Wednesday, November 23, 2011

ကုန်တင်သင်္ဘော

ဘုရားသခင်နဲ့အပေါင်းအပါတသိုက်က ကောင်းချီးမင်္ဂလာပိုးမွှားရောင်စုံတွေနဲ့
ဘယ်တော့မှ မပြေလည်နိုင်မယ့် လှပမွှေးကြိုင်တဲ့ ပြဿနာတွေကို အသေအချာ
ထုတ်ပိုးပြီး ကမ္ဘာကိုပတ်မယ့် ကုန်တင်သင်္ဘောကြီးတစီးနဲ့ထည့်ပေးလိုက်လို့ ကိုး
ရက်မြောက်တဲ့နေ့ မိုးလင်းလုလုအချိန်မှာ ခဲသားရောင်တိမ်တိုက်တွေနဲ့ အမြဲလိုလို
မှုန်မှိုင်းနေတတ်တဲ့ ကမ္ဘာ့အနောက်ဘက်ခြမ်း ကမ်းခြေမြို့တခုအနားကို ကုန်တင်
သင်္ဘောတဖြည်းဖြည်းချင်း ဆိုက်ကပ်လာခဲ့တယ် ။

အဲဒီမြို့ရဲ့ဆိပ်ကမ်းမှာ အမဲသားကြိုက်တဲ့ဇင်ယော်တွေ၊ ရေချိုးပျင်းတဲ့ ဖျံညိုညိုတွေ၊
ပင်လယ်ဓါးပြအလံလွှင့် အပျော်စီးသင်္ဘောငယ်တွေ၊ သံချေးတက်နေတဲ့တည်းခိုခန်း
တွေ၊ မှိုစော်နံနေတဲ့ ပန်းချီအရောင်းပြခန်းတွေ၊ ပိတ်ထားတဲ့ စွတ်ပြုတ်ဆိုင်တွေနဲ့
မအိပ်ရသေးတဲ့ အဝေးပြေးကားသမားတွေ၊ အိပ်ရေးပျက်နေတဲ့ ပြည့်တန်ဆာတွေ၊ တရွာမပြောင်းသူကောင်းမဖြစ်တွေနဲ့ သေချင်တဲ့ကျား တောပြောင်းတွေဟာ ဘုရား
သခင်ရဲ့ကုန်တင်သင်္ဘောရောက်လာတာကို လုံးဝ သတိမထားမိကြဘူး ။

အဲဒီနေ့ဟာ ကြာသပတေးနေ့ဖြစ်တယ် ။

မှုန်မှိုင်းတဲ့မြို့ရဲ့ ကြာသပတေးနေ့မနက်ခင်းဟာ ထူးထူးခြားခြား မိုးလင်းကတည်းက
နေသာနေလို့ မြို့ရဲ့သတင်းစာတွေက သာယာလှပတဲ့သူတို့မြို့ရဲ့ မနက်ခင်းအကြောင်း
အချပ်ပိုတွေ အလကားဖြန့်ချိနေကြသလို ရုပ်မြင်သံကြားသတင်းတွေမှာလည်း ဒီ
အကြောင်းကိုပဲ မနားတမ်းထုတ်လွှင့်ပြသနေကြာတာကြောင့် မြို့သူမြို့သားတွေက
ထူးခြားလှပတဲ့သူတို့မြို့ရဲ့မနက်ခင်းကို တအံ့တသြနဲ့ငေးမောရင်း ပျော်ရွှင်သာယာ
နေကြတဲ့အချိန်မှာ မြို့ရဲ့ကမ်းနားဘက်ဆီက ကုန်တင်သင်္ဘောရဲ့ဥသြသံဆွဲလိုက်တဲ့
အသံကို ဘယ်သူမှ သတိမထားမိလိုက်ကြဘူး ။

ဒီမြို့ဟာ ကမ္ဘာ့ကုန်သွယ်ရေးမြို့ဖြစ်တယ် ။

ကြာသပတေးနေ့ညနေခင်းမှာပဲ ဘုရားသခင်ရဲ့ ကုန်ပစ္စည်းတွေအားလုံး သင်္ဘော
ပေါ်ကနေတဆင့် ကမ်းခြေမြို့လေးရဲ့ကုန်ပစ္စည်းသိုလှောင်ရုံတွေထဲကို စံနစ်တကျ
ပြောင်းရွှေ့ခဲ့ပြီး တပတ်အတွင်းမှာပဲ ဘုရားသခင်ရဲ့ကုန်ပစ္စည်းတွေ ကမ္ဘာအနှံ့
ဖြန့်ချိခဲ့ကြတယ် ။

နောက်တပတ် ကြာသပတေးနေ့မနက်ခင်းမှာ ဘုရားသခင်ရဲ့ ကုန်တင်သင်္ဘော
မြို့ရဲ့ဆိပ်ကမ်းကနေ ထွက်ခွါသွားခဲ့ပြီး သင်္ဘောပေါ်မှာ ကုန်သတ္တာတွေအပြည့်
ပြန်ပါသွားခဲ့သလို သင်္ဘောထွက်ခွါစဉ်က ဆွဲလိုက်တဲ့ဥသြသံကိုလည်း ဘယ်သူမှ
သတိမထားမိခဲ့ပါဘူး ။

မှုန်မှိုင်းတဲ့မြို့ကလေးမှာ တခါတခါ နေသာတာကလွဲလို့ ဘာမှ အပြောင်းအလဲဖြစ်
မလာခဲ့ပေမဲ့ မကြာခင်လပိုင်းအတွင်းမှာတော့ ဘုရားသခင်နဲ့အပေါင်းအပါတသိုက်
အနိစ္စသဘောနဲ့ ကိစ္စချောသွားကြတဲ့အကြောင်း သတင်းစာတွေရဲ့နာရေးစာမျက်နှာ
တွေမှာပါလာတယ် ။

လူအများစုကတော့ ဒီသတင်းကို သတိမထားမိကြပါဘူး ။

(ရုပ်ပုံ ၊ ဂူဂလ်)

Monday, November 21, 2011

တရုတ်ဓါတ်














မနက်ဆို တရုတ်တန်းကို လမ်းလျှောက် ။ ဆံပြုတ်သောက် ။ ဆံပြုတ်ထဲကို အီကြာ
ကွေးထည့် ။ငြုပ်ကောင်းထည့် ။ ဆေးဘဲဥထည့် ။ မြေပဲနဲ့ ကြက်သွန်မိတ်ထည့် ။
ဆံပြုတ်ဆိုင်က ဖွင့်ထားတဲ့ တရုတ်သီချင်းကို နားထောင်။ တရုတ်မကြီးလာချတဲ့
ရေနွေးကြမ်းကို သောက်။  ဟောင်ကောင်လက်ဘက်ရည်အချိုကို သောက် ။ ဆိုင်
ထဲက ကွမ်တုံးတရုတ်တွေပြောတဲ့ အော်ကျယ်အော်ကျယ် စကားတွေကို နားထောင်။
တရုတ်မကြီးကို ပိုက်ဆံပေးရင်း ပြုံးပြ ။ ဆံပြုတ်ဆိုင်ကအထွက် ပလက်ဖေါင်းပေါ်
တရုတ်ကြီးတွေသောက်တဲ့ ဆေးလိပ်ငွေ့ကိုရှူ ။ ဟိုငေး ဒီငေး လမ်းဆက်လျှောက်။

ဆာမူရိုင်းကေ ညှပ်ထားတဲ့ တရုတ်မ။ လမ်းမတန်းရဲ့ အထဲမှာ ဒီဗီဒီဆိုင်ဖွင့်ထားတယ်။
ရုပ်ဆိုးတယ်ဆိုပေမဲ့ သူ့ဆံပင်ပုံနဲ့ဝတ်ပုံစားပုံကြောင့် ဆွဲဆောင်မှုရှိတယ် ။ ဆာမူရိုင်း
တရုတ်မဆိုင်မှာ ဒီဗီဒီတွေ ဈေးပေါတယ်။ ကိုရီးယား ဇတ်လမ်းတွဲတွေ ။ တရုတ်ဇတ်
လမ်းတွဲတွေ ။ ဟောင်ကောင် ရုပ်ရှင်တွေ ။ အပြာကားတွေ။ ဂျပန်ကားတွေ စုံတယ်
နောက်ဆုံးပေါ် ရာဇ၀င်သိုင်းကား အင်္ဂလိပ်စာတမ်းထိုးနဲ့  လေးခွေဝယ်ခဲ့တယ် ။

