အရေခြုံ

ရန်ကုန်က အငြိမ်းစားရဲအရာရှိတဦးနဲ့ တနေ့ကဆုံဖြစ်တယ်။ ဟိုအကြောင်း
ဒီအကြောင်းပြောကြရင်း သူအရေးယူခဲ့ဖူးတဲ့ ဘုန်းကြီးအမှုတခုက  စိတ်ဝင်
စားဖို့ကောင်းသမို့ ပြန်ပြီးမျှဝေလိုက်ပါတယ်။ ၂၀၀၉ခု နှစ်ကုန်ပိုင်းက
အဖြစ်အပျက်ပါတဲ့။

တောင်ဥက္ကလာမှာရှိတဲ့ ဘုန်းကြီးကျောင်းတခု။ ဘုန်းကြီးနှစ်ပါး သတင်းသုံး
တယ်။ ကိုယ်တော်ကြီးက အသက်ငါးဆယ်ခန့်။ ကိုယ်တော်လေးက အသက်
လေးဆယ်ခန့်။ အဲဒီဘုန်းကြီးကျောင်းမှာ မိဘမဲ့ကလေးကျောင်းတခုလည်း
ဖွင့်ထားတယ်။ ကလေးဦးရေ ခြောက်ဆယ်ကျော်လောက်ရှိတယ်။ အမျိုးသမီး
သူနာပြုနှစ်ဦးလည်း ရှိတယ်။ ကလေးတွေကို စာသင်ပေးတဲ့ ဆရာမလေးတချို့
လည်းရှိတယ်။

လူမှုကူညီရေးလုပ်တဲ့ ဒီဘုန်းကြီးကျောင်းကို လူတွေသဘောကျတယ်။ ဘုန်း
ကြီးနှစ်ပါးကိုလည်း ကြည်ညိုသဒ္ဒါပွါးကြတယ်။ သာသနာရေးဝန်ကြီးဌာနက
တောင် ဒီကျောင်းကို တိုးချဲ့ဆောက်လုပ်ခွင့်ပြုတော့မယ်။ ဒီအချိန်မှာပဲ ကိုယ်
တော်ကြီးအဖမ်းခံရတယ်။ ကိုယ်တော်လေးက သူနာပြုတဦးနဲ့ထွက်ပြေးလွတ်
မြောက်သွားတယ်။

ကိုယ်တော်ကြီးကိုတတ်တဲ့ ပုဒ်မတွေထဲမှာ မုဒိန်းမှု။ လိမ်လည်မှု။ ချဲထီရောင်းမှု
စသဖြင့် အတော်များတယ်။ ချဲထီကတော့ ထွက်ပြေးသွားတဲ့ကိုယ်တော်လေးက ဒိုင်ဖွင့်ပြီးရောင်းတာလို့ဆိုတယ်။ ကိုယ်တော်ကြီးကိုအဓိက အရေးယူတာကတော့
မုဒိန်းမှုပါပဲ။

မိဘမဲ့ကလေးတွေထဲက ကောင်မလေးတွေကို ကိုယ်တော်ကြီးက ခြေတော်တင်
နေတာ နှစ်နဲ့ချီကြာနေပြီ။ အချိန်အခါမရွေး စိတ်တိုင်းကျကို ခြေတော်တင်တော်
မူပါသတဲ့။ သူနာပြုအမျိုးသမီးတွေက ကလေးမလေးတွေကို ကိုယ်ဝန်တားဆေး
တွေ ပုံမှန်ထိုးပေးနေရပါသတဲ့။

ဒီလိုနဲ့။ တရက်သား။ စာသင်ပေးတဲ့ဆရာမလေးကို မုဒိန်းအကြိမ်ကြိမ်အကျင့်ခံ
နေရသူကောင်မလေးတွေထဲက တယောက်က သူတို့ရဲ့အဖြစ်ကို ဖွင့်ပြောလိုက်
သတဲ့။ ဆရာမလေးလည်း ရက်အတော်အတန် ကြံရာမရဖြစ်နေသတဲ့။ ယုံရလည်း
ခက်တဲ့ကိစ္စကိုး။ ရက်အနည်းငယ်အတွင်းမှာပဲ ယုံကြည်နိုင်လောက်တဲ့အခြေအနေ
တွေကို ဆရာမလေးက အကဲခပ်မိပြီး သူ့ရဲ့မိတ်ဆွေ အမျိုးသမီးရဲအရာရှိကို သတင်း
ပေးခဲ့တာပါပဲ။ ရဲတွေက သေချာစုံစမ်းပြီး ကိုယ်တော်ကြီးကိုဖမ်း။ ကျောင်းကို ချိတ်
ပိတ်လိုက်သတဲ့။ ချဲဒိုင်ကိုယ်တော်လေးက သူနာပြုမလေးနဲ့ထွက်ပြေးလွတ်မြောက်
သွားသတဲ့။

ဒီအဖြစ်အပျက်ဟာ ၂၀၀၇ သံဃာ့လှုပ်ရှားမှုနဲ့ သိပ်မဝေးခင်မှာဖြစ်ခဲ့တာ။ မြန်မာ
သံဃာတွေကို ကမ္ဘာတ၀ှမ်းကအံ့သြချီးမွှန်းလို့ အရှိန်မကုန်ခင်မှာဖြစ်ခဲ့တာ။ မုဒိန်း
ကျင့်ကိုယ်တော်ရဲ့သတင်းကို ပြည်တွင်းပြည်ပ သတင်းမီဒီယာတွေက ဖေါ်ပြကြတာ
မတွေ့ဘူးတဲ့။ ဘုန်းကြီးတွေနဲ့ပတ်သက်တဲ့ပြစ်မှုတွေက မကြာခဏဆိုသလိုရှိနေ
တာလို့ဆိုတယ်။ အခုတော့လည်း သမ္မတကြီးရဲ့ကောင်းမှုနဲ့ မုဒိန်းကိုယ်တော်ကြီး
လည်းလွတ်သွားလောက်ပြီထင်ပါရဲ့လို့ အငြိမ်းစားရဲအရာရှိက ခပ်ပြုံးပြုံးနဲ့ပြော
တယ်။

မြန်မာပြည်မှာ သံဃာ့အင်အား ငါးသိန်းလောက်ရှိတယ်လို့ သီတဂူကိုယ်တော်က
မကြာခင်ကပဲ မိန့်ခဲ့တယ်။ စစ်သားအင်အားနဲ့ မတိမ်းမယိမ်းလောက်ရှိသတဲ့။
မြန်မာပြည်ဟာ ဘုန်းကြီးရော၊ စစ်သားရော အလွန်အမင်း များပြားလွန်းတဲ့တိုင်း
ပြည်။ မြန်မာ့လူ့အဖွဲ့အစည်းက ဒီကိစ္စကို သိရဲ့သားနဲ့လက်ခံထားတာလား။
မသိချင်ယောင်ဆောင်နေတာလား။ မတတ်နိုင်လို့လွှတ်ထားရတာလား။ ကျေကျေ
နပ်နပ်ကြီး လက်ခံနေတာလား။ ဘုန်းကြီးတွေများတာ၊ စစ်သားတွေများတာ ကောင်း
တဲ့လက္ခဏာလို့များ ခံယူနေကြသလား။ တပည့်တော်လည်း မလျှောက်တတ်ဘူး။

