အသေဇတ်လမ်း

အားလုံး ပြောင်းလဲနေတယ်။ ပြောင်းလဲမှုဆိုတာ ဘာမှ မဆန်းဘူး။ ဒါပေမဲ့
အရှေ့နဲ့အနောက် ဆန့်ကျင်ဘက်ကြီး ပြောင်းလဲသွားတာမျိုးကတော့
“ဆန်းတန်းတန်း”လို့ ဆိုရမယ်။ စကားပြောဆိုတဲ့ အသုံးအနှုန်းတွေပြောင်း
လဲနေတာကို ရေးချင်တာပါ။ ဆိုပါတော့။ အရင်က “သိပ်ကောင်းတယ်”ဆို
တာကို “မိုက်တယ်”လို့ ပြောင်းပြီးသုံးလာခဲ့တုန်းက လူကြီးတွေ အော်ခဲ့ကြ
ဖူးတယ်။ မိုက်တဲ့ဟာက ကောင်းရမလားဟဲ့ ပေါ့။

အခုလည်း “အသေ” ကိစ္စကို သတိထားမိနေတာ ကြာပြီ။ တစုံတယောက်ရဲ့
ဘလော့ဂ်မှာ မှတ်ချက်ပေးသူတဦးက “အသေကြိုက်တယ်” လို့ ရေးထား
တာကို အခုပဲတွေ့လိုက်လို့ ဒီစာကို ရေးဖြစ်သွားတာ။ ဒီအဆိုတော်ကို
ကျမက “အသေစွဲနေပြီ” ။ ဒီမင်းသမီးကို ကျနော်က“အသေခိုက်နေပြီ” ။
ဒီကလေးမ “အသေလှတယ်” စသဖြင့် သုံးနှုန်းနေကြတာကြာပြီ။ လူသေ
ကောင်ကြီးကို ကြိုက်နေကြတာ မဟုတ်ဘူး။ ဒီကောင်ပြေးတာ “အသေမြန်
တယ်” ။ စာသင်နေတုန်း “အသေငိုက်တယ်” ဆိုတာတွေကလည်း သေဆုံး
ခြင်းကိုပြောနေတာ မဟုတ်ဘူးဆိုတာ လူတိုင်း ဓါတ်ပေါက်တယ်။

ခံစားချက် ပြင်းထန်တာကို တင်စားပြီး ပြောတဲ့စကားပါ။ သေလောက်မတတ်
ခံစားရတာကို ပြောချင်တာပါ။ တခြားဘာသာစကားတွေမှာလည်း သေတဲ့
အသုံးအနှုန်းကို ဒီလိုပဲ သုံးတာတွေ ရှိပါတယ်။ သေတယ်ဆိုတာ မကောင်းဘူး
ဒါပေမဲ့ “အသေလှတယ်” ဆိုတာက “သိပ်ကောင်းတယ်” ဆိုတဲ့သဘော။ ဆန့်
ကျင်ဘက်နှစ်ခုကို ရောပြီးပြောတော့ တချက်ထဲ စွဲသွားနိုင်တာပေါ့။ ပြုံးပြုံးလေး
သေနေတာကိုလည်း အသေလှတယ်လို့ ဆိုပြန်တယ်။ အသေစောလို့ နှမျောမိ
ဆိုတာလည်း ရှိသေးတယ်။

“အသေဆိုးတယ်”ဆိုတာကလည်း ကားအကြိတ်ခံရလို့ သေတာမျိုးကို ပြော
သလိုပဲ။ နင့်သားကတော့ “အသေဆိုးတယ်ဟာ” ဆိုတာမျိုး သိပ်ဆိုးလွန်းတဲ့
ကလေးကိုလည်း အသေနဲ့ တင်စားပြီး ပြောတတ်ပြန်တယ်။ “အသေဖြောင့်ဖို့
လိုတယ်” “အသေသတ်တယ်” ဆိုတဲ့ စကားတွေကတော့ အခုပြောနေတဲ့
အသေနဲ့ မဆိုင်ဘူးဆိုတာလည်း စောဖေတို့တတွေ နောကြေနေလောက်ပါပြီ။

“အသေ” သုံးနှုန်းတဲ့ကိစ္စ လူကြီးတွေ သတိပေးပြောဆိုသံ မကြားမိဘူး။ တား
မရလို့ လွှတ်ထားတာမျိုးလည်း ဖြစ်နိုင်တယ်။ ဒါမျိုးက တားလို့ မရနိုင်ဘူးလေ။
ပြောမှ ပိုဆိုးလာနိုင်တာကိုး။ လူကြီးတွေရှေ့မှာ။ ရုံးတွေကျောင်းတွေမှာ။ လေး
စားလောက်တဲ့လူတွေရှေ့မှာ “အသေ”ဆိုတာကြီး မပြောကောင်းဘူးကွဲ့လို့
ကိုယ့်ကလေးကိုယ် မှတ်လောက်အောင် သတိပေးထားရုံပဲ ရှိမယ်။ ဥပဒေထုတ်
လို့ မဖြစ်တဲ့ကိစ္စ။ ဒီလောက်ပဲ ရနိုင်လိမ့်မယ်။

လူကြီးမင်းများခင်ဗျား။ လူတကာ သိပြီးသားကိစ္စကို မလုိုအပ်ပဲ “အသေရစ်ပြီး”
ရေးနေတဲ့စာ ဒီမှပဲ ရပ်ပါတော့မယ်။ မိတ်ဆွေများလည်း အသေကျန်းမာကြစေဖို့နဲ့
အသေကံကောင်းကြစေဖို့ ဒီနေရာကနေ အသေဆန္ဒပြုလိုက်ပါတယ်။

(ရုပ်ပုံ ၊ ဂူဂလ်)