Monday, September 17, 2012

ပြောင်းဖူးပြုတ်














စစ်အုပ်စုရဲ့ဥာဉ်ဆိုးက တိုင်းပြည်ကို သူတို့ပိုင်တယ်လို့ယုံကြည်နေတာပဲ။
လွတ်လပ်ရေးရပြီးကတည်းက အရပ်ဝတ်လဲလိုက်၊ စစ်ဝတ်လဲလိုက်နဲ့တချိန်
လုံးလိုလို သူတို့ပဲ တိုင်းပြည်ကိုအုပ်ချုပ်ခဲ့တာ။

အခုလည်း ဒီမိုကရေစီသွားမယ် လုပ်ပြန်ပြီ။ ငြိမ်းချမ်းရေးလုပ်မယ် ပြောပြန်ပြီ။
ငြိမ်းချမ်းရေးကော်မရှင်ဆိုလား ဖွဲ့ဦးမတဲ့။ သူတို့ပေးမှ ရမယ့်ငြိမ်းချမ်းရေး။
သူတို့ပေးမှ ရမယ့်ဒီမိုကရေစီ။ သူတို့ပေးမှ ရမယ့်လူ့အခွင့်အရေး။ သူတို့
ပြုမှ နုရမယ့်တိုင်းပြည်။

တိုင်းရင်းသားတွေကို အခုချိန်ထိ အပေါ်စီးက ဆက်ဆံနေတုန်း။ ပြောတော့
ငြိမ်းချမ်းရေးညှိနှိုင်းမှု။ လုပ်တော့ ငါပေးသလောက်ပဲယူ။ ဒီမိုကရေစီအင်အားစု
ကိုလည်း ဒီအတိုင်းပဲ။ ဓါးမိုးပြီးအုပ်ချုပ်ခဲ့သူတွေရဲ့ဥာဉ်က မဖျောက်နိုင်သေး
ဘူး။ သေနပ်ကိုင်ပြီး အနိုင်ယူခဲ့သူတွေဆိုတော့ အားလုံးကို သူ့အောက်ကလို့
ထင်တယ်။

ငါတို့က အနိုင်သမား။ နင်တို့က အရှုံးသမား။ ကျားသနားမှ နွားချမ်းသာမယ့်
အရေးလို့ သဘောထားနေတုန်း။ သူတို့က ကျား။ ပြည်သူက နွား။ ဇတ်ကို
သူတို့က ဒီလိုခင်းပြီး ကနေတာ။ အပြောင်းအလဲကို တကယ်လုပ်ချင်ရင် အခြေ
ခံကျတဲ့ အဲဒီ“ကျား ၊ နွားဆက်ဆံရေး”သဘောထားကို အရင်ပြောင်းရလိမ့်မယ်။

တပ်မတော်အင်အားရှိမှ တိုင်းပြည်အင်အားရှိမယ်လို့လည်း မလှိမ့်တပတ်လုပ်
ခဲ့ကြသေးတယ်။ တပ်မတော်ပဲ အင်အားရှိလာတယ် ပြည်သူတွေကတော့ ငတ်
မတတ်၊ ပြတ်မတတ်၊ အသက်ရှူကျပ်။ တိုင်းပြည်ကို စစ်တပ်ကပဲ အမြဲကယ်တင်
လာတာဆိုတဲ့ အယူအဆကိုလည်း ပြောင်းရမယ်။ စစ်တပ်ကို စစ်တပ်လို့သဘော
မထားနိုင်သရွေ့။ စစ်တပ်ကို ကယ်တင်ရှင်လို့သဘောထားနေသရွေ့။ ဒီလူတွေ
ဟာ စစ်အုပ်စုထဲက မထွက်သေးဘူး။ အရပ်ဝတ်လဲပြီး အယောင်ဆောင်နေတုန်း။