လမ်းပေါ်မှာ တရုတ်အဖိုးအိုပေါက်စ ကြိုးနှစ်ချောင်းတပ်တယောကို ပေါင်ပေါ်ထောင်ပြီး
ထိုးနေတယ်။ လက်သံကတော့ ခပ်ညံ့ညံ့ပဲ ။ တရုတ်ကြီးထိုးနေတဲ့သီချင်းက ခရစ္စမတ်
သီချင်း ။ သူ့ရှေ့က ခွက်ထဲမှာ မနက်စောစောပေမဲ့ ငါးဒေါ်လာကျော်နေပြီ ။ အခါကာလ
သမယက ခရစ္စမတ်အချိန်ပေတကား ။ မြန်မာပြည်သင်္ကြန်ကို သတိရမိ ။ သင်္ကြန်မတိုင်
ခင် တလလောက်ကတည်းက သင်္ကြန်သီချင်းတွေ ကြားနေရတတ်တာကိုး ။

အိမ်အပြန်လမ်းမှာ ငါကြိုက်တဲ့ ကော်ဖီဆိုင်ကို ၀င်ထိုင် ။ ကော်ဖီသောက်ရင်း အင်တာ
နက်ထဲဝင် ။ ဟိုကြည့် ဒီကြည့်လုပ် ။ ကမ္ဘာကြီးဘာဖြစ်နေသလဲ ကော်ဖီသောက်ရင်း
လေ့လာ။ ကော်ဖီဆိုင်မှာလည်း ခရစ္စမတ်သီချင်း ။ ဒီဆိုင်မှာ လိင်တူစုံတွဲတွေနဲ့ခွေးမျိုးစုံ
အထုိုင်များတယ် ။ ဘလူးစ်သီချင်းကြိုက်သူတွေလည်း ထိုင်တတ်တယ်။

အိမ်ရောက်တဲ့အခါ တရုတ်သိုင်းကားတွေ တကားပြီး တကားထိုင်ကြည့် ။ ဗိုက်ဆာရင်
ထစားလိုက် ။ ငိုက်လာရင် အိပ်လိုက် ။ အပေါ့သွားလိုက် ။ အလေးသွားလိုက် ။ သိုင်း
ကားကို ရပ်လိုက် ။ ကြည့်လိုက် ။ သိုင်းသမားတွေကလည်း ချလိုက် ။ ရပ်လိုက် ။ သေ
လိုက် ။အော်လိုက် ။ ငိုလိုက် ။ ရယ်လိုက် ။ မြှားပစ်တဲ့သူ။ လှံထိုးတဲ့သူ။ လက်သီးအား ကိုး ရှောင်လင်သမား။ လေပျံ ဒါးမယ်။ လက်နက်ပုန်း ဂျွမ်းသမား။ ခြေကန်ကွန်ဖူးသမား။ အတွင်းအားသမား။ အကြောပိတ်မမ။ ၀ါးတောတွေထဲမှာ ပြေးလွှားတိုက်ခိုက်။ တောကြို
တောင်ကြားမှာ ခုတ်လိုက် ထစ်လိုက်။ နန်းတော်ထဲမှာ ခုန်ပျံထိုးကြိတ် ။ လက်သီးစာမိသူ
များ ပါးစပ်ထဲက သွေးထွက် ။ ထိုးခုတ်ပြေးလွှားခုန်ပျံသံ တသောသောညံ ။

ဒီဗီဒီလေးချပ်မှာ ဇတ်လိုက်မင်းသား သုံးဦးသေ။ ဇတ်လိုက်မင်းသမီး နှစ်ဦးသေ။ တဦး
ဒဏ်ရာရ။ ဇတ်လိုက်တဦး လက်တဘက်ပြတ်။ အရပ်သူအရပ်သားတွေ သောင်းနဲ့ချီသေ
ဆုံး။ တရုတ်ပြည်ကြီး နေရာအနှံ့ မီးဟုန်းဟုန်းလောင်။ ညနေစာ မစားခင် ၀ိုင်ကောင်း
ကောင်းတလုံး ထွက်ဝယ်။ ၀ိုင်ရောင်းတဲ့ တရုတ်မကို ပြုံးပြ။ ဒီကနေ့ရာသီဥတုအကြောင်း
ပြော။ ဆိုင်မှာဖွင့်ထားတဲ့ ခရစ္စမတ်သီချင်းကို လိုက်ဆိုရင်း အိမ်ပေါ်တက် ။ မနက်ဖြန်မနက်
ဆံပြုတ်ထွက်သောက်ဖို့။ ဆာမူရိုင်းတရုတ်မနဲ့တွေ့ဖို့။ တရုတ်သိုင်းကား ထပ်ရှာပြီးကြည့်ဖို့
စိတ်ကူးရင်း ၀ိုင်ကို တစိမ့်စိမ့်သောက် ။ ဒီည အိပ်ကောင်းဦးမယ် ။

(ရုပ်ပုံ ၊ ဂူဂလ်)

Saturday, November 19, 2011

မသိတဲ့သီချင်း
















အပြောင်းအလဲတွေကို ဖန်တီးခဲ့သူ ဗိုလ်ချုပ်မှုးကြီးသန်းရွှေ ဘယ်မှာလဲ ။ ဘာတွေ
လုပ်နေလဲ ။ NLD က ရွေးကောက်ပွဲ မ၀င်ရင် ဘာလုပ်ရမှာလဲ ။ ခေါင်းဆောင်တွေ
အိုကြီးအိုမနဲ့  တောခိုရမလား ။ ယူဂျီလုပ်မှာလား ။ ခပ်တည်တည်နဲ့ အူကြောင်
ကျား လုပ်မှာလား ။ မြန်မာ့တပ်မတော်ရဲ့ အစီအစဉ်က ဘာလဲ ။ အာဏာသိမ်းဖို့
စောင့်ကြည့်နေတာလား ။ မြန်မာ့နိုင်ငံရေးမှာ ဆရာကြီးဆက်လုပ်နေမှာလား ။

ဂိမ်းအသစ်ကို ပလေယာအဟောင်းတွေကစားတော့ ပွဲက ကြည့်ကောင်းမှာလား ။
ဂိမ်းကို အသားကျအောင် ဘယ်လောက်ကြာကြာ စောင့်ရမှာလဲ ။ ကစားနေရင်း
ထသတ်ကြဦးမှာလား။ ပြည်သူတွေက ဂိမ်းအသစ်မှာ ဘယ်လိုဝင်ပါရမှာလဲ ။
လူထုကရော ဂိမ်းအသစ်ကို အလွယ်တကူ ကစားတတ်မှာလား ။

ဘေးပြော၊ အဝေးပြောဆရာသမားများကရော အလုပ်ဖြစ်အောင် ဆရာလုပ်တတ်
ကြပြီလား ။ လူထုအားကို တကယ်ပဲ ယုံကြည်သလား ။ လူထုအားနဲ့  အာဏာရှင်
ဖြုတ်ချရေးလမ်းစဉ် လက်တွေ့မှာ ဆေးတိုးရဲ့လား ။ ဘယ်သူတွေ ဘာဖြစ်ကုန်သလဲ။
ဘယ်သူတွေ ထောလို့ ဘယ်သူတွေ မျောကုန်သလဲ။

အနောက်အုပ်စု၊ တရုတ်၊ အာစီယံ၊ အိန္ဒိယ မြန်မာမြေပေါ်မှာ ဘယ်လောက်အထိ
ခြေရှုပ်ကြမလဲ ။ ဒေါ်စုရဲ့  ဆေးကြိမ်လုံးက ဘယ်လောက်စွမ်းသလဲ ။ နိုင်ငံရေး
အကျဉ်းသားတွေ အကုန်လွတ်ရင် မြန်မာ့နိုင်ငံရေးက ဘယ်လောက် ပြောင်းလာ
မလဲ ။ ကွန်မြူနစ်တွေ၊ လက်ဝဲယိမ်းတွေရဲ့ခေတ်က ရှိသေးလား ။ မြန်မာ့တပ်မ
တော်က ဒေါ်စုကို အလေးပြုတော့မှာလား ။ ဒေါ်စုခေတ် အဖြစ်ခံမှာလား ။