စစ်သားဆိုပေမဲ့လည်း စစ်သားမစစ်တဲ့သူတွေ။ သံဃာဆိုပေမဲ့လည်း သံဃာမစစ်တဲ့
သူတွေ ဘယ်လောက်များနေမလဲ။ သူတော်ကောင်းအရေခြုံလို့ လုံနေတဲ့လူ့အဖွဲ့
အစည်းဟာ ကောင်းတဲ့လူ့အဖွဲ့အစည်းမဟုတ်ဘူး။ လက်ရှိအစိုးရကိုပဲကြည့်။ စစ်
အာဏာရှင်က ဒီမိုကရေစီအရေခြုံထားတာမဟုတ်လား။

တိုင်းပြည်မှာ ဘုရားတွေကလည်း လက်ညိုးထိုးမလွဲ။ သံဃာတွေ၊ စစ်သားတွေကလည်း
လက်ညိုးထိုးမလွဲ။ မြန်မာပြည်မှာ လက်ညိုးထိုးလိုက်တိုင်း လွဲလွဲနေတာကတော့ အမှန်
တရားပဲဖြစ်လိမ့်မယ်။ အမှန်တရားတောင် သိပ်မယုံရဘူး။ ဘယ်လိုအရေခြုံထားမှန်းမှ
မသိတာ။

( ရုပ်ပုံ ။ ဂူဂလ် )

သောက်ကောင်းပေါက်ကောင်းဆက်ဆံရေး

ရန်ကုန်မြို့က ပုဂ္ဂိုလ်လေးဦး ဆန္ဒပြပွဲတခုမှာ ဆုံကြသတဲ့။ ဆန္ဒပြပွဲအပြီး
ဘီယာဆိုင်ကို ဆက်လက်ချီတက်ကြသတဲ့။ ဘီယာဆိုင်မှာ စကားကောင်း
ကြသတဲ့။

( ပုဂ္ဂိုလ်တစ် )

တကယ့်ဘ၀မှာ မိတ်ကောင်းဆွေကောင်း တယောက်မှမရှိပေမဲ့ ဖေ့စ်ဘုခ်
ထဲမှာတော့ မိတ်ဆွေပေါင်း တသောင်းခြောက်ထောင်ရှိသူ။ ဟိုဘုန်းကြီးရဲ့
အဆိုအမိန့်။ ဒီဆရာသမားရဲ့အယူအဆ။ ဟိုခေါင်းဆောင်ရဲ့စကားတွေကို
မျက်စေ့နောက်အောင် ဖေ့စ်ဘုခ်ထဲမှာဖေါ်ပြနေပေမဲ့ ကိုယ်ပိုင်အယူအဆ
တခုမှမရှိသူ။ မှန်သလား၊ မှားသလားမသိ။ ဘယ်လောက်မှန်ပြီး၊ ဘယ်
လောက်မှားမှန်းမသိ။ သတင်းဌာနတွေကပြောသမျှ တကယ်ယုံတတ်သူ။
သတင်းမှန်သမျှ သူသိပြီးသားဟု ဆိုတတ်သူ။ မြန်မာ့အင်တာနက် လူမှုကွန်
ယက်လောကမှာ ဘုရင်တဆူလို့ယူဆသူ။

( ပုဂ္ဂိုလ်နှစ် )

အမြဲလိုလိုစာဖတ်နေတတ်သူ။ ကဗျာဆရာအဖြစ်ခံယူထားသူ။ နာမည်ကျော်
ကဗျာတွေအလွတ်ရသူ။ တကယ်မဟုတ်ပေမဲ့ စာရေးဆရာ၊ ကဗျာဆရာ၊ နိုင်
ငံကျော်အနုပညာသမားတွေနဲ့ရင်းနီးလှသူအဖြစ် မကြာခဏထုတ်ဖေါ်ပြော
ဆိုတတ်သူ။ နိုင်ငံရေး၊ တော်လှန်ရေး၊ ပြုပြင်ပြောင်းလဲရေးစတာတွေဟာ
ကဗျာဖန်တီးမှုလောက် မလေးနက်သယောင်ပြောတတ်သူ။

( ပုဂ္ဂိုလ်သုံး )

သတင်းသမား အဖြစ်ခံယူထားသူ။ (သူ့ကိုယ်သူတော့ ဂျာနယ်လစ်လို့ဆို
တယ်) အတင်းအဖျင်းများများ၊ သတင်းနည်းနည်းဂျာနယ်တခုမှာ သူ့ရဲ့
သတင်းတွေ မကြာခဏပါတတ်တယ်။ အွန်လိုင်းနဲ့အချိန်ကုန်။ ရည်းစားကိုး
ယောက်အွန်လိုင်းမှာ တပြိုင်ထဲထားသူ။ အဲဒီအထဲကတယောက်က မိန်းမနာ
မည်နဲ့ဘုန်းကြီးတပါးဆိုတာကိုတော့ သူမသိရှာ။

(ပုဂ္ဂိုလ်လေး)

ဘာပဲလာလာ အားလုံးနဲ့အဆင်ပြေအောင်နေတတ်သူ။ လူဆိုးကိုလည်း
ထောက်ခံ။ လူကောင်းကိုလည်းထောက်ခံ။ တက်တဲ့အစိုးရ ငါ့အစိုးရလုပ်
တတ်သူ။ ပေါ်ပင်မှန်သမျှ အလွတ်မခံ။ ဆံပင်အရောင် တလတခါပြောင်း။
ကြံ့ဖွတ်နဲ့လည်းပေါင်း၊ ခွပ်ဒေါင်းနဲ့လည်းပေါင်း။ ပြည်ပအတွေ့အကြုံလည်း
အနည်းအကျဉ်းရှိ။ (မလေးရှားမှာ တနှစ်ခွဲလောက်အလုပ်လုပ်ဖူး)။ လော
လောဆယ် အိမ်ခြံမြေပွဲစား။

ဘီယာဆိုင်းအတွင်း သူတို့ပြောဆိုခြင်းအမှုကို နားဆင်တော်မူကြပါ။

( ပုဂ္ဂိုလ်တစ် )

ဘီယာဆိုတာ ရေပါပဲကွာ။
အဖွါးကြီးဟိုကိစ္စဖြစ်နေတာ သိပြီးပြီလား။
အွန်လိုင်းမှာနောက်ဆုံးတက်နေတဲ့သတင်းက...။
အဖိုးကြီးလည်းကြာကြာမခံတော့ဘူးသူငယ်ချင်း။
ဒီကပြန်ရင် အွန်လိုင်းမှာတင်လိုက်မယ်လေ။
အရှုပ်ထဲမှာ ရှင်းအောင်နေရမယ်။
ရေဒီယိုနားမထောင်ဘူးထင်တယ်။
နောက်တခွက်ပေးပါဦး။

( ပုဂ္ဂိုလ်နှစ် )

ပေမမှီဒေါက်မမှီ လှုပ်ရှားမှုတွေပါဗျာ။
အဘိုးကြီးဘေးနားကလူက ကျနော့မိတ်ဆွေလေ။
စစ်သားတွေ ကဗျာကိုမသိလို့တိုင်းပြည်မှာ ဗိုလ်ကျနေတာ။
အဖွါးကြီးလည်း ဟန်ပဲကျန်တော့တာပါ။
သတင်းတွေကဗျာမဖြစ်သရွေ့ ငွေပေးပြီးမဖတ်နိုင်ဘူး။
ဘီယာဆိုတာ သောက်ကောင်းပေါက်ကောင်းဆေးဘက်ဝင်အရည်တမျိုးဗျ။
လုပ်ပါဦး နောက်တခွက်။

