Monday, November 29, 2010

အကြံပေးအရာရှိ
















ငါ့မှာ မြွေတကောင်ရှိတယ်။ သူ့နာမည်က ဂေါ်ဇီလာ။ သူက
သတ်သတ်လွတ်သမား။ တီဗီဂီမ်းကြိုက်တယ်။ ဘီယာကြိုက်
တယ်။ အတင်းအဖျင်းမဂ္ဂဇင်းကြိုက်တယ်။ အွန်လိုင်း ချက်တင်
ကြိုက်တယ်။ ဂေါ်ဇီလာကို ငါမွေးထားတာ မဟုတ်ဘူး။ အလုပ်
သမားအဖြစ် ငှားထားတာ။ သူက ငါ့ရဲ့  စီးပွါးရေးအကြံပေး။

မြွေဆိုပေမဲ့ ဂေါ်ဇီလာမှာ အဆိပ်မရှိဘူး။ သူက ဘုရားနဲ့တရားနဲ့။
ဘာသာပေါင်းစုံ ကိုးကွယ်တယ်။ ဘုရားတွေအားလုံး ငြိမ်းချမ်းရေး
သမားမို့တဲ့။ သူက လိင်တူချင်းစုံမက်သူ။ ပျင်းတဲ့အခါ ငါနဲ့အံစာတုံး
လှိမ့်ပြီး မြွေကစားတယ်။ ငါမြွေမြိုခံရတဲ့အခါ သူ့အမြီးကိုနန့်ပြီး။ သူ
မြွေမြိုခံရတဲ့အခါတော့ ပါးပျဉ်းထောင်ပြတတ်တယ်။

မြွေအများစုက ဂျက်ဇ်ဂီတကိုကြိုက်ကြပေမဲ့ ဂေါ်ဇီလာကတော့
အမေရိကန်ကျေးလက်ဂီတကိုပဲ ကြိုက်တယ်။ သီချင်းတိုင်းမှာ
ဇတ်လမ်းရှိပြီး ရုပ်ရှင်ကြည့်ရသလိုပဲတဲ့။ သူ့ဇာတိကို လွမ်းလို့
လည်းဖြစ်မယ်။ သူကအမေရိကန်ဖွါး တက္ကဆက်နယ်သား။
မြန်မာပြည်အကြောင်းကို မသိဘူး။ စိတ်လည်း မ၀င်စားဘူး။
လက်တင်အမေရိကားကိုပဲ စိတ်ဝင်စားတယ်။ အမေဇုံတော
အုပ်ကြီး ရှိလို့ဖြစ်မယ်။

ဂေါ်ဇီလာရဲ့ နေ့စဉ်အလုပ်က စတော့ဈေးအတက်အကျကိုကြည့်
ပြီး ငါ့ငွေတွေကို အပြောင်းအရွှေ့ လုပ်ပေးတယ်။ စီးပွါးရေးသတင်း
တွေကိုဖတ်ပြီး ငါ့ကိုအစီရင်ခံတယ်။ ၀င်ငွေထွက်ငွေကိုတွက်ပြီး
ရှေ့ မှာလုပ်သင့်တဲ့ စီးပွါးကွက်တွေကို ငါ့ဆီအကြံပေးတယ်။
အချိန်ပိုရှိရင် ငါ့ရဲ့ စာရင်းကိုင်ကောင်မလေးနဲ့ ရန်ဖြစ်တယ်။
ကောင်မလေးက ရင်သားကြီးအောင် အတုထည့်ထားလို့တဲ့။
ဒီကောင်မလေး ကြိုးတချောင်းဘောင်းဘီ ၀တ်တာကိုတော့
လူကြားသူကြား ချီးမွန်းတတ်ပြန်တယ်။

