွေ
ဒီစကားကို ခပ်ပေါပေါ၊ ခပ်ပေါ့ပေါ့ မသုံးရဲတော့ဘူးပေါ့။ အလွယ်တကူပြောနေရင်
လူတွေ ရယ်ကြတော့မယ်။ နောက်ကြတော့မယ်။ အနည်းဆုံး ပြုံးကြတော့မယ်။

နိုင်ငံတော်သမ္မတကြီးက သူ့ရဲ့ မိန့်ခွန်းထဲမှာပဲ ဖြစ်ဖြစ်။ သတင်းစာထဲထည့်တဲ့
သူ့ရဲ့ကြေညာချက်ထဲမှာပဲ ဖြစ်ဖြစ်။ “နိုင်ငံတော်အစိုးရဘက်က အပြုသဘော
နဲ့ အခုလိုစီစဉ်ခဲ့ပါတယ်” လို့သာပါကြည့်။ လူတွေ သဘောကျတော့မယ်။ ဒေါ်စု
တို့ဘက်ကလည်း “အပြုသဘောနဲ့ တုံ့ပြန်လိုက်ပါတယ်” ဆိုတာမျိုး သုံးကြည့်။
လူတွေ ပြုံးကြတော့မယ်။

တကယ်တော့ အပြုသဘောဆိုတဲ့ စကားက လူကြားအောင် ထုတ်ပြောရမယ့်
စကား မဟုတ်ဘူး။ ကိုယ်လုပ်တာကို လူတွေမြင်အောင် သိအောင် ကြေညာချက်
ထဲ ထုတ်ရေးရမယ့်စကား မဟုတ်ဘူး။ “ကျနော်ကျမတို့က ဒီအစည်းအဝေးကို
တက်ဖို့ အပြုသဘောနဲ့ဆုံးဖြတ်ခဲ့ပါတယ်” ဆိုတာက မလိုအပ်ပဲ အပြုသဘော
ဆိုတာကြီးကို ထုတ်ပြောပြနေသလိုပဲ။ အကွက်နဲ့ ဆက်ဆံတယ်ဆိုတဲ့သဘော
လားလို့ တဘက်က ယူဆသွားနိုင်တယ်။

အဲဒီအပြုသဘောဆိုတာကြီးကို လူသိရှင်ကြားထုတ်ပြော။ ထုတ်ရေးကြပြီးကာမှ
တကယ်တမ်းမှာ အပြုသဘော မဟုတ်ပဲ။ အကွက်သဘောနဲ့ ထောင်ချောက်ဆင်
ကမ်းလှမ်းတာမျိုးတွေ ဖြစ်ဖြစ်နေလို့ ဒီစကားကို လူတွေစိတ်ပျက်နေကြတာလည်း
ဖြစ်နိုင်တယ်။ ငါးမျှားချိတ်မှာ တီကောင်တတ်ထားတာကို အပြုသဘောနဲ့ ငါးကို
အစာကြွေးတယ်လို့ လာမပြောနဲ့။ ကြွက်ထောင်ချောက်မှာ တတ်ထားတဲ့ ကိတ်
မှုန့်က အပြုသဘောလုပ်ရပ် မဟုတ်ဘူး။ နှစ်ကောင်ရိုက်ဖို့အတွက် တကောင်
ကြွေးတာကို အပြုသဘောဆောင်တဲ့ ကမ်းလှမ်းချက်လို့ လာမပြောနဲ့။ လူတွေက
ပြန်နောက်ကြလိမ့်မယ်။ ဟားကြလိမ့်မယ်။

အမှန်တကယ်အပြုသဘောဆောင်တဲ့ လူ့အဖွဲ့အစည်း မြန်မာတွေကြားမှာဖြစ်
ပေါ်ရေးဆိုတာ လွယ်တာမဟုတ်ဘူး။ နှစ်ပေါင်းများစွာ အကြိတ်အခဲတွေနဲ့။
အမှတ်အတေးတွေနဲ့။ နာကျင်မှုတွေနဲ့။ ခါးသီးမှုတွေနဲ့ မြန်မာ့လူ့အဖွဲ့အစည်း
ကို တည်ဆောက်ထားမိနေပြီ။ ဒီလိုအချိန်မှာ စကားလုံးလှလှကို ပြောင်လက်
နေအောင် ဆီသုတ်ပြီး အရသာ လာမခံကြနဲ့တော့။ အပြုသဘောဆောင်တယ်
ဆိုတဲ့စကားကို “အပြုသဘော မဆောင်ဘူး”လို့ လူတွေက နားလည်ထားကြပြီ။
အဲဒီတော့ဘယ်လို လုပ်ကြမတုံး။

စေတနာ တကယ်မပါပဲ ဘာမှ မလုပ်ကြနဲ့။ တောင်ရွှီး မြောက်ရွှီး။ လေဖမ်း ဒန်းစီး
နိုင်ငံရေးတွေ ရပ်ကြပါ။ ရင်ထဲမှာ တကယ်ရှိတဲ့ စကားကိုပဲ ထုတ်ပြောကြပါ။ မီဒီ
ယာမှာ အင်တာဗျူးပါရင် ငါ့နိုင်ငံရေး အတော်ဟုတ်နေပြီလို့ ထင်တာတွေ ရပ်ကြပါ။
မလိုအပ်ပဲ အပေါ်ယံ လူကြားကောင်းမယ့် စကားလုံးဆီသုတ်အတွေးအခေါ်တွေ
နားကြပါတော့လို့ အပြုသဘောဆောင်ပြီး တိုက်တွန်းနိုးဆော်လိုက်ပါတယ်။

(ရုပ်ပုံ၊ ဂူဂလ်)

4 comments:

ကလူသစ် said...

အပြုသဘောနဲ့ လာဖတ်သွားပါတယ် :)

blueskyforest said...

ဒါဆိုရင်တော့ အပြုသဘောလေးနဲ့ ကျေးဇူးတင်ရမှာ ပေါ့ ကလူသစ်ရယ်။ ဟဲ..ဟဲ ဟဲ

သက်ဝေ said...

အပြုသဘောဆောင်ပြီး ရေးတဲ့ပိုစ့်ကို အပြုသဘောဆောင်ပြီး လာဖတ်တယ်... :D

(ပြောရတာ လျှာလိပ်လိုက်တာနော်...)

ကိုပေါ said...

Good post. Why had I overlooked such a good blog as yours for such a long time?

In my blog, someone has left a link to one of your posts and now I find myself hooked by the charm of your writing style and your views.