စစ်ဗိုလ် စစ်သားတွေက အခုချိန်ထိ ပြည်သူတွေကို ဗိုလ်ကျချင်နေတုန်း။ ငါတို့မှာ
အာဏာရှိတယ်လို့ ယုံကြည်နေတုန်း။ လုပ်ပိုင်ခွင့်၊ မိုက်ကြေးခွဲပိုင်ခွင့် ရှိနေတယ်
လို့ယုံကြည်နေတုန်း။ လွှတ်တော်ထဲမှာလည်း ဒီလိုပဲ။ အရပ်ဝတ်ပဲ ပြောင်းထားတာ
စိတ်ဓါတ်နဲ့ အပေါ်စီးကဆက်ဆံမှုတွေ မပြောင်းသေးဘူး။ ယူနီဖေါင်းချွတ်အချင်း
ချင်းကြားမှာကိုပဲ အခုချိန်ထိ အလေးထပြုချင်နေတုန်း။ ကိုယ့်ထက် ကိုယ်ပိုင်နံပတ်
စောတဲ့သူကို အရိုအသေပေးချင်နေတုန်း။ သမ္မတမို့လေးစားတာထက် စစ်တပ်မှာ
တုန်းက ဗိုလ်ချုပ်ကြီးဖြစ်ခဲ့လို့လေးစားနေကြတာ။ ဒါတွေကိုမပြောင်းနိုင်ကြသေးဘူး။

အခြေခံကျတဲ့၊ အရေးအကြီးဆုံးဖြစ်တဲ့ စိတ်ဓါတ်နဲ့သဘောထားကို မပြောင်းနိုင်
လို့လည်း ဥပဒေတွေက မတရားသဖြင့် ရှိနေတာ။ ဥပဒေတွေကို ပြောင်းလာခဲ့
ရင်တောင် တကယ်ကျင့်သုံးမှ ဖြစ်မှာ။ ဒီမိုကရေစီကျတဲ့ ဥပဒေကျင့်သုံးမှုမရှိသရွေ့
အပြောင်းအလဲဆိုတာ မရှိဘူး။ တကယ့်အပြောင်းအလဲ မဖြစ်ပဲ ဘာကြောင့် ပြောင်း
သဟဲ့ ပြောင်းသဟဲ့လို့ လေဖန်းဒန်းစီး လုပ်နေကြသလဲ။ ပြောင်းချင်လွန်းလို့ဖြစ်နေ
တဲ့ရောဂါပေါ့။

ဆိုရှယ်လစ်ခေတ် ၀န်ထမ်းလောကမှာ ခေတ်စားခဲ့တာ တခုရှိတယ်။ မြို့မှာရှိတဲ့
သူတွေက နယ်တွေကို မပြောင်းချင်ဘူး။ စားပေါက်ချောင်တဲ့သူကလည်း စားပေါက်
မရှိတဲ့နေရာကို (ရာထူးတိုးသည့်တိုင်အောင်) မပြောင်းချင်ဘူး။ မပြောင်းရအောင်
ကြိုးစားကြတဲ့ နည်းတွေထဲမှာ ပြောင်းဖူးတွေကို လက်ဆောင်ပေးတာလည်းပါတယ်။ ပြောင်းဖူးနဲ့ချဉ်ပေါင်နဲ့တွဲပြီး ချက်စားတာလည်းပါတယ်။ သဘောကတော့ (ပြောင်း
ချဉ်ပေါင်) မပြောင်းချင်ဘူးပေါ့။

အဲဒီလို ဗေဒင်လိုလို၊ ယတြာလိုလိုတွေလုပ်လာကြတော့ ခပ်နောက်နောက် အရာ
ရှိတဦးက သူလက်ဆောင်ရတဲ့ပြောင်းဖူးတွေကို ပြုတ်ပြီး လက်ဆောင်ပေးတဲ့
(ယတြာချေတဲ့) သူတွေကို ပြန်ကြွေးပါသတဲ့။ သဘောကတော့ မပြောင်းဘူး၊
မပြောင်းချင်ဘူးဆိုတဲ့သူတွေ ပြုတ်မယ်ဆိုတဲ့သဘောပေါ့။

အခုလည်း စိန်စိန်ခေါင်းဆောင်တဲ့ အစိုးရကို ပြောင်းဖူးပြုတ်တွေ ကြွေးရမလို
ဖြစ်နေပြီ။ အတိုက်အခံပါတီတွေရဲ့ အဓိကလုပ်ငန်းက လွှတ်တော်ထဲမှာ ကုန်း
ကွကွလုပ်နေကြမယ့်အစား။ အစိုးရ၊ ကြံ့ဖွတ်နဲ့ စစ်တပ်ကိုယ်စားလှယ်တော်
ကြီးများကို ပြောင်းဖူးပြုတ်ပူပူလေးတွေ ကြွေးကြဖို့ပါပဲ။

(ရုပ်ပုံ ၊ ဂူဂလ်)