ပြည်တွင်းစစ်က ဒီခေတ်မှာ တကယ်ရပ်မှာလား ။ ဒီမိုကရေစီကို စည်းကမ်းရှိ
အောင် ဘယ်သူက သွန်သင်ဆုံးမမှာလဲ ။ တိုင်းရင်းသားတွေ ဘယ်တော့ ခွဲ
ထွက်ခွင့် ထပ်တောင်းကြမလဲ ။ ဟိုး ရှေးရှေးကအတိုင်း မွန်နိုင်ငံတော်၊ ရခိုင်
နိုင်ငံတော်အိပ်မက်တွေ အခြေအနေ ဘယ်လိုရှိသလဲ ။ တက်ကြွလှုပ်ရှားသူ
တွေ၊ လူ့အခွင့်အရေးသမားတွေ၊ ခွပ်ဒေါင်းတွေ၊ ရှစ်ဆယ့်ရှစ်တွေ ဘယ်လိုအရောင်
ပြောင်းမလဲ။ အရင်အတိုင်းပဲ အလံမလှဲပဲလား။ သေသည်အထိ ဆက်တိုက်ကြ
မလား။

ပြည်ပရောက်များ ဘာလဲ၊ ဘယ်လဲ ။ အမျိုးသားက တကယ်ပဲ ပြန်လည် ရင်ကြား
စေ့မှာလား ။ အလျှော့ အတင်း ။ အငြင်း အခုံ ။ ဒီမိုကရေစီနိုင်ငံရေးပုံစံ တကယ်
ပေါ်လာတော့မှာလား ။ အဆိုးဆုံး ဖြစ်မှာက ဘာလဲ ။ အခြေအနေတွေက အဆိုး
ဆုံးထိ ရောက်နိုင်သလား ။ ဖြေးဖြေး အေးအေး အပြောင်းအလဲလား။ ၀ုန်းဝုန်းဒိုင်း
ဒိုင်း အပြောင်းအလဲလား ။ အီလည်လည် အပြောင်းအလဲလား ။ မအီမလည်
အပြောင်းအလဲလား ။

မသိတာတွေ သိပ်များတယ် ။ ဘယ်သူတွေက ဘယ်လောက် သိနေကြသလဲ ။
ဗေဒင်မမေးနဲ့ ဆန်ကုန်မယ် ။ ဘယ်သူမှ ဘာမှ မသိဘူး ။ သိတယ်လို့ပြောနေတဲ့
သူလည်း မသိဘူး ။ ဘုရားသခင်လည်း မသိဘူး ။ မသိချင်းတရားဟာ လောကကို
ကြီးစိုးတယ် ။

(ရုပ်ပုံ ၊ ဂူဂလ်)

Sunday, November 13, 2011

ရမ်းရေး မှန်းရေး နိုင်ငံရေး














တကယ်တော့ အကုန်လုံး မှန်းတုတ်နေကြတာ။ ဘယ်ဟာက ဘာမှန်း သိ
လှတာ မဟုတ်ဘူး။ ဟုတ်နိုးနိုးနဲ့ သွေးတိုးစမ်းပြီး ကြိုးတန်းလမ်းလျှောက်
ခရီးဆက်နေရတာပါ။ မြန်မာ့နိုင်ငံရေးက အဲသလို။ ဒေါ်စုလည်း ဦးသိန်းစိန်
အကြောင်း သိလှတာ မဟုတ်ဘူး။ ဒကာစိန်ကလည်း ဒေါ်စုအထာသိပ်နား
လည်တာ မဟုတ်ဘူး။

ကာယကံရှင်တွေတောင်မှ စမ်းတ၀ါးဝါးနဲ့ သတိလေးကပ်ပြီး ခရီးဆက်နိုင်
အောင် မနည်းအားထုတ်နေကြရတာပါ။ ဒီအဖြစ်ကိုကြည့်ပြီး အဝေးကနေ
ကမ်းမမြင်လမ်းမမြင် ရမ်းသမ်းပြီး ဝေဖန်ကြသူတွေကလည်း တမှောက်။
သူတို့ကလည်း မမြင်သာ မမြင်တာ အတည်ပေါက်နဲ့ လှမ်းဟောက်လို
ဟောက်။ ငေါက်လို ငေါက်။ ကြိုးတမ်းပေါ်လမ်းလျှောက်ရသူကို ကူညီရာ
မရောက်ပဲ ပြုတ်ကျအောင် လုပ်သလိုဖြစ်နေပြီ။ စေတနာနဲ့အကြံပေးတာ
မျိုးလုပ်ကြပါ။ ပွဲပျက်အောင် မဆူကြပါနဲ့။ အလိုလိုကမှ စစ်တပ်က အာဏာ
သိမ်းချင်နေရတဲ့အထဲ။

ဒကာစိန်မှာ လမ်းပြမြေပုံပါတယ်ဆိုပေမဲ့ မြေပုံပဲပါတာ။ သံလိုက်အိမ်မြှောင်
မပါဘူး။ ဒေါ်စုက သံလိုက်အိမ်မြှောင်တော့ ရှိပါရဲ့ မြေပုံမရှိပြန်ဘူး။ ဘယ်
အချိန် ဘာဖြစ်မယ် သိတာ မဟုတ်ဘူး။ နိုင်ငံရေးဆိုတာ စမ်းတ၀ါးဝါးနဲ့
ပူးပေါင်းပြီး ကောင်းအောင် တည်ဆောက်ယူရတဲ့ အရာမျိုးပ။ ဒီလိုနဲ့ စေ့စပ်
ရေး၊ ငြိမ်းချမ်းရေးတွေ လုပ်ယူရတာပ။ ယုံကြည်မှုကို ရအောင် ကြိုးပမ်းရ
တာပ။

ရန်သူအဆင့်ကနေ မိတ်ဆွေဖြစ်ရေး ကြိုးပမ်းနေကြတဲ့ကာလ။ တယောက်
နဲ့ တယောက် ရာနှုန်းပြည့်ယုံကြတာ မဟုတ်ဘူး။ ယုံရတာလည်း မဟုတ်ဘူး။
ဝှက်ဖဲတွေက ဘာတွေမှန်း သိကြတာမဟုတ်ဘူး။ သီချင်းတပုဒ် စပ်သလို။
ဟင်းတခွက် ချက်သလို။ အရသာကောင်းထွက်အောင် သတိလေးထားပြီး
အစပ်အဟပ်ကို ထည့်နေရတာ။ အနုပညာတခုကို ဖန်တီးနေရတာ။ နိုင်ငံ
တော်သစ်တခုကို ထူထောင်ဖို့ ပြင်ဆင်နေရတာ။ ဒီအတွက်ပေးထားရတဲ့
အသက်တွေလည်း သိတဲ့အတိုင်းပဲ။ ပျက်ထားရတဲ့ ဘ၀တွေလည်း သိတဲ့
အတိုင်းပဲ။ မနည်း မနော။

သူတို့တွေက ခေါင်းဆောင်တွေပဲ သူ့အလုပ်သူလုပ်ဆိုပြီး လွှတ်ထားလို့
လည်း မဖြစ်ပြန်ဘူး။ ကိုယ့်အလုပ်က အခုချိန်မှာ ဘာလဲဆိုတာလည်း သိ
ဦးမှ။ အရင်ကတော့ အရင်အခြေအနေတွေအရ “ဆန္ဒ ဆန္ဒ ပြ ပြ” ဆိုပေမဲ့
အခု အခြေအနေအရ အဲဒီသီချင်းပဲ ထဆိုနေလို့ ဖြစ် မဖြစ် စဉ်းစားကြဦး ။
ဟန်ချက်ရဖို့ ကြိုးစားနေချိန်မှာ အာရုံပျက်အောင် မလုပ်မိစေနဲ့။ ကိုယ့်
အလုပ် ကိုယ်သိ။ ပိုကောင်းအောင်လုပ်။ အနှောက်အယှက် မဖြစ်စေနဲ့။