( ပုဂ္ဂိုလ်သုံး )

အတွင်းခံပေါ်မှသတင်းဗျ။
ခင်ဗျားပြောတဲ့သတင်းက အဟောင်းကြီးပါ။
ရေဒီယိုခေတ်က ကုန်သွားတာကြာပြီ။
သတင်းဆိုတာကဗျာပဲလို့ ခင်ဗျားကို ဘယ်နှစ်ခါပြောရမလဲ။
မင်းသမီးနဲ့သတင်းသမား ညားတဲ့ခေတ်ကိုရောက်နေပြီကိုယ့်လူ။
နောက်တခွက်။

( ပုဂ္ဂိုလ်လေး )

ဟုတ်တယ်ဗျာ။
အဲဒါ ကျနော်ထောက်ခံတယ်။
ကောင်းတယ်အကို ကောင်းတယ်။
မြေကွက်အသစ်တွေချပေးနေတယ်ဗျ။
ကျနော်သဘောတူပါတယ်။
ကောင်းတယ်ဗျာ။
အခုဝယ်ထား။ သုံးလလောက်နေရင်ပြန်ရောင်း။ သိန်းနှစ်ရာလောက်မြတ်မယ်။
လုပ်ဗျာ အားပေးတယ်။
ကျနော့်ကိုလည်း နောက်တခွက်။

(ရုပ်ပုံ ။ ဂူဂလ်)

စိုးရိမ်ပူပန်ရေးကော်မရှင်

သင်္ကြန်နီးလာတော့ တချို့တွေကလည်း ကောင်မလေးတွေ ဖေါ်မှာစိုးကြ
သတဲ့။ တချို့ကျတော့ မဖေါ်မှာစိုးကြသတဲ့။ ပေါ်အောင်ဖေါ်သော်ညား
မပေါ်မှာစိုးသူကလည်း ရှိသေးသတဲ့။ စကားမစပ်။ နောက်ကြောင်းပြန်လှည့်
မှာကို စိုးရိမ်သူက ရိမ်။ ပြန်မလှည့်မှာကို စိုးရိမ်သူက ရိမ်။ လှည့်သလိုလို
မလှည့်သလိုလိုနဲ့ ဝေ့လည်ကြောင်ပတ်ဖြစ်နေမှာကို စိုးရိမ်သူက ရိမ်။ စုတဲ့
သူကလည်း စုမှစု။ စိန်တဲ့သူကလည်း စိန်မှစိန်။ စိန်စုကို ချဲဂဏန်းလိုအတွဲ
လုပ်ပြီး မြိန်တဲ့သူက မြိန်။ လိမ်တဲ့သူက လိမ်။

ကုလားပြီးရင် တရုတ်ဘက်လှည့်မှာ စိုးတဲ့သူကစိုး။ မွတ်ဆလင်ပြီးရင် ခရစ်
ယန်လာမှာ စိုးတဲ့သူကစိုး။ ကချင်ပြီးရင် ၀ဆီသွားမှာ စိုးတဲ့သူကစိုး။ သင်္ကြန်
မိုးတင်မက သင်္ကြန်ဗုံးပါခေတ်စားလာတော့ တူးပို့တူးပို့နဲ့ ၀ုန်းဒိုင်းအုမ်းဂွမ်း
လေနဲ့ဝမ်းနဲ့မကွဲမှာ စိုးတဲ့သူကစိုး။ သတင်းစာတွေ အတောင်ပံပေါက်လာ
တော့ အင်တာဗျူးတွေလာမှာ စိုးတဲ့သူကစိုး။ အင်တာဗျူးတွေမလာမှာ စိုးတဲ့
သူကစိုး။ ဆန္ဒတွေမပြရမှာ စိုးတဲ့သူကစိုး။ ဆန္ဒတွေပြမှာကို စိုးတဲ့သူကစိုး။

ဘုန်းကြီးကိုလောင်တဲ့ မီး။ ဗလီကိုလောင်တဲ့ မီး။ မြို့တွေရွာတွေဆီ အလည်
အပတ်ထွက်နေတဲ့ မီး။ လက်ညိုးညွှန်ရာ မီးဖြစ်သူတွေကြောင့် ငါ့ဆီလောင်
မလား သူ့ဆီလောင်မလား ပူနေရတဲ့ မီး။ ဗလီရှိရာအရပ်မှာ ယုံကြည်ရာ
ဘုရားကို တက်တက်ကြွကြွ တနေရတဲ့ မီး။ မီးတွေကို လောင်စေချင်သူတွေ
က မလောင်မှာကို စိုး။ မလောင်စေချင်သူတွေကလည်း လောင်မှာကို စိုး။

ဒေါသမီး။ သောကမီး။ ရေရှိမှလာတဲ့မီး။ ဓါတ်ဆီရှိမှလာတဲ့မီး။ အာဏာရှိမှ
လာတဲ့မီး။ အကပ်ကောင်းမှလာတဲ့မီး။ နေပြည်တော်မှာ ပျော်တဲ့မီး။ မျှော်
ပေမဲ့လည်း ပေါ်မလာတဲ့မီး။ လက်ပံတောင်းကိစ္စလို ဟုန်းကနဲတောက်ပြီး
ငြိမ်ကျသွားတဲ့ ကောက်ရိုးမီး။ မြစ်ဆုံကိစ္စလို ဟိုမရောက် ဒီမရောက်ဖြစ်နေ
တဲ့ မီးတန်းလန်း။ အပေါ်မီး အောက်မီးနဲ့ ပြုပြင်ပြောင်းလဲရေးမီး။ မီးတို့
ကတော့ မီးမှန်မှန်လာတာပဲ မြင်ချင်တယ်ဆိုတဲ့ ရန်ကုန်မြို့က မမီးမီး။
အချစ်မီး။ အမုန်းမီး။ စိုးရိမ်ရတဲ့ မီး။ အခုထိမငြိမ်းနိုင်တဲ့ ပြည်တွင်းစစ်မီး။

လယ်အသိမ်းခံရတဲ့လယ်သမားတွေ အလျော်ရပေမဲ့ မပျော်ရလို့ စိုးရိမ်။
ငြိမ်းချမ်းရေးစကား ပြောသော်ညားလည်း တိုက်ပွဲတွေမရပ်လို့ စိုးရိမ်။
တိုင်းပြည်ကသေးသေး၊ မုန်တိုင်းကများများဆိုတော့ကာ။ စိုးရိမ်စိတ်တွေ
နဲ့စီးပွါးရေးသမားများ အပြေးအလွှားနဲ့ရင်းနှီးမြှုပ်နှံနေရရှာ။ ခေတ်ပျက်
သူဌေးတွေကလည်း စိုးရိမ်စိတ်တွေနဲ့ နှစ်ဆတိုးပြီး စီးပွါးရှာ။

အရင်ကတော့ ပြည်တော်မပြန်နိုင်မှာကို စိုးရိမ်။ အခုတော့ပြည်တော်ပြန်
ပြီး ခြေမကိုင်မိလက်မကိုင်မိဖြစ်နေမှာကို စိုးရိမ်။ အစိုးရနဲ့ပေါင်းပြီးကောင်း
စားပြန်ရင်လည်း တမှု။ မကောင်းစားပြန်ရင်လည်း တမှု။ အန်ဂျီအိုထောင်
လို့အောင်မြင်တော့လည်း တပြစ်။ မအောင်မြင်ပြန်တော့လည်း တပြစ်။
သမဒဂျီးကို ယုံကြည်တော့လည်းတမှောင့်။ မယုံကြည်တော့လည်း
တမှောင့်။