Friday, September 14, 2012

ယဉ်ကျေးစွာ အရှုံးပေးခြင်း













မျောက်ကနေ လူဖြစ်တာကို ယုံသူများ
လူကနေ မျောက်ပြန်ဖြစ်တာကိုကော
ယုံကြသလား ။

အိပ်မက်တွေ သားလျှောလို့
သေမတတ် ခံစားရတဲ့အခါ
ရှိစုမဲ့စုဒေါသတွေလည်း အပေါင်ဆုံးသွားတဲ့အခါ
လိမ်လည်မှုဟာ အကိုက်အခဲပျောက်ဆေးပေါ့ ။

ပက်ပက်စက်စက်
ဝက်ဝက်ကွဲမရှုံးဘူးလို့ ထင်ရအောင်
လူတောထဲမှာ အပြုံးမပျက်နေထိုင်ပါ
အရာရာကို အကောင်းမြင်ပါ
မေတ္တာသမားယောင်ဆောင်ပါ
နာကျင်မှုကို ကျင်နာမှုအဖြစ်ပြောင်းပါ ။

ဟိတ်နဲ့ဟန်နဲ့ အရှုံးပေးနိုင်ရင်
အထည်ကြီးပျက်စိတ်ဓါတ်ထားနိုင်ရင်
မချစ်ပေမဲ့ အောင့်ခါနမ်းနိုင်ရင်
အလိုမတူသူနဲ့ ပေါင်းဖက်နိုင်ရင်
ဒဏ်ရာတွေကို မိတ်ကပ်ဖို့နိုင်ရင်
အရှုံးပေးမှု အောင်မြင်ပြီ ။

အောင်မြင်စွာဆုတ်ခွါလာတဲ့
ဒို့ရဲဘော်တွေကို
မျက်ရည်တွေနဲ့ မကြိုကြပါနဲ့
ယဉ်ကျေးသူတွေမို့
အပြုံးလေးနဲ့သာကြိုဆိုကြပါစို့
ငါတို့တွေ သနားပါတယ် ။

(ရုပ်ပုံ ၊ ဂူဂလ်)

Monday, September 3, 2012

စကားများတဲ့ ရွှေဘ















ဒီနေ့ခေတ် လူငယ်တွေတော့ ရွှေဘကို သိကြမယ် မထင် ။ ကိုယ်တောင်မှ မီယုံ
တင်မီလိုက်တာ။ သူ့အရှိန်အ၀ါကကြီးတာမို့ ရွှေဘအကြောင်းမသိရင် ခေတ်
မမီတဲ့အဖြစ်မျိုး ကြုံခဲ့ရဘူးတယ်။ မြန်မာ့ရုပ်ရှင်ခေတ်ကောင်းခဲ့ချိန်က မင်းသား
ရွှေဘဟာ ဒီနေ့ခေတ် ရမ်ဘိုမင်းသားလိုပ။ အက်ရှင်မင်းသား။ အထိုးအခုတ်၊
အသတ်အပုတ်ကောင်း။ ထောင်ထောင်မောင်းမောင်း။ ဖြူဖြူထွားထွား။ လူမွဲ
နင်းပြားတွေရဲ့ဘက်တော်သား။ ရွှေဘဟေ့ဆိုတာနဲ့ ရုံပြည့်ပြီးသားတဲ့။

မတရားမှုတွေကို ရင်ဆိုင်ရဲသူ။ အံတုရဲသူ။ တုန့်ပြန်ရဲသူ။ ခပ်ကြမ်းကြမ်း၊ ခပ်စွမ်း
စွမ်းသရုပ်ဆောင် မင်းသားချောရွှေဘ။ ပျိုပျိုအိုအို၊ ကြီးကြီးငယ်ငယ် အစွဲကြီးစွဲခဲ့
ရပါတဲ့ရွှေဘ။ ရွှေဘဆိုတာနဲ့ ချပြီသာမှတ်။ ပိတ်ကားပေါ်မှာ သူပေါ်လာပြီဆိုတာနဲ့
လက်ခုပ်သံတွေ ညံသွားသတဲ့။

တခါတလေ ဇတ်လမ်းအရ ရွှေဘက စကားကြာကြာပြောမိရင် ပရိတ်သတ်တွေ
စိတ်မရှည်တော့ဘူးတဲ့။ ဇတ်လမ်းအရ လူဆိုးလက်ချက်နဲ့ ရွှေဘခံရရင်လည်း
ပရိတ်သတ်များက ဒေါပွကြပါသတဲ့။ ဒီလိုအခြေအနေမျိုးဆို ရုပ်ရှင်ရုံထဲ ပူညံပူညံ
ဖြစ်တတ်လို့ ရုပ်ရှင်ပြသူတွေက ပရိတ်သတ်တွေကို ဖြောင်းဖျရပါသတဲ့။