မင်းသမီးနဲ့ မင်းသား နှစ်ပါးသွားကတုန်းမှာ ဆိုင်းသမားကလည်း ကလို့
ကောင်းအောင် တီးပေးနိုင်ပါမှ။ မီးသမားကလည်း ထိုးပေးနိုင်ပါမှ။ အဆို
သမားကလည်း ဟဲပေးနိုင်ပါမှ။ ပရိတ်သတ်ကလည်း လက်ခုတ်တီးပေး
နိုင်ပါမှ။ ဒီလိုလုပ်တဲ့ကြားက စွန်အောင် မကနိုင်ဘူးဆိုရင်တော့ ပြောင်း
ဖူးရိုးနဲ့ ကောက်ထုတာမျိုးတော့ ဖြစ်ကောင်းဖြစ်လာနိုင်သပေါ့လေ။

တရုတ်ကလည်း သူ့အကြံနဲ့သူ။ အမေရိကန်ကလည်း သူ့အကွက်နဲ့သူ။
အာစီယံကလည်း သူအဆင်နဲ့ သူ။ အိန္ဒိယကလည်း သူ့အမြင်နဲ့ သူ။
မြန်မာ့တပ်မတော်ကလည်း သူ့အထာနဲ့သူ။ ဖြစ်လာတဲ့ တေးသွားပေါ်မှာ
ညီညွတ်မျှတ လှပအောင် စမ်းတ၀ါးဝါးနဲ့ကနေကြတယ်။ ဇတ်သိမ်းကို
ဘယ်သူမှ သိတာမဟုတ်ဘူး။ ကိုယ်တွက်သလို ဖြစ် မဖြစ် ဘယ်သူမှ
အပိုင်မသိဘူး။ မြန်မာ့နိုင်ငံရေး ဇတ်ခုံမှာ ရင်ကွဲနာကျခန်းတွေ များလှပြီ။
မိသားစုတွေ ပြန်ဆုံခန်း။ ချစ်ခန်းကြိုက်ခန်း။ သားရွှေအိုးထမ်းခန်းတွေ
မြင်ချင်လှပြီ။

လောလောဆယ်တော့ ရမ်းတုတ်၊ မှန်းတုတ်ချင်း အတူတူ။ ငါပိုသိသဟဲ့
ဆိုပြီး စွာကျယ် စွာကျယ် မလုပ်ကြနဲ့။ စေတနာနဲ့ သတိပေးတယ်ဆိုလည်း
ဖေးဖေးမမလေး လုပ်ကြပါ။ ဖေးဖေးမမလေး စဉ်းစားကြ။ ဖေးဖေးမမလေး
ဆက်ဆံကြ။ နင်ရော ငါရော တတိုင်းပြည်လုံးက အတွင်းလူနာ ဖြစ်နေတာ
ကြာပြီ။

(ရုပ်ပုံ ၊ ဂူဂလ်)

Saturday, November 12, 2011

အွန်လိုင်းဂိုဏ်းများ




















ပွဲတွေ ကောင်းလာပြီ။ ဂိုဏ်းတွေ ထလာပြီ။ ကြွလာပြီ။ တူရာ တူရာ စု
ကြပြီ။ အုပ်စုဖွဲ့၍ လှုပ်ရှားကြပြီ။ မြိုင်မြိုင်ဆိုင်ဆိုင် လတန်ဆောင်တိုင်
ရောက်ပြီ။ စု၍ ဆဲသူများကတော့ စုဆဲဂိုဏ်း။ စုကာ ကူသူများကတော့
စုကူဂိုဏ်း၊ စုလှူဂိုဏ်း။ စုပြီး ပွါးဖို့ကြံသူများကတော့ စုပွါးဂိုဏ်း။ စု၍
မိုက်ကြသူများက စုမိုက်ဂိုဏ်း။ တချို့က စုပြီး ဖွသည်။ အဲသည်တော့
စုဖွဂိုဏ်း။ ဂိုဏ်းစုံတော့ ကျိုင်းတုံကို သတိရသည်။ ကျိုင်းတုံတွင် စိုင်း
လုံရှိသည်။ သိုင်းခြုံကာပြောရလျှင် ဂိုဏ်းစုံတာ ကောင်း၏။

ဒီမိုကရေစီ အခါသမယကြီးပေကိုး။ ကိုယ်မြင်ရာ၊ ကိုယ်ထင်ရာများကို
လွတ်လပ်စွာ ထုတ်ဖေါ်၍ ပြောကြပေလရော့။ စားသုံးသူ အမြဲမှန်သည့်
ခေတ်။ ပြည်သူ့အသံကို အစိုးရက နာခံရမည့်ခေတ်။ ကမ္ဘာအနှံ့က
ရွှေမြန်မာ ကိုကိုမမများ အွန်လိုင်းသို့တက်ကာ အမြင်များကို ဖေါ်ကြ
သည်။ ထုတ်ကြသည်။ လှုပ်ကြသည်။ ဖဲ့ကြသည် ။ ဖွဲ့ကြသည်။ ဖွကြ
သည်။ တွယ်ကြသည်။ ဆွယ်ကြသည်။ စည်းကမ်းပြည့်ဝသော ဒီမိုက
ရေစီနိုင်ငံတော်သစ်ဆီသို့ အွန်လိုင်းဂိုဏ်းတော်သူ ဂိုဏ်းတော်သားများ
အရှိန်အဟုန်ဖြင့် ခရီးနှင်ကြတော့မည်။ ကြိုနှင့်တော့ ဒီမိုကရေစီ။ ဒို့
ခေတ်ကိုတော့ ရောက်လပြီ။

ဂျိုကုတ်ရှိရာ ဂျိုကုတ်လာ။ ဂျိုထောင်ရှိရာ ဂျိုထောင်သွား။ ဘလော်ဂါ
များလည်း ဂိုဏ်းဖွဲ့ကြသည်။ အွန်လိုင်းတွင် ဂိုဏ်းဖွဲ့ရ အလွန်လွယ်
သည်။ အင်မတန်လွယ်သည်။ ဂိုဏ်းဝင်လွယ်သလို ဂိုဏ်းထွက်လည်း
သိပ်လွယ်သည်။ လွယ်ရုံမက အလကား လုပ်ခွင့်ရသည်။ ထို့ကြောင့်
ဤခေတ်ဤအခါမှာ အခမဲ့အွန်လိုင်းဂိုဏ်းများ အလွန့်အလွန်ကို ပေါ
များသည်။ ငွေပေး၍ လုပ်ရမည်ဆိုပါက ထိုဂိုဏ်းများ ရှိမည် မထင်။

တယောက် တပေါက်တင်မက နှစ်ပေါက် သုံးပေါက် ပြောကြဆိုကြသည်။
အကောင့်အမျိုးမျိုးဖွင့်၍ လှုပ်ရှားကြသည်။ ဘုရားတရားသမားများက
လည်းသူ့တရား ကိုယ့်တရား ဂိုဏ်းဖွဲ့ကာ ပွါးကြသည်။ လိင်တူစုံမက်
သမားများကလည်း လိင်တူရေးရာ အဖြာဖြာ ဘာညာသာရကာ ဖလှယ်
ကြသည်။ ရှယ်ကြသည်။ နိုင်ငံရေးသမား ၊ တော်လှန်ရေးသမား ၊ စာနယ်
ဇင်းသမား ၊ တက်ကြွလှုပ်ရှားသူများ၊ ဟိုဟာကို မကျေနပ်သူများ ၊ ဒီဟာ
ကို မကျေနပ်သူများ ။ အကြိုက်ချင်းတူသည့်အခါ အွန်လိုင်းဂိုဏ်းများ
လူစည်ကားလေသည်။