ရာသီဥတုက ပူပူ။ မီးတွေက တလန့်လန့်။ အလုပ်အကိုင်က ခပ်ရှားရှား။
လွှတ်တော်ထဲမှာထိုင်နေသူတွေကပဲ တိုင်းပြည်ကို ပိုချစ်နေသလိုလို။
စစ်သားတွေကပဲ တိုင်းပြည်ကို ပိုချစ်နေသလိုလို။ ပါတီဝင်တွေကပဲ တိုင်း
ပြည်ကို ပိုချစ်နေသလိုလို။ တောခိုဖူးသူ။ ထောင်ကျဖူးသူ။ ဆန္ဒပြဖူးသူ။
ဆန္ဒပြသူတွေကို ရိုက်နှက်ဖူးသူ။ နိုင်ငံရေးအကျဉ်းသားကို နှိပ်စက်ဖူးသူ။
အလုပ်ပြုတ်ဖူးသူ။ ကျောင်းထုတ်ခံရဖူးသူ။ ဆိုင်အပိတ်ခံရဖူးသူ။ မူဆလင်
မုန်းတီးရေးတရားဟောသူ။ ဒီလူတွေကပဲ တိုင်းပြည်ကို ပိုချစ်နေသလိုလို။
တိုင်းရေးပြည်ရေး သူတို့ကပဲ အထူးစိတ်ပူနေကြသလိုလို။

စင်္ကာပူလို မကြာခင်ဖြစ်အောင်လုပ်မယ်လို့ မပူမပင်ပြောတဲ့သူကပြော။
ထိုင်းကိုအမြန်ကျော်တက်မယ်လို့ အပူအပင်ကင်းကင်းဆိုတဲ့သူကဆို။
အာစီယံဥက္ကဌလောင်းဆိုပြီး အပူအပင်မရှိ လက်မထောင်သူကထောင်။
တရုတ်အရိပ်ထက် အမေရိကန်အရိပ်က ပိုအေးသကွဲ့လို့ အပူအပင်မဲ့
ပြောတဲ့သူကပြော။

သန့်ရှင်းအစိုးရ။ ပွင့်လင်းအဖွဲ့အစည်း။ ငြိမ်းချမ်းရေးဝန်ကြီး။ ငြိမ်းချမ်း
ရေးနိုဘလ်ဆုရှင်။ ခြောက်ကိုးခြောက်။ ခွန်ရှစ်ခြောက်။ နှစ်ထောင့်ဆယ့်
ငါး။ ရှစ်လေးလုံး။ ဂဏန်းများ။ ဂဏန်းများ။ ပူပင်ရတဲ့ကိန်းဂဏန်းများ။

နွေရာသီရောက်လာပြီဖြစ်ပါ၍ မီးကို အထူးသတိပြုကြပါရန်။ အပူရှိန်တိုး
လာသဖြင့် အေးရာအေးကြောင်းရှာထားကြပါရန်။ စိုးရိမ်ပူပန်ရေးကော်
မရှင်က သတိပေးလိုက်ရပါတယ်။

(ရုပ်ပုံ ၊ ဂူဂလ်)

ရောဂါ

မြန်မာစစ်အုပ်စုမှာ လုံးဝနားမလည်နိုင်တဲ့ ဝေါဟာရ သုံးခုရှိတယ် ။
တရားမျှတမှု။ တန်းတူညီမျှမှု။ လွတ်လပ်မှု။ ဒါတွေကို နားမလည်နိုင်
တာဟာ အာဏာရှင်ရောဂါ။

ဗိုလ်သိန်းစိန်အစိုးရက အရင်အစိုးရတွေနဲ့မဆိုင်ဘူးလို့တတွတ်
တွတ်ပြောနေတယ်။ သူတို့က အာဏာရှင်မဟုတ်ဘူးလို့ ဆိုလိုချင်
ပုံရတယ်။ တဘက်မှာတော့ အရင်အစိုးရတွေရဲ့ ပြစ်မှုကျူးလွန်မှု
တွေကို အကာအကွယ်ပေးနေတယ်။ ပြည်သူ့ဆန္ဒအတိုင်း အလုပ်
လုပ်မယ်လို့ကြွေးကြော်နေပေမဲ့ လက်တွေ့ဘ၀မှာပြည်သူ့ဆန္ဒ
တွေက ချေမှုန်းခံနေရတယ်။ မလှမ့်တပတ်လုပ်ခံနေရတယ်။

ပြည်သူလူထုနဲ့ဆက်ဆံရေးမှာ တရားမျှတမှုတွေ ရှိမလာဘူး။ တိုင်း
ရင်းသားတွေနဲ့ဆက်ဆံရေးမှာ တန်းတူညီမျှမှုကို လုံးဝထည့်မစဉ်း
စားသေးဘူး။ လွတ်လပ်မှုကိစ္စမှာတော့ လျှော့လျှော့ပေါ့ပေါ့လုပ်
လာတာတွေ့ရတယ်။ ဒါကလည်း ယာယီလား။ ထာဝစဉ်လား။ အစစ်
အမှန်လား။ အတုအယောင်လားဆိုတာ စောင့်ကြည့်ရဦးမယ်။

အာဏာရှင်ရောဂါက စစ်အုပ်စုတခုထဲမှပဲ ရှိနေတယ်လို့ တထစ်ချပြော
လို့မရဘူး။ အာဏာရှင်စံနစ်ကို ဆန့်ကျင်တော်လှန်တဲ့ အင်အားစုတွေ
ထဲမှာလည်း ဒီရောဂါလက္ခဏာတွေကို မြင်နေရတယ်။ ဒီရောဂါစွဲကပ်ပြီ
ဆိုရင် ပျောက်ဖို့သိပ်ခက်တယ်။ တချို့ကလည်း ရောဂါရှိနေလို့ရှိနေမှန်း
မသိဘူး။ တချို့ကတော့ ရောဂါရှိမှန်းသိပေမဲ့ မရှိချင်ယောင်ဆောင်ကြ
တယ်။ အဲဒါနဲ့ပဲ မြန်မာပြည်မှာ အာဏာရှင်သံသယာ လည်နေတယ်။

ဒီမိုကရေစီဆိုတာ မြန်မာပြည်သူတွေအတွက် တခါမှမစားဖူးတဲ့ အစား
အစာတခုပဲ။ ဦးနုခေတ်တုန်းက ဒီမိုကရေစီ ရှိခဲ့ဖူးတယ်ဆိုပေမဲ့ အထိုင်
မကျခင်မှာပဲ ( ဒီမိုကရေစီဆိုတာ ချိုသလား၊ ချဉ်သလား မသိရခင်မှာပဲ)
စစ်အာဏာရှင်အောက် ရောက်သွားခဲ့တာမဟုတ်လား။ မြန်မာပြည်သူ
တွေ ကျကျနနစားဖူးတာက အာဏာရှင်စံနစ်။ ဒီအဟာရဓါတ်နဲ့ပဲရှင်
သန်ခဲ့ရတယ်။ အခုလည်း ဒီမိုကရေစီကို အကောင်အထည်ဖေါ်မယ်
ဆိုတဲ့ ဗိုလ်သိန်းစိန်တို့အုပ်စုကိုယ်တိုင်က စစ်အာဏာရှင်လူထွက်တွေ။