နွေရာသီအားလပ်ရက်တွေမှာ ငါတို့နှစ်ကောင် ကယ်လီဖိုးနီးယား
ကို သွားတယ်။ အဲဒီမှာ ငါပိုင်တဲ့ စပျစ်ခြံရှိတယ်။ နေ့ရောညရော
ဝိုင်တွေသောက်တယ်။ မူးကြတယ်။ သူက ၀ိုင်အဖြူသမား။ ၀ိုင်နီက
သွေးနဲ့တူလို့ မကြိုက်ဘူးတဲ့။ တခါတလေ ပင်လယ်ကိုသွားတယ်။
ငါ့သင်္ဘောပေါ် ဘီယာတွေသယ်ပြီး သောက်ကြတယ်။ ဂေါ်ဇီလာဟာ
မြွေတကောင်ဖြစ်ပေမဲ့ လူလိုသူလိုနေတတ်တယ်။ အရက်မူးတဲ့အခါ
တော့ မြွေဇာတိ ပေါ်လာတတ်တယ်။ ဟိုခွေဒီခွေ လုပ်ချင်တယ်။
ဟိုပတ်ဒီပတ် လုပ်ချင်တယ်။ ဒါပေမဲ့ ဒီကောင်က မြွေအေးပါ။
အန္တရယ်မပေးတတ်ပါဘူး။ ငါ့ထက် လူကြီးလူကောင်းဆန်တယ်။

ဂေါ်ဇီလာရဲ့  မကောင်းတဲ့အကျင့်ကတော့ ငါ့ကိုဆရာလုပ်လွန်း
တာပဲ။ အကြံပေးအရာရှိဆိုတဲ့ ရာထူးနဲ့အာဏာကို အလွန်အကျွံ
သုံးစွဲတတ်တဲ့ ရောဂါပေါ့။ မလိုအပ်ပဲငါ့ကို အကြံပေးတာတွေ စာရင်း
လုပ်ထားတယ်။

(အေ) ဘာသာတရား ကိုးကွယ်တတ်သူဖြစ်လာရေး။

(ဘီ) ကျောရိုးမဲ့သတ္တ၀ါတွေနဲ့ လိင်တူချစ်သူတွေကို အမှန်တကယ်
နားလည်ပေးနိုင်ရေး။

(စီ) လူဖြူ မုန်းတီးရေး။

(ဒီ) ကျန်းမာရေးလေ့ကျင့်ခန်း ပုံမှန်လုပ်ဆောင်ရေး။

(အီး) စီးပွါးရေးကို အနုပညာတရပ်အဖြစ် လက်ခံကျင့်သုံးရေး။

(အဖ်) လောကကြီးကို အကောင်းမြင်ရေး။

(ဂျီ) အပျင်းမထူရေး။

(အိခ်ျ) တနှစ်တကြိမ် သူ့ကို လခပုံမှန်တိုးပေးရေးနဲ့

(အိုင်) သေးပေါက်တဲ့အခါ ဘေးကို မစင်စေရေးတို့ပဲ။

ဂေါ်ဇီလာက လူစကားအပြင် မြွေဘာသာ ခြောက်မျိုးလည်းတတ်
တယ်။ လူတွေရဲ့ အကြောင်း မြွေဘာသာနဲ့ စာအုပ်တွေရေးပြီး
အလကားဝေတယ်။ သူ့ကလောင်နာမည်က အကြံပေးအရာရှိတဲ့။

လောလောဆယ်အထိတော့ သူ့ကိုအလုပ်ဖြုတ်ပြစ်ဖို့ ငါ့မှာ အစီ
အစဉ် မရှိသေးပါဘူး။ သူပေးတဲ့ အကြံတွေက ငါ့ကိုစီးပွါးတက်စေ
တာကိုး။ မြွေတွေဟာ ရတနာသိုက်ကို စောင့်ရှောက်သူ၊ မြွေရှိရင်
စီးပွါးတက်တယ်လို့ မြန်မာတွေ ယုံကြည်တတ်တဲ့အကြောင်း
အခုချိန်ထိ သူ့ကို ငါ မပြောဖြစ်သေးပါဘူး။
ဂေါ်ဇီလာ ကျန်းမာပါစေ။

(ရုပ်ပုံ ၊ ဂူဂလ်)