နည်းပညာလှိုင်းကား အလွန်စီး၍ကောင်းလေသည်။ အင်တာနက်သည်
ဘုရားသခင်ထက် တန်ခိုးထွား၏။ အစိုးရကိုဖါးသူများကလည်း ဖါးဂိုဏ်း
ဖွဲ့ထား၏။ ဘယ်အစိုးရတက်တက် ဆော်မှာပဲဆိုသူများကလည်း ဆော်
ဂိုဏ်းဖွဲ့ကြ၏။ နာမည်ကျော်များကို ထိပ်ပုတ်ခေါင်းပုတ် ပြောဆိုရမှ ဟုတ်
ပြီဟု ထင်သူမျာကလည်း ဟုတ်ဂိုဏ်းဖွဲ့ကြသည်။ ဟိုကျောင်းထွက် ဒီ
ကျောင်းထွက်များကလည်း ကျောင်းဂိုဏ်းဖွဲ့ကြသည်။ လှောင်စရာမြင်၍
လှောင်ချင်သူများကလည်း လှောင်ဂိုဏ်း၊ ပြောင်ဂိုဏ်း။ ဟိုဝါဒ ဒီဝါဒဂိုဏ်း။
ဟိုအရောင် ဒီအရောင်ဂိုဏ်း။ ဟိုလူ့နောက်လိုက်ဂိုဏ်း၊ ဒီလူ့နောက်လိုက်
ဂိုဏ်း။

သပိတ်စုံ၍ သူပုန်ထကြသလို ဂိုဏ်းစုံလျှင် ကျိုင်းတုံသို့ သွားကြမည် ။
လမ်းခရီးတွင် ဒီမိုကရေစီလည်း ကြုံနိုင်သည်။ စစ်အာဏာသိမ်းတာ
လည်းထပ်၍ ကြုံနိုင်သည်။ ဟိုမရောက် ဒီမရောက် အီလည်လည် ဘူ
တာလည်း ဆိုက်နိုင်သည်။ ကိစ္စမရှိပါ။ ဆဲစရာ ဆဲ။ ခွဲစရာ ခွဲ။ တွဲစရာ
တွဲ၍ နွှဲကြမည်။ စည်းကမ်းရှိသော ဒီမိုကရေစီပဲဖြစ်ဖြစ်။ စည်းကမ်းမဲ့
သော ဒီမိုကရေစီပဲဖြစ်ဖြစ်။ ဖြစ်ချင်ရာဖြစ်။ ကျိုင်းတုံကိုတော့ ရောက်မှ
ဖြစ်မည်။ ဂိုဏ်းတွေကတော့ အွန်လိုင်းမှာ စုံစပြုနေပြီ ။

(ရုပ်ပုံ၊ ဂူဂလ်)

Thursday, November 10, 2011

ကြွေတော်မူခြင်း




















လေထဲမှာ သစ်ရွက်တွေ လည်ပတ် လွင့်မျော မြေပြင်ပေါ်ကြွေကျ ။
ဒီဇတ်လမ်းဟာ အဟောင်းကြီး။ န၀ဒေးလည်း လုပ်ပြီးပြီ။ ဘားနပ်
ရှောလည်း လုပ်ပြီးပြီ။ မောင်ချောနွယ်လည်း လုပ်ပြီးပြီ။ စိုင်းခမ်းလိတ်
လည်း လုပ်ပြီးပြီ။ ရုပ်ရှင်တွေ၊ သီချင်းတွေ၊ ဂီတတွေ၊ ပန်းချီတွေ အများ
ကြီး။ သစ်ရွက်ကြွေတွေ အများကြီး။ ထပ်ပြီးဖွဲ့စရာ နွဲစရာ မလိုတော့ပါ။
ဒါပေမဲ့ အိမ်အပြင်မှာ သစ်ရွက်တွေ တလူးလူး တလွန့်လွန့်နဲ့ကို ကြွေ
လွင့်လို့ နေပါတယ်။

သစ်ရွက်တွေက ရောင်စုံ။ ပုံစံတွေကလည်း မျိုးစုံ။ ကြွေပုံကြွေနည်း
လွင့်ပုံလွင့်နည်းလည်း မတူကြ။ မျက်စိရှေ့မှာတင် တပင်လုံးက
အရွက်တွေ တဖြုတ်ဖြုတ်ကြွေနေပြီ။ အိမ်ရှေ့ကသစ်ပင် အရိုးပေါ်မှာ
အရွက်မဖုံးနိုင်ရှာတော့ဘူး။ သူ့အရွက်တွေအကုန် မြေမှာခ။ အပင်
နဲ့ အရွက်နဲ့ တခြားစီဖြစ်။ မြေပြင်တခုလုံး သစ်ရွက်ဟောင်းတွေနဲ့
ဖုံးကုန်ပေါ့။ ဟိတ်လူ... ဒါ ကဗျာရေးနေတာ မဟုတ်ဘူးနော် ။
သတိထား....သတိထား.....ကဗျာဖြစ်သွားမယ်.... သတိထား။

သစ်ရွက်တွေက ခြောက်တောက်တောက်တွေ ဆိုတော့ကာ ။ လေ
တိုက်တဲ့အခါ သစ်ပင်ရဲ့အသံက တရှဲရှဲမြည်သဗျ။ အရင် အရွက်များ
စိမ်းလန်းစဉ်အခါကတော့ လေတိုက်ရင် တရှီးရှီး မြည်သပေါ့။ တရွှီး
ရွှီးလို့လည်း ပြောရင်ပြော။ သစ်ပင်အသံပြောင်းပုံများ ပြောပါတယ်။
ဒီနေရာကနေ ကြိုတင် ကတိပေးလိုက်ပါတယ်။ ဒီဇတ်လမ်းမှာ မမြဲ
တဲ့ တရားကို စောင်းမြောင်းပြီးတောင် ပြောမှာ မဟုတ်ပါဘူး။

လေအကြိမ် သုံးလေးဆယ်လောက် တိုက်ခဲ့ပြီးသကာလ ငါ့အိမ်ရှေ့က
သစ်ပင်သည် ကတုံးမ ဆံပင်တုချွတ်သကဲ့သို့ ပြောင်သလင်းခါလေသ
တည်း။ ခွေးနှစ်ကောင်နှင့် ခွေးကျောင်းထွက်သူ လူနှစ်ဦး သစ်ရွက်ကြွေ
တွေအကြား မြူးတူးနေကြလေသတည်း။ အရွက်ခြောက်တွေ သိမ်းရ၊
ရှင်းရတာလည်း တဒုက္ခကွဲ့ တကာမလေးရဲ့။

အသားမပါတဲ့ ငါးအရိုးစုတွေလို အရွက်မရှိတဲ့ သစ်ပင်တွေ ဒီအရပ်မှာ
မဲခြောက်ခြောက်နဲ့ ထောင်နေကြတော့မယ်။ အဲ့သဟာ ဆောင်းရဲ့သရုပ်
ပဲ ဒကာမလေးရဲ့ မှတ်ပလား။ အေးတယ်...အေးတယ်နဲ့ အရက်တော့
သောက်ကောင်းဦးတော့မယ် ။ အပူပေးပြီးသောက်ရတဲ့ ဂျပန်ဆာကေး
ကို “အာစကန်” လို့ခေါ်သကွဲ့ တကာမလေးရဲ့။ လေထဲမှာတော့ သစ်
ရွက်ကြွေတွေ မျောနေတုန်းပဲ။

သစ်ရွက်ကြွေများကို မြင်တဲ့အခါ ငါ့ကို သတိရပါလို့ သေတမ်းစာမှာ
ဘယ်သူရေးခဲ့သလဲ။ ကြွေတာကိုက ဝေတာပဲဟေ့လို့ ဘယ်သူကြွေး
ကြော်ခဲ့သလဲ။ သစ်ရွက်ကြွေတာကို ထိုင်လွမ်းပြီး ဘယ်သူငိုခဲ့သလဲ။
သစ်ရွက်ကြွေတွေအကြား တိုက်ခဲ့တဲ့ စစ်ပွဲတွေ။ ထိုးခဲ့တဲ့ ခေါင်းလောင်း
တွေ။ ဆိုခဲ့တဲ့ သီချင်းတွေ။ ရေးခဲ့တဲ့ စာတွေ၊ ကဗျာတွေ။ အကုန်လုံး လုံ
ခြုံအောင် သိမ်းထားပေးပါ။ သစ်ရွက်ခြောက်တွေသိမ်းတဲ့ အမှိုက်ကား
မကြာခင်ရောက်လာပါတော့မယ်။