ရွှေပွဲလာပရိတ်သတ်ကြီး စိတ်မပူကြပါနဲ့ခင်ဗျား။ မကြာခင်မှာ ရွှေဘ ချပါလိမ့်မယ်။
လူဆိုးတွေကို အပြုတ်နှံမယ့်ရွှေဘ။ သံလက်သီးရွှေဘ မကြာခင် လက်စွမ်းပြပါလိမ့်
မယ်။ နောက်ပိုင်းမှာ ရွှေဘပွဲကြမ်းပါလိမ့်မယ်ခင်ဗျား။ ညိမ်ညိမ်နေကြပါ။ စသည်ဖြင့်
ပြောခဲ့ရတယ်ဆိုပဲ။

ဒီနေ့ခေတ် မြန်မာ့နိုင်ငံရေးလောကမှာလည်း ရွှေဘတွေ အတော်အတန်ရှိခဲ့ပါတယ်။
ဒေါ်စုဟာလည်း နိုဘယ်ဆုမရခင် ရွှေဘဆုကိုရခဲ့သူပါ။ အဖိနှိပ်ခံမြန်မာပြည်သူတွေ
ဘက်က မားမားရပ်ပြီး စစ်အာဏာရှင်တွေကို အံတုခဲ့သူမဟုတ်ပါလား။ ပစ်အံ့ဆဲဆဲ
သေနပ်ပြောင်းရှေ့ကနေ ရင်ကော့လျှောက်ခဲ့သူမဟုတ်ပါလား။ မတရားတဲ့အမိန့်
အာဏာဟူသမျှ ဖီဆန်ကြလို့ ရဲရဲတောက်ကြွေးကြော်ခဲ့သူ မဟုတ်ပါလား။ မြန်မာ့
တပ်မတော်တခုလုံးကို မကြောက်ကြပါနဲ့လို့ ပြောခဲ့သူမဟုတ်ပါလား။ ကြမ်းတမ်းတဲ့
ဘ၀လမ်းကို ဖြတ်သန်းရဲခဲ့သူ မဟုတ်ပါလား။

အခုတလော နိုဘလ်ရွှေဘရဲ့အသံ အရင်ကလို မစွာတော့။ မတရားမှုတွေကို ခေါင်း
မာမာနဲ့အံတုတာတွေ မမြင်ရတော့။ ရွှေဘစကားပြောခန်းတွေ များနေပြီ။ ချစရာရှိတာ
မချပဲ ဘာတွေလုပ်နေလဲ။ ပရိတ်သတ်တချို့က စိတ်မရှည်နိုင်တော့။ အသံတချို့ထွက်
လာပြီ။ သွေးမကြောင်နဲ့ရွှေဘ။ ချစရာရှိတာ ချ။ လူဆိုးတွေနဲ့ညှိနှိုင်းမနေနဲ့။ ဆော်
စရာရှိတာ ဆော်ပစ်။ စသည်ဖြင့် ရွှေဘပရိတ်သတ်တချို့ရဲ့ အားမလိုအားမရသံတွေ
ကြားနေရတယ်။

ရှစ်လေးလုံးအုပ်စုလည်း မြန်မာ့ဒီမိုကရေစီရေးမှာ ရွှေဘတွေပါပဲ။ မင်းကိုနိုင်တို့၊ ကိုကို
ကြီးတို့ဆို ဒေါ်စုထက်တောင် ဖြတ်သန်းခဲ့ရတဲ့လမ်းက ကြမ်းလွန်းလှတယ်။ အာခံနိုင်တဲ့
စိတ်ဓါတ်တွေက တကယ့်ရွှေဘထက်တောင် သာလွန်းကြတယ်။ ထောင်တွေအမျိုးမျိုး။
ဖိစီးမှုအမျိုးမျိုး။ ကြေကွဲမှုအမျိုးမျိုးနဲ့ အလံမလှဲစတမ်း စစ်အာဏာရှင်တွေကို စိန်ခေါ်ခဲ့
ကြတဲ့ အာဂရှစ်လေးလုံးကျောင်းသားတွေပါပဲ။