Tuesday, November 23, 2010

တိုရှည်
















ခေတ်က သိပ်မြန်တယ်။ အချိန်မရှိဘူး။ မြန်မြန်လုပ်။ သတင်း
ခေတ်မှာ နှေးရင် ငတ်မယ်။ လူတိုင်း သတင်းသမားဖြစ်ကုန်ပြီ။
အခုဖြစ်၊ အခုသိ၊ အခုမြင်၊ အခုကြားရပြီ။ သုံးသပ်တာတွေ၊
ကုန်းဟပ်တာတွေ နောက်မှလုပ်။

ဘာဖြစ်သလဲ။ ဘာပြောချင်သလဲ။ ရေးစရာရှိတာ မြန်မြန်ရေး။
လိုရင်း၊ တိုရှင်း ရေး။ ဘခြောက်လုံးကုန်အောင် ရှောက်ရေးမနေနဲ့။
ဝေ့နေ ၀ိုက်နေရင် မဖတ်တော့ဘူး။ နင်ရှည်သမျှ လိုက်ဖတ်ဖို့ ငါ့မှာ
အချိန်မရှိဘူး။

တိုတိုနဲ့တုတ်တုတ်လုပ်ကြ။ တိုတာက ရှင်းတယ်။ တုတ်တာက
ဘာလဲ။ အချက်အလက်စုံအောင် ရေးခိုင်းတာဖြစ်မယ်။ ၀တ္တုတွေ
တောင် သတင်းပုံစံနဲ့ရေးကုန်ပြီ။ ရှည်လျှားပေများရင်ေ၀၀ါးမယ်။
အင်တာနက်ကြောင့် လူတိုင်းစာရေးဆရာဖြစ်ကုန်ပြီ။ သဘောပေါက်။
ဖွဲ့ နေ နွဲ့ နေရင် ရေးရတာလည်း ကြာတယ်။ ဖတ်ရတာလည်း ကြာ
တယ်။ ဒဲ့သာ ဆော်လိုက်တော့။ ရှည်မနေနဲ့။

တိုတိုင်းလည်း ကောင်းတာမဟုတ်ပြန်ဘူး။ ထိအောင်၊ မိအောင်
လည်း ရေးကြဦး။ ပေါ်တင်ကြီးရေးရင်လည်း အဆဲခံနေရဦးမယ်။
သတိထား။ ချစ်ရင်တော့ ချစ်တယ် မြန်မြန်ပြော။ တောင်တောင်အီ
အီ လုပ်မနေနဲ့။ ကြားကားဆွဲသွားမယ်။ နှလုံးသားကိစ္စမှာ တို၊ထိ၊မိ၊
ကောင်း ဆိုရင် လူတွေလက်ခံတယ်။

ဖတ်ရသွက်အောင် ရေး။ စိတ်ဝင်စားဖို့ကောင်းအောင် ရေး။ ဒါက
အနုပညာကိစ္စ။ ပါရမီနည်းရင် မြန်မြန်ဖြည့်။ စု၊တု၊ပြုတွေ မြန်မြန်
လုပ်။ အနုပညာနည်းရင် ဈေးကွက်မ၀င်ဘူး။ စိတ်ဝင်စားအောင်
မဖန်တီးတတ်ရင် လူတွေကျော်ဖတ်သွားလိမ့်မယ်။ နင်ရေးတာ
အလကားပဲ။

(ဒေါ်စုနဲ့သူ့သားငယ် ပြန်ဆုံ။ လက်မောင်းမှာ အလံနဲ့။ လူပျိုအပျို
ခိုက်ကြတယ်) သတင်းက ဒါပဲ။ ဖွဲ့ ကြ နွဲ့ ကြဦးမလား။ မြန်မြန်ဖွဲ့  ၊
မြန်မြန်နွဲ့ ကြ။ ဓါတ်ပုံတွေရော၊ ဗီဒီယိုတွေရော အကုန်မြင်နေရပြီ။
ဘာပြောချင်သေးလဲ။