ဒီ တမနက်တော့ ရွက်ကြွေတောမှာ မျောခဲ့ရပါပြီ တကာမလေးရယ် ။

 (ရုပ်ပုံ ၊ ဂူဂလ်)

Tuesday, November 8, 2011

ဝိုင်ပုလင်းနှင့်အတူ ကြွရောက်ပါရန်





















ဘုရားသခင်ကို ယုံကြည်သူများ။ စည်းမဲ့ကမ်းမဲ့ လွတ်လပ်လိုသူများ။
နိုင်ငံရေးယောင်ယောင် ၊ ပညာတတ်ယောင်ယောင်၊ သတင်းသမား
ယောင်ယောင်၊ တက်ကြွလှုပ်ရှားသူယောင်ယောင်၊ သူတော်ကောင်း
ယောင်ယောင်၊ ဟိုယောင်ယောင်၊ ဒီယောင်ယောင်များ လာစရာ မလို။
သိပ်အေးတဲ့ဆောင်း ရောက်မလာခင် ပျော်ရွှင်စွာ အတူမူးကြဖို့။ ၀ိုင်
ပုလင်းနှင့်အတူ ကြွရောက်ပါရန် လှိုက်လှဲစွာ ဖိတ်ခေါ်အပ်ပါသည်။

ကမ္ဘာအရပ်ရပ်ကလူများ သယ်ဆောင်လာသည့် ကမ္ဘာအရပ်ရပ်က ၀ိုင်
များကို သောက်ကြမည်။ နိုင်ငံတကာအကြောင်း ကြုံရာပြောကြမည်။
အိုးနင်းခွက်နင်း ကမ္ဘာကြီးအကြောင်း။ ဘန်ကောက်မြို့ထဲ ရေတွေ
အလည်အပါတ် ရောက်လာတဲ့အကြောင်း။ NLDနဲ့ ချိတ်ထမီဝတ်
အစိုးရ နပမ်းလုံးမယ့်အကြောင်း။ မိုဟာမက်အလီကို အလဲထိုးခဲ့သူ
ကင်ဆာလက်ချက်နဲ့ ကွယ်လွန်သွားတဲ့အကြောင်း။ လေဖြတ်သွားတဲ့
ယူရိုငွေအကြောင်း။ တရုတ်မတွေ ကြည့်ကောင်းလာတဲ့ အကြောင်း။

အရှိန်မသေနိုင်တဲ့ အာရပ်နွေဦး။ အလျှော့မပေးသေးတဲ့ ၉၉ ရာခိုင်နှုန်း။
ပန်းသီးရဲ့ အနာဂတ်။ မေမြို့က မက်မန်းဝိုင်။ ဒေါ်စုရုပ်ရှင် အချစ်ဇတ်
လမ်း။ အူကြောင်ကြောင် ကြားဖြတ်ရွေးကောက်ပွဲ။ ရင်ခုန်ဖွယ် ကဒါဖီ
ကျဆုံးခန်း။ အလုပ်မဖြစ်တဲ့ လွှတ်တော်အမတ်များ။ ချောက်လှန့်နေတဲ့
ရာသီဥတုဖေါက်ပြန်မှု။ ဖေါင်းကားလာနေတဲ့ တရုတ်နဂါး။ မျက်စိလည်
နေတဲ့ ပညာရေးစံနစ်။ ပျောက်ဆုံးနေတဲ့ သဘာဝပတ်ဝန်းကျင်။ လူစည်
ကားတဲ့ လိင်တူမင်္ဂလာပွဲများ။

သူယူလာတဲ့ဝိုင် ကိုယ်သောက်။ ကိုယ်သယ်လာတဲ့ဝိုင် သူငုံ။ ကိုယ့်ဝိုင်
အကြောင်း ကိုယ်မိတ်ဆက်။ ဟိုအမြည်းကောက်စား။ ဒီအမြည်းကောက်
ဝါး။ အိမ်သာတက်သူ တက်။ အပေါ့သွားသူ သွား။ ၀ိုင်ဖြူ၊ ၀ိုင်နီ၊ ၀ိုင်အကြည်၊
ဝိုင်အနောက်။ ၀ိုင်ရောင်စုံတန်ခိုးတော်နဲ့ မျက်နှာတွေနီသူ နီ။ အသံတွေ
ကျယ်သူ ကျယ်။ အရယ်သန်သူ သန်။ စီးကရက်ဖွါသူ ဖွါ။ ဆေးပြင်းလိပ်ဖွါ
သူ ဖွါ။ ဆေးခြောက်ရှူသူ ရှူ။ အချင်းချင်းနောက်ပြောင် ကျီစယ်။ ၀ိုင်ပုလင်း
ဖေါက်သံ။ ၀ိုင်ခွက်ချင်း တိုက်သံ။ သီချင်းဆိုသံ။ တီးတိုးပြောသံ။ မျက်စောင်း
ထိုးသံ။ ပြုံးပြသံ။ ပုခုန်းတွန့်သံ။ လက်မထောင်သံ။ နှုတ်ခမ်းစူသံ။ ချွဲသံ နွဲ့
သံ။ ဟိုအသံ ဒီအသံတွေနဲ့ ပျော်ရွှင်ဖွယ် ၀ိုင်ပွဲ။ ဆူဆူညံညံလေးနဲ့ သိမ်းပါ့
မယ်။ ထူးခြားမှုတွေများတဲ့ ဒီနှစ်ကို နှုတ်ဆက်ဖို့။ ဒီဇင်ဘာ မရောက်ခင် ၀ိုင်
ပုလင်းတွေကို ပြင်ထားကြပါလို့။ မိတ်ဆွေများကို ဖိတ်ကြားလိုက်ပါတယ်။

(ရုပ်ပုံ ၊ ဂူဂလ်)

Monday, November 7, 2011

တိတ်ဆိတ်ခြင်းဖြင့် ကူညီပါ

                                                     
                   


















                              သိပ်ဆူတယ် ။






                            တိုးတိုးပြောကြပါ ။






ဖြစ်နိုင်ရင်              ဘာ         သံ          မှ               မထွက်ပါနဲ့ ။



                           


                                တောင်းပန်ပါတယ် ။





တိုးတိုးပြောသံတွေ များလို့ ဆူညံလာခဲ့ပြီ။ လောကဆိုတာ ဆူညံတတ်
တဲ့အရပ်မှန်း သိပါတယ်။ တိတ်ဆိတ်မှုလည်း ရှိတဲ့အရပ်ပါ။ လိုအပ်လို့
တိတ်ဆိတ်မှုကို တောင်းဆိုနေတာ။ တောင်းဆိုလို့ မရရင် တိုက်ယူရ
မှာလား။ တိတ်ဆိတ်မှုအတွက် တိုက်ပွဲဝင်ရဦးမှာလား။

တချို့တွေက တိတ်ဆိတ်တာကို မခံနိုင်ကြဘူး။ တိတ်ဆိတ်တာကို
ကြောက်စရာ၊ လန့်စရာလို့ သတ်မှတ်တယ်။ တိတ်ဆိတ်ခြင်းသည်
အကျယ်လောင်ဆုံး အသံလို့ ဆိုတယ်။ တိတ်ဆိတ်မှုကြောင့်ပဲ စိတ်
တွေ ချောက်ခြား လွင့်ပါးခဲ့ရတယ်။ တိတ်ဆိတ်မှုကြောင့်ပဲ ရူးသွပ်ခဲ့ရ
သူတွေ တကယ်ရှိတယ်။ သူတို့တွေအတွက် အသံတွေ လိုတယ်။
စကားပြောဖေါ်တွေ လိုတယ်။ သူတို့ကိုရှာပြီး စကားတွေ သွားပြော
ပေးကြပါ။ သူတို့နားမှာ သွားဆူကြ ။