ဘိန်းစွဲ၊ ဆေးစွဲ၊ အရက်စွဲသူတွေ ဖြတ်တဲ့အခါ တော်တော်ဝရုန်းသုန်းကား
ဖြစ်တယ်။ တချို့ က ဖြတ်တုန်းခဏပဲ ပြတ်တယ်။ တချို့ကတော့ လုံးလုံး
ပြတ်တယ်။ ဘာပဲဖြစ်ဖြစ် ဖြတ်ချင်တဲ့စိတ်ရှိဖို့က ပထမအရေးကြီးတယ်။
ဗိုလ်သိန်းစိန်အစိုးရဟာ အာဏာရှင်အစွဲကို တကယ်ပဲဖြတ်ချင်နေတာလား
ဆိုတာ အသိရခက်တယ်။ ရှင်းရှင်းလင်းလင်း၊ ထင်ထင်ရှားရှား မရှိဘူး။
ပွင့်ပွင့်လင်းလင်း မရှိဘူး။ ဒါပေမဲ့လည်း အစွဲဖြတ်ဖို့ဆေးရုံကိုတော့ရောက်
လာပြီ။ ၀ရုန်းသုန်းကားတွေလည်း မြင်နေရပြီ။ တကယ်ပြတ်အောင် ဖြတ်
ဖို့ပဲ လိုတယ်။

အမြစ်ပြတ်အောင် ဖြတ်နိုင်ဖို့က ပြည်သူတရပ်လုံးမှာ တာဝန်ရှိတယ်။
တွန်းတဲ့သူကလည်း တွန်း။ ဆွဲတဲ့သူကလည်း ဆွဲ။ နှဲ့တဲ့သူကလည်း နှဲ့။
မတဲ့သူကလည်း မ။ အတွန်းချည်း သက်သက်လည်း မဖြစ်ဘူး။ အဆွဲချည်း
သက်သက်လည်း မဖြစ်ဘူး။ ဒေါ်စုက သမ္မတကြီးကို ယုံတယ်လို့ပြောတိုင်း
တတိုင်းပြည်လုံး လိုက်ပြီးယုံစရာ မလိုဘူး။ NLDက စစ်အုပ်စုဖွဲ့စည်းပုံကို
ထောက်ခံတိုင်း တတိုင်းပြည်လုံး လိုက်ပြီးထောက်ခံစရာ မလိုဘူး။ ကိုယ့်
အသိနဲ့ကိုယ်လွတ်လွတ်လပ်လပ် ရပ်တည်တဲ့အကျင့်တွေ စပြီးလေ့ကျင့်
သင့်ပြီ။

တခါမှ မစားဖူးတဲ့အစာ။ တခါမှ မရောက်ဖူးတဲ့ဒေသ။ တခါမှ မကျင့်သုံးဖူး
တဲ့စံနစ်တခုကို အသားကျအောင်လုပ်ဖို့ဆိုတာ လွယ်တဲ့အရာမဟုတ်ဘူး။
ဒါပေမဲ့လည်း ကောင်းချင်ရင်တော့ အနာခံပြီးရောဂါပျောက်အောင် ကုသ
ရလိမ့်မယ်။ ဒီလိုနဲ့ပဲ တိုင်းပြည်တွေဟာ တိုးတက်ထွန်းကားလာခဲ့တယ်။
ခပ်ပျော့ပျော့ ခပ်ညံ့ ညံ့တွေ များနေရင်တော့ ရောဂါပျောက်ဖို့ မလွယ်ဘူး။
ပျောက်လည်း ခဏပဲဖြစ်လိမ့်မယ်။ အာဏာရှင်ရောဂါကို ပျောက်အောင်
ကုသနိုင်မယ်ဆိုရင်တော့ ဒီမိုကရေစီနဲ့ မြန်မာပြည်သူတွေ မျက်နှာချင်း
ဆိုင်မိကြလိမ့်မယ်။

တရားမျှတမှု။ တန်းတူညီမျှမှု။ လွတ်လပ်မှုဆိုတာတွေက အာဏာရှင်ရော
ဂါကို ပျောက်ကင်းစေမယ့်ဆေးပဲ။ ဒီသုံးချက်က မြန်မာပြည်သူတွေအတွက်
ဒို့တာဝန်အရေးသုံးပါးလို့တောင် ဆိုရလိမ့်မယ်။

(ရုပ်ပုံ ၊ ဂူဂလ်)

သမ္မဒဂျီးအတွက် အခွင့်ကောင်း

လက်ပံတောင်းသပိတ်ဖြိုခွဲမှုက ပြည်သူလူထုကို သွေးဆူစေခဲ့ပြီ။ အနာဟောင်း
တွေကို ပြန်ဆွပေးခဲ့ပြီ။ မြန်မာလူထုဟာ အချိုးမပြောင်းနိုင်တဲ့စစ်အုပ်စုကို ဘယ်
လိုပုံစံမျိုးပဲဖြစ်ဖြစ် မုန်းနေဦးမှာပဲ။ ပြည်သူလူထုအတွက် မရပ်တည်ပဲ စစ်ခေါင်း
ဆောင်တွေနဲ့ တရုတ်အစိုးရအတွက် ရပ်တည်နေသရွေ့ ပြည်သူနဲ့အစိုးရဟာ ရန်ဘက်အသွင်ဆောင်နေလိမ့်မယ်။

ဒုက္ခမျိုးစုံကြောင့် ထပ်ပြီးအထိမခံနိုင်လောက်အောင် နာကျင်စုတ်ပြတ်နေတဲ့
မြန်မာပြည်သူတွေအတွက် လိုအပ်နေတဲ့ဆက်ဆံမှုက နွေးထွေးကျင်နာမှု။
သာယာအေးချမ်းမှု။ ပြေလည်ငြိမ်းချမ်းမှု။ ဖေါ်ရွေလိုလားမှု။ အားပေးကူညီမှု။
ဒါကို မလုပ်ပေးနိုင်ရင် ဘယ်သူပဲအုပ်ချုပ်အုပ်ချုပ် ( ဒေါ်စုမကလို့ ဘိုးဘိုး
အောင်ပဲ လာလာ ) မြန်မာပြည် အဆင်မပြေနိုင်ဘူး။

ဦးပိုင်လီမီတက်ကို ဆက်ပြီးရှင်သန်ခွင့်ပေးထားတာ သမ္မဒဂျီးအတွက် အမှား။
မြွေပွေးခါးပိုက် ပိုက်ထားတာပဲ။ ဦးပိုင်ရှိနေသရွေ့ လူထုရဲ့ဒေါသက ငြိမ်နေမှာ
မဟုတ်။ ဦးပိုင်ကို မြန်မြန်ရှင်းလိုက်လေ လူထုရဲ့ဒေါသ ငြိမ်လေလေပဲ။ သမ္မဒ
ဂျီးက ဦးပိုင်ကို ရှင်းနိုင်တဲ့အခြေအနေရှိရဲ့လား။ ဦးပိုင်ကို အမြန်ရှင်းလိုက်ရင်
သမ္မဒဂျီး နာမည်တက်ကိန်း ကြုံလတ္တံ့။