ယူကျူ့ ကို ကိုးကွယ်။ ဖေ့စ်ဘုခ်နဲ့ မျက်နှာသစ်။ တွစ်တာနဲ့ နှစ်ပါးသွား။
လက်ကိုင်ဖုန်းက သတင်းပေး။ အားရင် ဘလော့ဂ်ရေး။ ဒါဟာ လူ
တကာလုပ်နေတဲ့ နေစဉ်ဘ၀။ ရှည်နေဖို့ အချိန်မရှိဘူး။ လို၊ တို၊ တုတ်၊
ရှင်း၊ မြန်၊ ကောင်း။ ဒါမှ နင့်ဟာကို လူဖတ်မယ်။ မဟုတ်ရင်တော့
ရေးမနေနဲ့ ။

ပိုက်ဆံမယူပဲ အကြံပေးရရင်။ မိန်းမအတွင်းခံဘောင်းဘီလို လှတ
ပတ၊ တိုတိုရှင်းရှင်းနဲ့ အရေးကြီးတာကို အုပ်မိအောင် ရေးနိုင်ရင်
အောင်မြင်မယ် မှတ်။

မရှည်ဖို့အကြောင်း ခပ်ရှည်ရှည်ပြောလိုက်တာ မောတောင်မော
သွားပြီ။ ငါရေးသလို လိုက်မရေးကြနဲ့နော်။ လူအမြင်ကပ်လိမ့်မယ်။
ငါလည်း ကျင့်နေတုန်း။ ဒါပဲဟေ့။

(ရုပ်ပုံ ၊ ဂူဂလ်)

Sunday, November 21, 2010

မြင်ဖူးတယ်












ရွှေတိဂုံအထက်ပစ္စယံမှာ နိုင်ငံကူးလက်မှတ်ကိုထုတ် ပတ္တမြားမျက်ရှင်
ကိုယ်တော်ကြီးကိုပြပြီး အကြိမ်ကြိမ်ဆုတောင်းနေသူတဦးကို မြင်ဖူးတယ်။
(သူ့ ကို ဗီဇာပေးအောင်လို့တဲ့)

ခပ်ချောချောညီအမသုံးယောက်ရှိတဲ့အိမ်ကို ညနေကျရင် တရားသွား
ဟောရမှာမို့ အလွန်စိတ်လှုပ်ရှားနေတဲ့ သင်းအုပ်ဆရာလေးကိုလည်း
မြင်ဖူးတယ်။ (အဲဒီနေ့က သူဟောမဲ့ အကြောင်းအရာကို ရွေးရခက်နေသတဲ့)

ရန်ကုန်ဆေးရုံကြီးရှေ့ မှာ လူတွေထောင်နဲ့ချီပြီး အစာငတ်ခံ ဆန္ဒပြနေတာကို
မြင်ဖူးတယ်။ (မကြာခင်မှာပဲ စစ်အာဏာသိမ်းခဲ့တယ်)

ပြေးနေတဲ့ရထားရဲ့  ခေါင်မိုးပေါ်မှာ ခိုးပြေးလာကြတဲ့စုံတွဲ နမ်းနေကြတာ
မြင်ဖူးတယ်။ (သူတို့သိပ်ပျော်နေကြတယ်)

ဘုရားစောင်းတန်းတခုမှာ ဖေါက်သည်မလာလို့ ပျင်းပြီး ၀ဲကုတ်နေတဲ့
ဗေဒင်ဆရာတယောက်ကို မြင်ဖူးတယ်။ ( သူက ဒုက္ခတရားကို ယားနာ
တခုလို့ သဘောထားသူတဲ့)

ပန်းဆိုးတန်းကမ်းနားမှာ ကြမ်းကြားထဲညပ်နေတဲ့ ဆန်စေ့တွေကို
ပျော်ပျော်ပါးပါးနဲ့ အလုအယက် ကလော်ထုတ်နေကြတဲ့ ကလေး
ငယ်တွေကို မြင်ဖူးတယ်။ (အဲဒီဆန်တွေကို သူတို့ပြန်ရောင်းကြမှာ)

နိုင်ငံခြားမှာသန့်ရှင်းရေးအလုပ်ရလို့ တဆွေလုံးတမျိုးလုံး ပျော်နေကြ
တာကို မြင်ဖူးတယ်။ (ဒီလူက အိမ်မှာဆို တံပျက်ဆီးတောင် လှဲတဲ့သူ
မဟုတ်ဘူး)