တရားရိပ်သာ မဟုတ်ပါ။ ဒါပေမဲ့ တိတ်တိတ်လေး နေပေးပါ။ သိပ်ဆူ
တယ်။  ကျောပူတာကိုပဲ ခံမယ်။ နားပူတာတော့ မခံနိုင်ဘူး။ ဟိုဟာ
မကြိုက်ဘူး။ ဒီဟာ မကြိုက်ဘူး။ ဟင်းရည် နည်းနည်းလောက်။ သပိတ်
သပိတ်မှောက် မှောက် ။ ဆူးလေကို ဆူးလေကို။ ရှေ့ကလူတွေ ထိုင်
ပေးကြပါ။ လာထား လာထား ကုန်တော့မယ် ကုန်တော့မယ်။ ကျမကို
မထိနဲ့။ သောတရှင်များခင်ဗျား ။ မသိဘူး မသိဘူး။ လိုချင်ရင် ထပ်လျှော့
ပေးမယ်လေ။ ကလေးကို တယောက်ထဲပစ်မထားနဲ့။ သမီးကို ခွင့်လွှတ်
ပါ အမေ။ သဘာပတိကြီးခင်ဗျား။ ဟီးဟီး ဟားဟား။ ကျန်းမာပါစေရှင်။
ရဲတွေရောက်လာပြီ။ နှမချင်းစာနာပါ။ ဟိတ်ကောင်။ မီးပျက်သွားပြီ။
တော်ပါတော့ဗျို့။ ကျနော်တို့ကို မသတ်ပါနဲ့။ ဒို့အရေး ဒို့အရေး။ လေဒီးစ်
အန် ဂျန်းတလ်မင်း။ သနားကြပါ။ ပြည်သူ့သဘောထား။ စည်းကမ်းရှိပါ
စည်းကမ်းရှိပါ။ ဟိုဟာလေ ဟိုဟာ။ ရရင် ရ ၊ မရရင် ချ။ ပြေး....ပြေး ။
ကျေးဇူးပဲနော် ။ အဲဒါ ငါ့ဟာ။ ဟလို...ဟလို..။ သေတော့မှာပဲ။ ငါ့လခွီး ။

ကြားနေရတဲ့ အသံတွေ။ နားထဲကို အသံတွေရောက်လာတာ မဟုတ်။
စိတ်ထဲမှာ ကြားနေရတာ။ အသံဆိုတာ စိတ်နဲ့လည်းနားထောင်လို့ ရ
တယ်။ စိတ်က အသံတွေကို ဖမ်းထားတယ်။ စိတ်အသံဖမ်းစက်ကို
ဘယ်သူ ဖွင့်တာလဲ။ ဆူတယ် ။ ဆူတယ် ။ ဆူလွန်းတယ် ။

မလိုအပ်ပဲ စကားကို အကျယ်ကြီး မပြောကြပါနဲ့။  စိတ်အေးအေးထား
ပါ။ စိတ်ကောင်းကောင်း မထားနိုင်ရင်တောင် စိတ်အေးအေးထားနိုင်ဖို့
ကြိုးစားကြပါ။ ကိုယ့်ပတ်ဝန်းကျင်ကို အေးအေးဆေးဆေးဖြစ်အောင်
တိတ်တိတ်ဆိတ်ဆိတ် နေပေးပါ။ အွန်လိုင်းမှာလည်း ဆူညံနေတာပဲ။
အပိုတွေ သိပ်မပြောကြပါနဲ့။ အပေါ်ယံတွေ ထားလိုက်ပါ။ တိတ်ဆိတ်
ခြင်းရဲ့အရသာကို အေးအေးဆေးဆေး မြည်းရအောင် ။

အပူလောင်သူလို ပြာပြာသလဲ အသံတွေ ထွက်မနေကြပါနဲ့။ ဘ၀တွေ
ပျက်ကုန်ကြပြီလား။ နားအေးပါးအေး မကြိုက်ဘူးလား။ တိတ်ဆိတ်
ငြိမ်းချမ်းအောင် ဘယ်လောက် နေထိုင်တတ်သလဲဆိုတာ ပတ်ဝန်းကျင်
ကို ပြသပါ။ ထိုအရာကို ယဉ်ကျေးခြင်းဟုခေါ်သော် ရ၏။ အနုပညာဟု
ခေါ်သော် ရ၏။ ငြိမ်းချမ်းခြင်းဟုခေါ်သော် ရ၏။ မိတ်ဆွေ...တိတ်ဆိတ်
ခြင်းဖြင့် ကူညီပါ။ ကျေးဇူး အထူးတင်ပါသည် ။ တိတ်တိတ်နေစမ်းပါ ။

(ရုပ်ပုံ ၊ ဂူဂလ်)

Thursday, November 3, 2011

ဒီစာကိုဖတ်ပြီး ဖျက်ဆီးပြစ်ပါ
















အသံတွေ ကြားနေတယ်။ အနံ့တွေ ရနေတယ်။ ဘာသံတွေလဲ။ ဘာနံ့
တွေလဲ။ နေပြည်တော်ကလား။ အစိုးရဧည့်ဂေဟာကလား။ အမေရိကန်
သံရုံးကလား။ တက္ကသိုလ်ရိပ်သာလမ်းကလား။ အားလုံးဟာ မသဲကွဲ။
အသံတွေလည်း ထွက်နေဆဲ။ အနံ့တွေလည်း ရနေဆဲ။

အခုရက်ပိုင်းတွေမှာ သံတမန်တွေ ခြေချင်းလိမ်နေပေါ့။ လွန်းပျံခရီး
နှင်လို နှင်။ သူ့ထက်ငါ အရင်ဦးအောင် နေရာလုတဲ့သူက လု။ ဂျာနယ်
တွေ အရောင်းသွက်။ လက်ဘက်ရည်ဆိုင်ဆွေးနွေးခန်းတွေ အသံပို
ကျယ်လာ။ ဘီယာဆိုင်အငြင်းအခုန်တွေ ပိုများလာ။ လက်ရှောင် ။
ပေါက်ကောင်ဖွင့်တော့မယ်တဲ့။ အုပ်ထားတဲ့ ခွက်အောက်မှာ။ ပွင့်နေ
တာ ဘာလဲ။ မြွေလား။ ဖါးလား။ ကြက်လား ။ ၀က်လား။ မကြာမီ
မျှော်။ ပေါ်တော့မယ်တဲ့။

အတိတ်စိမ်းတွေကလည်း မျိုးစုံ။ ဘိုးတော်ရဲ့အိပ်မက်နိမိတ်။ ဘုန်းကြီး
ပေးတဲ့ အတိတ်။ အကြားအမြင်သမားရဲ့ အဟော။ နေပြည်တော်က
လာတဲ့ တိုးတိုးစကား။ “အန်တိ” နားကလာတဲ့ #@!% စကား။ ဂျာနယ်
ဆရာကြီးရဲ့ ဟောစာတမ်း။ ပြည်ပရေဒီယိုရဲ့ အမှန်းအသန်း။ ၀ါရင့်ပုဂ္ဂိုလ်
ကြီးများရဲ့အတွက်အချက်။ အငြိမ်းစား ကိုရွှေထောက်လှန်းရေးရဲ့ အမှန်း
အဆ။ ကွန်မြူနစ်ဗေဒင်။ ရွှေဝါရောင် အာရုံ။ ယူဂျီသတင်း။ စုံလို့။ စုံလို့ ။

အောက်ပါ နမူနာပုံစံများကိုကြည့်၍ စိတ်လာရာကို ရွေးပါလေ။

(က)

NLD ရွေးကောက်ပွဲ ၀င်
လွှတ်တော်မှာ ကြံဖွတ်နီးပါး နေရာရ
ဒေါ်စု ဒုသမ္မတဖြစ်
နိုင်ငံရေးအကျဉ်းသားတွေ အကုန်လွတ်
အမေရိကန် ပိတ်ဆို့မှု ရုပ်သိမ်း
အာစီယံ ဥက္ကဌဖြစ်
တိုင်းရင်းသားအုပ်စုတွေနဲ့ အပစ်ရပ်၊ ဆွေးနွေး
စီးပွါးရေး ဟုတ်နိုးနိုး
နိုင်ငံရေး နှေးနှေးကွေးကွေး တိုးတက်