တရုတ်ဟာ အိမ်နီးချင်းဖြစ်ယုံတင်မက အင်အားကြီးနိုင်ငံဖြစ်တယ်ဆိုတာ လူ
တိုင်းသဘောပေါက်တယ်။ ဒီလိုနိုင်ငံနဲ့ဆက်ဆံရေးကောင်းဖို့လိုတယ်ဆိုတာ
လည်း လူတိုင်းသဘောပေါက်တယ်။ ဒါပေမဲ့ တိုင်းပြည်ပျက်နေတုန်း ပေါချောင်
ကောင်းစံနစ်နဲ့ ရှေ့မကြည့်နောက်မကြည့် စစ်အုပ်စုတခုထဲအတွက်ပဲကြည့်ပြီး တရုတ်နဲ့လုပ်ခဲ့တဲ့ကိစ္စတွေကိုတော့ ပြည်သူတွေက လက်မခံနိုင်ဘူး။

စစ်အစိုးရကာလမှာ ပြောခွင့်မသာခဲ့လို့အခုလို ပေါ်ပေါ်တင်တင် မကန့်ကွက်
ခဲ့ကြဘူး။ (ဒါတောင် တတ်နိုင်သမျှ ပြောခဲ့ကြပါသေးတယ်) သမ္မဒဂျီးလက်ထက်မှာ
ဒီမိုကရေ စီမယ်ဆိုလို့၊ ဆန္ဒထုတ်ဖေါ်ခွင့် ရှိတယ်ဆိုလို့ ဆန္ဒတွေကိုဖေါ်ထုတ်ခဲ့
ကြတာ။ ပြည်သူ့ဆန္ဒဆိုတဲ့စကားနဲ့ နာမည်ကောင်းရလာတဲ့သမ္မဒဂျီးက ရထား
တဲ့နာမည်ကောင်းလေးကို ဆက်ပြီးထိမ်းထားနိုင်ရင် အခုထက်ပိုပြီး လူချစ်လူခင်
များလတ္တံ့။

သမ္မဒဂျီးသိထားဖို့က မြန်မာပြည်သူတွေဟာ ဆန္ဒပြရေးမှာပျော်ရွှင်သာယာနေ
တတ်တဲ့သူတွေ မဟုတ်ဘူးဆိုတာပဲ။ ထစ်ခနဲရှိ ဆန္ဒထပြချင်တဲ့သူတွေ မဟုတ်
ဘူးဆိုတာပဲ။ ကိုယ့်ရှိတာနဲ့ကိုယ် အေးအေးနေချင်ကြတဲ့သူတွေ။ ဆန္ဒပြကန့်
ကွက်တယ်ဆိုရင် ဖြိုခွဲနှိမ်နင်းရမယ်ဆိုတဲ့ စစ်အုပ်စုရဲ့ဉာဉ်ဆိုးကို သမ္မဒဂျီးလက်
ထက်မှာ အမြစ်ဖြတ်ပြလိုက်ရင် စစ်မှန်တဲ့သာဓုခေါ်သံတွေ ကြားရလတ္တံ့။

တိုင်းပြည်တိုးတက်ဖို့လိုတာ မှန်တယ်။ ဒါပေမဲ့ ရှိစုမဲ့စု သဘာဝသယံဇာတတွေ
ချွတ်ခြုံကျပြီးမှ တိုးတက်ရမယ့်အဖြစ်မျိုးကိုတော့ မြန်မာပြည်သူတွေက မလို
လားကြဘူး။ စစ်တပ်အုပ်ချုပ်စဉ်ကာလက တရုတ်နဲ့ပဲဖြစ်ဖြစ်၊ ကုလားနဲ့ပဲဖြစ်
ဖြစ်၊ မျက်နှာဖြူနဲ့ပဲဖြစ်ဖြစ်။ ဖြစ်ကတတ်ဆန်းလုပ်ခဲ့ကြတဲ့ သဘာဝပတ်ဝန်းကျင်
ထိခိုက်ပျက်စီးစေမယ့် လုပ်ငန်းတွေကို သမ္မဒဂျီးလက်ထက်မှာ အမြန်ဆုံး ရပ်နိုင်
သလောက် ရပ်။ လက်လွန်နေပြီဆိုရင်လည်း အဲဒီလုပ်ငန်းတွေကရတဲ့ အမြတ်
အစွန်းတွေကို ပြည်သူတွေဆီ အမြန်ဆုံးရောက်အောင် လုပ်ပြ။ ပြည်သူ့ဆန္ဒ
မပါပဲ နောက်တခါ ဘယ်တော့မှ ထင်တိုင်းမကျဲတော့ပါဘူးလို့ အာမခံ။ ဒါဆို
ရင် သမ္မဒဂျီးကို အချစ်ပိုမယ့်သူတွေ တိုးလာလတ္တံ့။

သိပ်ပြီး နောက်မကျသေးပါဘူး သမ္မဒဂျီး။ အခုလိုပြည်သူတွေ သွေးဆူနေတဲ့
ကာလဟာ သမ္မဒဂျီးအတွက် အချိန်အခါကောင်းပါ။ ဒီအချိန်မှာပဲ သမ္မဒဂျီးတို့
ရဲ့အကျင့်ဆိုး၊ စရိုက်ဆိုးတွေကို မျက်ဝါးထင်ထင် ပြုပြင်ပြောင်းလဲလိုက်ကြမယ်
ဆိုရင် ။ မတရားသဖြင့်လုပ်ခဲ့ကြသူတွေကို အရေးယူလိုက်မယ်ဆိုရင်။ အရင်က
ကျွန်တော်မျိုးကြီးတို့ မှားခဲ့ကြပါတယ်လို့ ၀န်ခံလိုက်ကြမယ်ဆိုရင်။ နောက်
နောင် ပြည်သူ့ဆန္ဒအတိုင်း အပိုးကျိုးကျိုးနဲ့ နေထိုင်လုပ်ကိုင်ပါ့မယ်လို့ ကတိ
ပေးကြမယ်ဆိုရင်။ ကောင်းကျိုးချမ်းသာ ရလတ္တံ့။

မြန်မာပြည်သူတွေက သဘောကောင်းပါတယ် သမ္မဒဂျီး။ လုပ်စရာရှိတာ
အမြန်လုပ်ပါ။ အခွင့်ကောင်းတွေကို လက်လွတ်မခံပါနဲ့။ အသက်လည်း
ကြီးလှပြီ။ ဘ၀ကူးကောင်းအောင် အာရုံထားပြီး အလုပ်လုပ် ။ ဒါပဲ ။

( ရုပ်ပုံ ၊ ဂူဂလ် )

ရွှေနိုင်ငံ

ဗ လိုလို
မ လိုလို
ဗ မှန်းမသိ
မ မှန်းမသိ
ဗ လား
မ လား မကွဲ
နှစ်လုံးထဲနဲ့ကပ်ရှုပ်
ဗလုံးဗထွေးနဲ့
မမျိုနိုင် မထွေးနိုင်
နင် နေတဲ့နိုင်ငံ ။