ကျောင်းဝတ်စုံအဟောင်းလေးတွေနဲ့ ဘူတာမှာရေလိုက်ရောင်းနေတဲ့
မောင်နှမတသိုက် ရထားနဲ့အတူ အပြေးလိုက်ပြီးရောင်းတာကို မြင်ဖူး
တယ်။ (ဒီကလေးတွေက ဦးပုညရဲ့  ရေသည်ပြဇတ်ကို မသိဘူး)

မသာအိမ်မှာ ညက ဖဲနိုင်လို့ မနက်ခင်းအိမ်အပြန် မျက်နှာပန်းလှခဲ့တဲ့
အရုပ်ဆိုးဆိုး၊သဘောကောင်းကောင်း အိမ်ထောင်ရှင်မကြီးကိုလည်း
မြင်ဖူးတယ်။ (ဖဲရှုံးတဲ့နေ့တွေဆို အိမ်ဦးနတ်အမူးသမားက ဆောင့်ကန်
တတ်တယ်တဲ့)

မြန်မာပြည်ကို အလည်ပြန်ရလို့ ပျော်ပြီး မြန်မာပြည်ကပြန်လာတဲ့အခါ
စိတ်ဆင်းရဲနေတဲ့ သူကို မြင်ဖူးတယ်။ (နောက်နှစ်လည်း ထပ်သွားဦးမှာတဲ့)

သင်္ကြန်မှာ အရက်မူးလွန်ပြီး ဆံပင်အတုတွေပျောက်သွားတဲ့ ဦးဇင်းငယ်
နှစ်ပါးကိုလည်း မြင်ဖူးတယ်။ (သူတို့မှာ ရည်းစားတွေလည်း ရှိကြတယ်)

ဆန္ဒပြကျောင်းသားတွေ ပစ်အသတ်ခံရလို့ ရှိုက်ကြီးတငင်ငိုနေတဲ့
ကျောင်းသားခေါင်းဆောင်တယောက်ကို မြင်ဖူးတယ်။ (အဲဒီနေ့က
မိုးတွေလည်းရွာနေခဲ့တယ်)

ကျောင်းအုပ်ဆရာမကြီးရဲ့ သား စာခိုးချနေတာကို မမြင်ချင်ယောင်ဆောင်
ပေးတဲ့ တောင့်တောင့်ဖြောင့်ဖြောင့် ဆရာမလေးကို မြင်ဖူးတယ်။ (အခု
သူလည်း ကျောင်းအုပ်ဆရာမ ဖြစ်နေပြီတဲ့)

စစ်အာဏာမသိမ်းခင်က အလွန်ဆင်းရဲပြီး အာဏာသိမ်းပြီးမကြာခင်မှာပဲ
အလွန်ချမ်းသာလာတဲ့ စစ်ဗိုလ်လေးတဦးကို မြင်ဖူးတယ်။( အဲဒီတော့မှ
သူက တိုင်းပြည်ကို ချစ်တတ်တာတဲ့)

ရုပ်ရှင်ထဲမှာ ဟုတ်သလိုလိုနဲ့ အပြင်မှာ ချောလည်းမချော အဆင့်လည်း
သိပ်မရှိတဲ့ မင်းသမီးတဦးကို မြင်ဖူးတယ်။ ( အခုချိန်ထိတော့ အကယ်ဒမီ
ရသံ မကြားသေးဘူး)

စနေတနင်္ဂနွေအားလပ်ရက်မှ တနိုင်ငံက တနိုင်ငံကို လေယာဉ်နဲ့လာပြီး
ချစ်ရတဲ့ ကောင်မလေးကို မြင်ဖူးတယ်။ (သူတို့နှစ်ဦး မညားကြရှာဘူး)

ငါးမရလို့ ရေချိုးပြန်ခဲ့ကြသူတွေကိုလည်း မြင်ဖူးတယ်။ ( တချို့ ဆို တော်
တော်အောင်မြင်နေကြပြီ)