ရှစ်လေးလုံးရွှေဘတွေလည်း အခုတလော စစ်ဗိုလ်လူထွက်တွေ၊ ခေတ်ပျက်သူဌေး
တွေနဲ့ရောနှောပျော်ရွှင်နေတာကြောင့် ရွှေဘပရိတ်သတ်အချို့  မျက်စိလည်ကုန်ကြ
တယ်။ မျက်လုံးပြူးတဲ့လူကလည်း ပြူးကုန်ကြတယ်။ ဓါတ်ဆီဈေးတက်တုန်းကတောင်
လမ်းလျှောက်ပြီးဆန္ဒပြခဲ့ကြတဲ့သူတွေ အခုလိုအကျပ်အတည်းမျိုးစုံကြုံနေချိန်မှာ သီ
ချင်းတွေဆိုလိုက်၊ ကဗျာတွေရွတ်လိုက်နဲ့ ငါတို့ရွှေဘတွေ ဘယ်လိုဖြစ်ကုန်ကြသလဲ
ပေါ့။

တကယ်တော့လည်း မြန်မာ့ဒီမိုကရေစီရွှေဘတွေခင်မျာ ခံရတာအတော်များပြီး အထိ
နာလွန်းလို့ ခဏတဖြုတ်နားမယ်ဆိုရင် နားသင့်ပါတယ်။ စကားပြောခန်းလေးတွေကို
ပရိတ်သတ်က စိတ်ရှည်ရှည်နဲ့နားလည်စောင့်ကြည့်သင့်ပါတယ်။ ရွှေဘတွေခင်မျာ
သနားပါတယ်။ အခုမှ ခဏနားရတာပါ။ ဒါပေမဲ့လည်း ပရိတ်သတ်ကတော့ ရွှေဘဆို
ရင် ချမှကြိုက်တယ်။ စကားများနေရင် ရွှေဘမဟုတ်။ ဒီလိုနားလည်ထားတာကိုး။

ဒီတခါတော့ ပရိတ်သတ်တွေကိုမတောင်းပန်ပဲ ရွှေဘတွေကိုပဲ တောင်းပန်ရလိမ့်မယ်
ထင်တယ်။ ရွှေဘများခင်ဗျား ပရိတ်သတ်အချို့ စိတ်ပျက်စပြုနေပါပြီ။ လူဆိုးတွေနဲ့
ညှိနေလို့ ပရိတ်သတ်က ပျင်းနေပါပြီ။ ပွဲမဆူခင် ပြောစရာရှိတာ အမြန်ပြောပြီး ချစရာ
ရှိတာ အမြန်ချကြပါ။ ရွှေဘနဲ့လူဆိုးလက်တွဲရင် ပွဲပျက်ပါလိမ့်မယ်။ ရွှေပွဲလာပရိတ်
သတ်ကြီးကို လေးစားသောအားဖြင့် ရွှေဘများရဲ့ လက်စွမ်းတွေကို အံမခန်းပြကြပါ
ခင်ဗျား။ ဒီလိုပြောရင် ရွှေဘတွေ စိတ်ဆိုးကြလေမလားပဲ။ ငါတို့စကားပြောနေတာ
လည်း လက်သီးထိုးနည်းတမျိုးပဲဟလို့ ဆိုကြလေမလားပဲ။ (တကယ်တမ်းတော့
အဆင်ပြေဖို့အဓိကပါ။ မြန်မြန်အဆင်ပြေအောင် လုပ်ကြဖို့ပါပဲ။ ရွှေဘလုပ်ပြီး စ
ကားများနေရင်တော့ ပရိတ်သတ်က ကြိုက်မှာမဟုတ်)

အစဉ်အလာအရ ဇတ်သိမ်းခန်းတွေမှာ ရွှေဘလက်ချက်နဲ့ လူဆိုးတွေ ကြွသွားတယ်
ဆိုပေမဲ့။ မြန်မာ့ဒီမိုကရေစီရေးမှာ ရွှေဘအပြောကောင်းလို့ လူဆိုးတွေက လူလိမ္မာ
လေး တွေဖြစ်လာကြတယ်ဆိုရင်ကော ချစ်စွာသောပရိတ်သတ်များက သဘောကျနိုင်
မလား။ ဇတ်သိမ်းပိုင်းမှာ ရွှေဘက သံလက်သီးရွှေဘပဲဖြစ်မလား။ အပြောချိုတဲ့ရွှေဘ
ပဲဖြစ်မလား။ ဆက်လက်ရှုစား အားပေးကြရအောင်ပါဗျား။

( ရုပ်ပုံ ၊ ဂူဂလ် )