ဗမာအစ
တကောင်းကလိုလို
ကျောက်ဆည်ကလိုလိုနဲ့
လေနဲ့ဝမ်းနဲ့မကွဲတဲ့နိုင်ငံ ။

အင်္ဂလိပ်တင်မက
ဂျပန်ပါ သိမ်းပိုက်တာခံရ
အချင်းချင်း အုပ်ချုပ်ပြန်တော့လည်း
စစ်သားတွေနဲ့အလိုမတူပဲ ညားခဲ့ရ
ပြည်တွင်းစစ်နဲ့ညားခဲ့ရ
ဆိုရှယ်လစ်နဲ့ညားခဲ့ရ
သမ၀ါယမနဲ့ ညားခဲ့ရ
မှောင်ခိုနဲ့ ညားခဲ့ရ
ပါတီ ကောင်စီနဲ့ ညားခဲ့ရ
ထောက်လှန်းရေးနဲ့ ညားခဲ့ရ
အာဏာရှင်နဲ့ ညားခဲ့ရ ။

တိုင်းရင်းသားလည်း ခပ်များများ
တရုတ်၊ ကုလားလည်း ခပ်များများ
ရိုဟင်ဂျာလိုလို
ဘင်ဂါလီလိုလို
ခေါ်တောလိုလို
ချစ်တီးလိုလို
ဟိုလိုလို ဒီလိုလိုတွေကလည်း ခပ်များများ ။

ဘုရားသခင်တွေလည်း များ
ဘုန်းကြီးတွေလည်း များ
နတ်ကတော်တွေလည်း များ
ဆပ်စရာ အကြွေးလည်း များ
လူလိမ်တွေလည်း များ
အနေကျပ် အသေကျပ်တွေလည်း များ
ခပ်များများတွေနဲ့ ဗျာများနေရှာတဲ့
ခပ်ရှုပ်ရှုပ်တိုင်းပြည်ပါ ။

မိဘမဲ့
လယ်ယာမဲ့
အိုးမဲ့အိမ်မဲ့
အလုပ်လက်မဲ့
အနာဂတ်မဲ့
အဓိပ္ဗါယ်မဲ့
ကာရံမဲ့
နိုင်ငံမဲ့
ခပ်မဲ့မဲ့တွေလည်းပေါ ။

ဒုက္ခသည်
လူကုန်သည်
ဘိန်းကုန်သည်
ကျွန်ကုန်သည်
ဖါကုန်သည်
မယားကုန်သည်
လိပ်ကုန်သည်
တောက်တဲ့ကုန်သည်
ကုန်အောင် သည်တဲ့
ကုန်သည်တွေလည်းပေါ ။

လူပွဲစား
ကားပွဲစား
စပါးပွဲစား
နွားပွဲစား
ဒေါ်လာပွဲစား
ပေါ်တာပွဲစား
ငြိမ်းချမ်းရေးပွဲစား
ဒုက္ခသည်ပွဲစား
ဓါတ်ငွေ့ပွဲစား
သစ်တောပွဲစား
နိုင်ငံရေးပွဲစား
ပွဲဖြစ်အောင်လုပ်ပြီး စားတဲ့သူလည်းပေါ ။

ကဗျာဆရာ
ဗလီဆရာ
ကျူရှင်ဆရာ
အန်ဂျီအိုဆရာ
ဝပ်ရှော့ဆရာ
မြင်းလှည်းဆရာ
လူ့အခွင့်အရေးဆရာ
ဆိုက္ကားဆရာ
နိုင်ငံရေးဆရာ
ဗေဒင်ဆရာ
သိုက်ဆရာ
ဆရာတွေလည်း သိပ်ပေါ ။

ဓါးပြလောက်မှ မရိုးသားသူတွေက
အစိုးရတက်လုပ်
ထောက်ခံသူတွေကလည်း ထောက်ခံ
သူ့အရပ်နဲ့ သူ့ဇတ်
ဟပ်လို့ ။

ဒီလူတွေပေါ့
အင်္ဂလိပ်ကို ဗိုလ်လို့ခေါ်
ဂျပန်ကို ခွေးလို့ခေါ်
ဖိလစ်ပိုင်ကို ဖါးလို့ခေါ်
ကိုယ့်ကိုယ်ကိုတော့ ရွှေလို့ခေါ်တယ်
ရွှေတွေနေတဲ့နိုင်ငံဆိုတော့
ရွှေနိုင်ငံပေါ့ ။

(ရုပ်ပုံ ၊ ဂူဂလ်)

ကောင်းစားရေး

( ကောင်းစားသူများ )

အရင်ခေတ်ကတော့ တိုင်းပြည်ကောင်းစားအောင် ဟိုဝါဒကို ကျင့်ရမယ်၊
ဒီဝါဒကို ကျင့်ရမယ်ဆိုပြီး ၀ါဒအပြိုင်အဆိုင်တွေရှိခဲ့တယ်။ ဘယ်စံနစ်က ငါ
တို့နဲ့ကိုက်တယ်။ ဘယ်စံနစ်က မကိုက်ဘူးဆိုပြီး စံနစ်ရွေးချယ်မှုတွေလည်း 

ရှိခဲ့တယ်။ စံနစ်တွေ၊ ၀ါဒတွေဘယ်လိုပဲကောင်းကောင်း သေသေချာချာ
အကောင်အထည်မဖေါ်ရင် အလကားပဲဆိုတာ မြန်မာပြည်သူတွေ သဘော
ပေါက်ခဲ့ပြီ။

တော်လှန်ရေးပဲဖြစ်ဖြစ်။ နိုင်ငံရေးပဲဖြစ်ဖြစ် တကယ်တော့ တိုင်းပြည်ကောင်း

စားရေးကို လုပ်ရတာ။ ပြည်သူတွေကောင်းစားအောင် ကြိုးပမ်းရတာ။ ဒါပေမဲ့

လုပ်ပုံလုပ်နည်း လွဲမှား။ မမှန်ကန်တဲ့ ရည်ရွယ်ချက်နဲ့လုပ်။ မလုပ်တတ်ပဲ လုပ်။ 

မလုပ်နိုင်ပဲ လုပ်။ မညီမညွတ်နဲ့လုပ်။ စတာတွေကြောင့် တိုင်းပြည်က မကောင်း

စားနိုင်ပဲဖြစ်ခဲ့ရတယ်။ 

မြန်မာ့သမိုင်းတလျှောက်လုံး ဒီလိုအလွဲအမှားတွေနဲ့ ခရီးဆက်လာတာ။ တိုင်း

ပြည် စုတ်ပြတ်သပ်တဲ့အထိ ဖြစ်ခဲ့ရတယ်။ ဒီကြားထဲမှာ ကြီးမားတဲ့ သဘာဝ

ဘေးအန္တရယ်တွေနဲ့လည်းကြုံရတော့ ချွတ်ခြုံကျတဲ့နိုင်ငံအဆင့်ထိ ရောက်ခဲ့ရ

တယ်။ တိုင်းပြည်က ချွတ်ခြုံကျပြီး မကောင်းစားပဲ သူတောင်းစားနိုင်ငံအဖြစ်

ရောက်နေတယ်ဆိုပေမဲ့ ပွဲလန့်တုန်းဖျာခင်းတဲ့လူတွေကတော့ ကောင်းစား

ကုန်ကြတယ်။ သူဌေးသူကြွယ်တွေ ဖြစ်ကုန်ကြတယ်။ အုပ်ချုပ်သူအတော်များ

များနဲ့ပုလင်းတူဗူးဆို့တွေက ကျိကျိတက်ချမ်းသာကုန်ကြတယ်။

စစ်အုပ်စုကို ဆန့်ကျင်တဲ့အင်အားစုတွေမှာလည်း ဒီလိုအလွဲအမှားတွေလုပ်တဲ့

သူတွေရှိတယ်။ စစ်အုပ်စုလောက် အရေအတွက်မများပေမဲ့ ဒီမိုကရေစီဘက်

တော်သားဆိုသူအချို့ကောင်းစားကုန်တယ်။ တိုင်းပြည်ကောင်းစားရေးဆိုတဲ့ ဦး

တည်ချက် အစကတည်းက မရှိလို့လား။ ရှိရဲ့နဲ့ ပျောက်သွားတာလား။ မေ့သွား

တာလား။ ဖျောက်လိုက်တာလား။ မေ့လိုက်တာလားဆိုတာ ကာယကံရှင်တွေ 

အသိဆုံးဖြစ်မယ်။ အများပြည်သူ မကောင်းစားရင် မှန်ကန်တဲ့နိုင်ငံရေး မဟုတ်။

( ဘယ်သူကောင်းစားဦးမလဲ) 