ငါ့ကိုယ်ငါ မြင်ဖူးတယ်။ (သိပ်မစွန်ပါဘူး)


မြင်ဖူးတာတွေ ရှိသေးတယ်။ (နောက်မှဆက်ပြောမယ်)

(ရုပ်ပုံ ၊ ဂူဂလ်)

Thursday, November 18, 2010

တန်ဆောင်မုန်းလဆန်း ၇ရက်












အချိန်။ ။ သီပေါမင်းပါတော်မူပြီး နှစ်ပေါင်းတရာ့အစိတ်အကြာ။
နေရာ။ ။ အရင်က မြို့ တော်။
အကြောင်းအရာ။ ။ အဒေါ်ကြီးဆီက လာတဲ့စာ ။


တကမ္ဘာလုံးက ၀ိုင်းပြီးပြောနေကြတဲ့ အကြောင်းကိုပဲ ငါပြောမှာပါ။
အခုတလော ပြောချင်စရာက ဒါပဲရှိတာကိုး။ သူလွတ်တဲ့နေ့ကဆို
သူနေတဲ့လမ်းထဲ လူအုပ်ကြီး အော်ဟစ် ကခုန်ပြီး ပြေးဝင်လာကြ
တာ ဘုရားပွဲမှာ ပိုက်ဆံကျဲတာကျနေတာပဲ။

အိမ်ထဲက သူထွက်လာတော့ ခြေလှမ်းကျဲကြီးနဲ့ ပြုံးပြုံးကြီးဟဲ့။ ခြံ
ထိပ်က သံချွန်တွေကိုကိုင်ပြီး လူတွေကိုနှုတ်ဆက်လိုက်တဲ့အချိန်
ကများ ကမ္ဘာကြီး တုန်သွားသလားမှတ်တယ်။ လူတွေ အော်ချက်
တော့ ကန်းကုန်ပဲ။ သူမကြား ကိုယ်မကြား အပြန်အလှန်ပြောနေ
လိုက်ကြတာများ။ ဘာတွေပြောလို့ ပြောမှန်းတောင် မသိရဘူး။

ပန်းကြိုက်တယ်ဆိုတဲ့သူက ထူးထူးခြားခြား အဲဒီနေ့မှာ ပန်း မပန်ခဲ့
ဘူးဟဲ့။ အောင်မယ်လေး တိုင်ပင်ထားသလား မှတ်ရတယ်နော်။
ပန်းစည်းတစည်း အောက်က တက်လာသဟဲ့။ သူကလည်း ပန်း
စည်းကို ဖြည်ပြီး ချက်ချင်းပဲ ထုတ်ပန်လိုက်တာ။ အဲဒီတော့မှပဲ
သူမှသူအစစ် ဖြစ်သွားတော့တယ်။ ၀တ်ထားတာက ဗေဒါရောင်
ဆိုတော့ ပန်းကိုလည်းပန်လိုက်ရော ဗေဒါပျံ အံကိုခဲ ပန်းပန်လျှက်ပဲ
ဆိုတာ ဖြစ်သွားရော။

သူ့လူတွေကလည်း လွတ်မယ်ဆိုတာ တွက်ထားရဲ့ နဲ့ အော်လံလေး
ဘာလေး ကြိုပြီး စီစဉ်မထားကြဘူး။ လူတွေ အုတ်အော်သောင်းနင်း
ဖြစ်နေတဲ့ကြားက သူအော် ကိုယ်အော်ပြောခဲ့ရတယ်။ မတွေ့ ရတာ
ကြာပြီတဲ့။ ဟုတ်ပ။ အားလုံးကြားချင်ရင် မနက်ဖြန် ရုံးကိုလာခဲ့။
အသံချဲ့ စက်နဲ့ပြောမတဲ့။ မှတ်ကရော။ ရွေးကောက်ပွဲ ၀င်ပြိုင်ကြတဲ့
တရားဝင်နိုင်ငံရေးပါတီတွေတောင် သူ့လိုအသံချဲ့ စက် သုံးရဲကြတာ
မဟုတ်ဘူး။