(ခ)

NLD ရွေးကောက်ပွဲ မ၀င်
ဒေါ်စု ကန့်သတ်ချုပ်ချယ်ခံရ
နိုင်ငံရေးအကျဉ်းသားတွေ ပြန်မလွတ်
အနောက်နိုင်ငံတွေ စိတ်ဆိုး
ဆန္ဒပြမှုနဲ့ ဖမ်းဆီးမှုတွေဖြစ်
အာစီယံဥက္ကဌဖြစ်
တိုင်းရင်းသားအုပ်စုတွေနဲ့ အပစ်မရပ်၊ ဆွေးနွေး
စီးပွါးရေး ဟုတ်နိုးနိုး
နိုင်ငံရေး တိုးတက်မှု အလွန်နှေးကွေး

(ဂ)

NLD နှစ်ခြမ်းကွဲ
ရွေးကောက်ပွဲ ၀င်သူ ၀င်၊ ထွက်သူ ထွက်
ဦးသိန်းစိန် အာဏာပိုပြ
ဒေါ်စု အဝေဖန်ပိုခံရ
လွှတ်တော်မှာ အိပ်ငိုက်သူပိုများ
အစိုးရနဲ့ပေါင်းသူ ချမ်းသာ
ဆိုရှယ်လစ်ပုံစံအတိုင်း ခရီးဆက်
တိုင်းရင်းသားအုပ်စုတွေနဲ့  အပစ်မရပ်၊ ဆွေးနွေး
အာစီယံဥက္ကဌဖြစ်
စီးပွါးရေး ဟုတ်နိုးနိုး
နိုင်ငံရေးတိုးတက်မှု..........

(ဃ)

အစိုးရနဲ့ ဒေါ်စု တွေ့တချက် ၊ မတွေ့တချက်
၂၀၁၅ကို ဆက်မျှော်လင့်
လွှတ်တော်သတင်း ပျင်းဖို့ကောင်း
ခေါင်းပေါင်းတွေ အရောင်းမကျ
မြန်မာ့အရေး အနောက်နိုင်ငံတွေ နှစ်ခြမ်းကွဲ
တိုင်းရင်းသားအုပ်စုတွေနဲ့  အပစ်မရပ်၊ ဆွေးနွေး 
အာစီယံဥက္ကဌဖြစ်
စီးပွါးရေး ဟုတ်နိုးနိုး
နိုင်ငံရေးတိုးတက်မှု ............

(င)

NLD ရွေးကောက်ပွဲဝင်
ဒေါ်စု မပါ
အမျိုးသားပြန်လည်သင့်မြတ်ရေး ဒေါ်စုကြိုးပမ်း
ဦးသိန်းစိန်သဘောတူ
တတိုင်းပြည်လုံး အပစ်ရပ်
နိုင်ငံရေးအကျဉ်းသားတွေ အကုန်လွတ်
ပြည်တွင်းစစ်အဆုံးသတ်
အာစီယံဥက္ကဌဖြစ်
တွေ့ဆုံဆွေးနွေးပွဲတွေ ဖြစ်လာ
၂၀၁၅ရွေးကောက်ပွဲ အလားအလာကောင်း
စီးပွါးရေးတိုးတက်မှု ဟုတ်တုတ်တုတ်
နိုင်ငံရေးတိုးတက်မှု အတော်ဟုတ်

(စ)

စစ်တပ်က အာဏာသိမ်း
အားလုံး ကိစ္စပြတ်
ပုံမှန်အခြေအနေပြန်ရောက် ။

အထက်ပါ အတိတ်နိမိတ်များသည် အတိတ်နိမိတ်များသာဖြစ်သည် ။
သင်၏ စိတ်အာရုံနှင့် နီးစပ်သည်ကို ရွေးချယ်၍ သတင်းစာများ၌
မကြာမီ ပါလာလတ္တံ့သော သတင်းများကို ဖတ်ရှုကြပါကုန်။ အတိတ်
စိမ်းများ မှန်သည်ဖြစ်စေ၊ မမှန်သည်ဖြစ်စေ။ “အပျော်ပေါ့လေ”ဟု
သဘောထားကြပါရန် ။ ပုံ ၊ ဂေါပကအဖွဲ့ ။

(ရုပ်ပုံ ၊ ဂူဂလ်)

Tuesday, November 1, 2011

စာ
















သို့
နန်စီ
ကဗျာအပုဒ်ရေ ခုနှစ်သောင်း
လှမောင်နှင့် ထည့်ပေးလိုက်သည် ။

ထွေလီကာလီ
အီစီကလီ
မထီတရီကဗျာများလည်းပါမည် ။

တောင်တောင်အီအီ
ကြောင်ကြောင်စီစီ
ပုပ်အဲ့အဲ့ကဗျာများလည်းပါမည် ။

ပေမမီ ဒေါက်မမီ
ဗုံမဟုတ် ပတ်မမည်
ကဗျာနဲ့တူရင်ပြီးရော
ရေရောထားသောကဗျာများလည်းပါမည် ။

ကဗျာငစနူ
ငြူစူစူ
အူတူတူကဗျာများလည်းပါမည် ။

ကလူ၏သို့ မြူ၏သို့
ညှီစို့စို့ကဗျာတွေလည်းပါမည် ။

နင့်သားသမီးများ နေကောင်းလား
ငါ့သားသမီးများ နေကောင်းသည် ။

နင်ကြိုက်တဲ့ စာသားများနဲ့
ကဗျာပါးပါးလေးတွေ
မီးဖုတ်ပေးလိုက်သည် ။

နင်မှာထားတဲ့
ကဗျာအလုံးတွေလည်း
အိမ်ရှေ့အပင်မှာ မှည့်နေတုန်း
ခူးထည့်ပေးလိုက်သည် ။

နင့်ယောက်ျားအကြိုက်
ကဗျာပူပူ
ဖင်စူစူလေးတွေလည်း
ဆီစိမ်ပြီး ပေးလိုက်သည် ။

နင့်ကလေးများအတွက်
ကဗျာတွေကို ဆားနဲ့နယ်
အခြောက်လှန်း
ငြုပ်ဆီဖြန်းလို့
ကဗျာခြောက်စပ်
ကြပ်တိုက်ပေးလိုက်သည် ။

နင့်အမေစားဖို့
ဝါးစရာမလို
ကဗျာအမှုန့်ထောင်းများလည်းပါသည် ။

လွန်ခဲ့တဲ့ နှစ်က
ငါတို့မြို့မှာ ကဗျာခေါင်၏ ။

ဆရာတော်တွေ ပင့်ဖိတ်ပြီး
ကဗျာသုတ်တွေရွတ်ရ၏ ။

မြို့ခံတွေအားလုံး
ကဗျာဓါတ်စာ
ထပ်တရာတွေ စားရ၏ ။

မြို့သူတွေအားလုံး
ကဗျာလွတ် ကရ၏ ။

မြို့သားတွေအားလုံး
ကဗျာနပမ်း လုံးရ၏ ။

ဒီနှစ်တော့
ကဗျာတွေ ပုံမှန်ပြန်ရပြီ ။

တချို့တွေ အပျော်လွန်ပြီး
ကဗျာတွေအမူးသောက်လို့
ကဗျာဖေါ ဖေါနေကြပြီ ။

ကဲ
နန်စီ
ငါ့စာ ဒီမှာ ဆုံးတော့မည် ။

နင်တို့မြို့ထွက် ကဗျာရှည်တွေ
ကဗျာအပေအတေတွေ
ကဗျာစို၊ ကဗျာတို၊ ကဗျာချိုတွေ
ကဗျာပြင်းပြင်း၊ သင်းသင်းတွေ
ခေတ်ပေါ်ကဗျာ
ခေတ်အောက်ကဗျာတွေ
ခေတ်လွန်ကဗျာ
ခေတ်မွှန်ကဗျာတွေ
လူကြုံရှိရင်
ငါဆီ ပို့ဦးလေ ။

နန်စီနဲ့ မိသားစု
ကျန်းမာပါစေ
ချမ်းသာပါစေ ။

(ရုပ်ပုံ ၊ ဂူဂလ်)