မြန်မာနိုင်ငံမှာ စစ်အုပ်စုကို ဆန့်ကျင်တဲ့အင်အားစုတွေအားလုံး အရေးနိမ့်ကြ

တယ်။ စစ်အုပ်စုပဲ အမြဲအသာစီးရတဲ့တိုင်းပြည် ဖြစ်နေတယ်။ ဒါဟာ စစ်အုပ်စု ဆန့်ကျင်ရေးသမားတွေအတွက် ခါးသီးတဲ့ အမှန်တရား။ စစ်အုပ်စုအတွက်တော့ 

ချိုမြိန်တဲ့ အမှန်တရားပေါ့။ ဒီမိုကရေစီကို တောင်းယူလို့မရ ၊ တိုက်ယူမှ ရမယ်လို့

ဆိုခဲ့သူတွေလည်း စစ်အုပ်စုနဲ့ပေါင်းယူကြဖို့လုပ်ကုန်ပြီ။

အခုလည်း ဒီမိုကရေစီအပြောင်းအလဲဆိုတာကို စစ်အုပ်စုကပဲ ဦးစီးထိမ်းချုပ်ပြီး အကောင်းအထည်ဖေါ်နေတယ်။ တိုင်းပြည်ကောင်းစားအောင် ဘယ်တုန်းကမှ 

မလုပ်ခဲ့တဲ့ စစ်အုပ်စု။ ဒီမိုကရေစီရေး တောင်းဆိုသူမှန်သမျှကို ရက်ရက်စက်စက် 

နှိပ်ကွပ်ခဲ့တဲ့စစ်အုပ်စုက သူတို့စိတ်ကြိုက် ဒီမိုကရေစီကို တည်ဆောက်ဖို့လုပ်နေ

တယ်။ 

ဒီတခါမှာတော့ ဒီမိုကရေစီအင်အားစုတွေ အများစုက စစ်အုပ်စုခေါ်ရာနောက်ကို အသာတကြည်လိုက်ပါနေကြတယ်။ တော်တော်များများကလည်း အကောင်းမြင်

တယ်။ နိုင်ငံတကာကလည်း ဘေးတီးပေးတယ်။ စစ်အုပ်စုအစိုးရကို မြှောက်ပေး

တယ်။ သူတို့ကိုဆန့်ကျင်နေရင် တိုင်းပြည်ပိုနစ်နာတာပဲ ရှိမယ်လို့ သဘောပေါက်

သူက ပေါက်တယ်။ ဒီမိုကရေစီသမားတွေလည်း အစွမ်းကုန်သလောက်ရှိပြီ။ ခြေ

ကုန်လက်ပမ်းကျပြီ။ အလားအလာ မကောင်းဘူး။ စစ်အုပ်စုက မောင်မောင်ခေါ်တုန်း

ဗျာ ထူးထားမှတော်ခါကျမယ်လို့တွက်တဲ့သူက တွက်တယ်။ ဒီတကြိမ်မှာ ဘယ်သူ

တွေကောင်းစားကြလိမ့်မလဲ။ 

( သူတောင်းစားတွေ ကောင်းစားရေး )

မြန်မာပြည်ကအခြေအနေတွေကို တချို့ကတော့ မုန့်လုံးကို စက္ကူကပ်နေတယ်လို့ 

မြင်တယ်။ ခွေးမြီးကောက်ကို ကျည်တောက်စွပ်နေတယ်လို့ မြင်တယ်။ တချို့က

တော့ ပြည်သူတွေကောင်းစားအောင် ဒီတကြိမ် တကယ်လုပ်ကြလိမ့်မယ်လို့မြင်

တယ်။ တချို့ကတော့ ဟုတ်မလိုလိုနဲ့ အီလည်လည်ဖြစ်ကြလိမ့်ဦးမယ်လို့တွက်

တယ်။ တချို့ကလည်း လမ်းခုလတ်မှာ စစ်အာဏာသိမ်းလိမ့်ဦးမယ်လို့ခန့်မှန်း

တယ်။ တချို့ကလည်း ဒေါ်စုအစွမ်းကြောင့် စစ်အုပ်စုဟာ ကျားကနေ ကြောင်ဖြစ်

လာမယ်လို့ ထင်တယ်။ တချို့ကလည်း  ကျားကနေ ကြောင်ဖြစ်သွားတာ ဒေါ်စု

လို့ပြောကြတယ်။ တချို့ကတော့ မြန်မာပြည်ကို အမေရိကန်လက်ထဲ ထိုးအပ်

လိုက်တာ အကောင်းဆုံးပဲလို့ ယူဆတယ်။ (အခုလည်း ဒီအခြေအနေ ရောက်

နေပါပြီ)

တိုင်းပြည်တခု ကောင်းစားအောင်လုပ်ဖို့က လွယ်တဲ့ကိစ္စမဟုတ်ဘူးဆိုတာ လူ

တိုင်းသဘောပေါက်တယ်။ ဒါပေမဲ့လည်းလွတ်လပ်ရေးရပြီးကတည်းက ပြည်သူ

တွေ ကောင်းစားတဲ့ခေတ် တခါမှရောက်မလာပဲ သူတောင်းစားသာသာဖြစ်နေ

တာကတော့ လွန်လွန်းတယ်လို့ဆိုရမယ်။ ညံ့လွန်းတယ်လို့ဆိုရမယ်။ တိုင်းပြည်

ကောင်းစားရေးကိစ္စက စစ်အုပ်စုတင်မကပဲ ပြည်သူလူထုတရပ်လုံးနဲ့ စစ်အုပ်စု 

ဆန့်ကျင်သူတွေမှာပါ တာဝန်ရှိတယ်။ 

အရင်က ကိုယ်နဲ့ မတိမ်းမယိမ်းနိုင်ငံတွေ။ ကိုယ့်လောက်မှ အခြေအနေမဟန်တဲ့

နိုင်ငံတွေ ကိုယ့်ကိုကျော်တက်ကုန်တာ ကြာပြီ။ ဘယ်တော့မှ မြန်မာပြည်သူတွေ

ကောင်းစားတဲ့ခေတ် ရောက်မှာလဲဆိုတဲ့မေးခွန်းအတွက် သေချာရေရာတဲ့အဖြေ

က အခုထိ မရှိသေးဘူး။ လောလောဆယ်မှာတော့ ပြုပြင်ပြောင်းလဲရေးခေါင်းစဉ်
အောက်မှာ လူတစုမက ကောင်းစားနေကြပြီ။ 

( ပန်းချီ ၊ ပီကာဆို )