ဒို့တိုင်းပြည်က သူများပြောလည်း ပြောစရာပဲဟဲ့။ လွန်ခဲ့တဲ့ တပါတ်
က တနိုင်ငံလုံးလုပ်ခဲ့တဲ့ ရွေးကောက်ပွဲတွေမှာတော့ လူမစည်ပဲ
အသက်၆၀ကျော် အမျိုးသမီးကြီး သူ့ခြံဝထွက်ရပ်တော့မှ ကြက်ပျံ
မကျ။

စိုးရိမ်မယ်ဆိုလည်း စိုးရိမ်စရာပေါ့ဟယ်။ ဒီပဲရင်းတုန်းက သူ့ကိုအသေ
သတ်ဖို့ လုပ်ခဲ့ကြတာမို့လား။ ကံကြီးပေလို့ပ။ အခုလည်း လူအုပ်ကြီးထဲ
အကာအကွယ်မပါပဲ သွားနေလိုက်တာ အသည်းယားစရာ။ ကြံ့ ဖွတ်ဆို
တာ ဂြိုလ်ပါတာမှတ်လို့။

နိုင်ငံရေးလုပ်တဲ့မိန်းမသားဆိုတာက ဒို့ဆီမှာ ရှားသမို့လား။ သူ့ဘ၀
ကလည်း ထူးပါတယ်အေ။ ခင်ပွန်းသည်ဆုံးတာတောင် မမြင်လိုက်
ရတဲ့ ဘ၀။ သားအငယ်လေးက သူ့အမေပြန်လွတ်တာကို တွေ့ ချင်
ရှာလို့ ဘန်ကောက်ထိလာပြီး စောင့်နေရှာတာ။ သေနာတွေက
ဗီဇာ မပေးဘူးဟဲ့။

သူ့ပါတီကလည်း အံ့ဖွယ်ပါတီပဲဟယ်။ သူ့တယောက်ထဲအပေါ် တပါ
တီလုံး မှီခိုနေသလား မှတ်ရတယ်။ ပါတီကိုဖျက်ဆိုတော့ နိုင်ငံရေး
ဆက်လုပ်မယ်ဆိုတာတောင် ပြတ်ပြတ်သားသား မပြောရဲကြဘူးဟဲ့။
တကယ်တော့ သူ့ပါတီမှ မဟုတ်ပါဘူးလေ။ တတိုင်းပြည်လုံးလိုလိုက
သူ့အပေါ်မှီပြီး မျှော်နေကြသလိုကြီးပါအေ။ သူ့ခမျာ ၀န်ထုပ်ဝန်ပိုးကြီး
ကို ဖြစ်လို့။ တတိုင်းပြည်လုံး သူ့အပေါ် ပိလို့။ မပြောကောင်း မဆို
ကောင်း။ သူမရှိ ဘယ့်နဲ့လုပ်ကြမလဲ။

ငါတော့ သူ့ကို သနားလည်းသနားတယ်။ အပြစ်မရှိပဲ အဖမ်းခံရ
တာလောက် ခံရခက်တာ ရှိဦးမှာလား။ မထူးပါဘူးဟယ်။ တခါထဲ
လူစုပြီး အစိုးရဖွဲ့ တယ်ဟေ့လို့ ကြေညာလိုက် ပြီးရောလို့ တခါတခါ
တွေးမိတယ်။ ဖြစ်ချင်ရာဖြစ်ပေါ့။ မဟုတ်လည်း တော်ယုံတန်ယုံလှုပ်
ရှားတာနဲ့ အကြာကြီး အဖမ်းခံနေရတာ မဟုတ်လား။ သူတို့လို နိုင်ငံ
ရေးတော့ နားမလည်ဘူးပေါ့ဟယ်။ ဒါပေမဲ့ သူတို့လုပ်နေတာတွေက
လည်းဖြစ်လာတာမှ မဟုတ်ပဲကိုးအေ့။ အသက်တွေပဲ ကြီးကုန်ပြီ။

လူတွေကလည်း လူတွေပဲဟဲ့။ ရဲရဲတင်းတင်း မထောက်ခံရဲကြရှာဘူး။
သူကိုချစ်တယ်၊ ထောက်ခံတယ်ဆိုတဲ့လူအရေအတွက်က အပြောင်း
အလဲဖြစ်လောက်အောင် အလုံအလောက်မှ ရှိရဲ့ လား။ ဒီပဲရင်းတုန်း
ကပဲ ကြည့်။ လူတွေအကုန် ထွက်ကြတော့မယ်ထင်တာ။ ဘယ်ဟုတ်
လိမ့်မလဲ။ လူတွေခင်မျာလည်း သူ့ကိုချစ်တာထက် ဟိုဟာတွေကို
ကြောက်ရတာက ပိုများနေကြတာကိုးအေ့။ ဒို့ဆီမှာက လွယ်တာ
မဟုတ်ဘူး။ နီးရာဓါးကို တကယ်ကြောက်ရတာဟဲ့။

ညည်းတို့ ပြည်ပရောက်တွေကတော့ အလုပ်မဖြစ်ပါဘူးအေ။ အသံပဲ
ရှိတာပါ။ ရေဒီယိုမှာ အင်တာဗျူးပါတာလောက်နဲ့ တိုင်းပြည်ကြီး ပြောင်း
လိမ့်မယ် ထင်နေကြတုန်းကိုး။ ရေဒီယိုကို လူတွေက လိုတဲ့အချိန်
လောက်ပဲ ခဏတဖြုတ် နားထောင်ကြတာအေ့။

ဒါပဲဟယ်။ ရပ်ကွက်ထဲက နင့်သူငယ်ချင်းတွေကတော့ တချက်တချက်
နင့်ကို မေးရှာပါတယ်။ ဒို့တွေလည်း ကံကြုံမှပဲ ပြန်ဆုံကြတာပေါ့ဟာ။
ငါလည်း အသက်ကြီးပြီ။ ဆုတောင်းတာတွေလည်း အလုပ်မဖြစ်ပါဘူးအေ။

မှတ်ချက် ။ ။ အဒေါ်ကြီးပြောသော အမျိုးသမီးမှာ မြန်မာ့ဒီမိုကရေစီ
ခေါင်းဆောင် ဒေါ်အောင်ဆန်းစုကြည် ဖြစ်လိမ့်မည်ဟု ယူဆရပါသည်။
(ဟုတ်မှာပါ)


ရုပ်ပုံ ။ ဂူဂလ်

Wednesday, November 10, 2010

အကောင်းမြင်သမားနှင့် တွေ့ ဆုံခြင်း















အချိန်။ ။ ခရစ်တော်ကွယ်လွန်ပြီး နှစ်ပေါင်း နှစ်ထောင်ကျော်အကြာ။

နေရာ။ ။ မြ၀တီမြို့  (ကရင်ပြည်နယ်)

အကြောင်းအရာ။ ။ မြန်မာ့အရေး အထူးကျွမ်းကျင်သူတဦးနှင့် ဗျူးခန်း။

( စတင်းဘိုင်…သရီး…တူး…၀မ်း…ဂိုး )

မင်္ဂလာပါရှင်။ မြ၀တီ၂၀ သံ၊ရုပ်၊ဖုန်း အစီအစဉ်က ကြိုဆိုပါတယ်။
ကျမကတော့ နော်မိုးတိမ်ပါ။

ဒီကနေ့အစီအစဉ်မှာတော့ မြန်မာပြည်က လက်ရှိဖြစ်ပေါ်နေတဲ့အခြေအနေ
တွေကို အပီအပြင် သုံးသတ်နိုင်ဖို့ အထူးဧည့်သည်တော်တဦးကို ကျမတို့
ဖိတ်ခေါ်ထားပါတယ်။ သူကတော့ နိုင်ငံတကာအနှံ့ခြေဆန့််ပြီး မြန်မာ့အရေး
ကို မိုးမွှန်အောင် လှည့်ပါတ်ဟောပြောနေတဲ့ ဦးကောင်းမြင့်သူပဲဖြစ်ပါတယ်။
လာမယ့်နှစ်အတွက် နိုဘလ် ငြိမ်းချမ်းရေးဆုရနိုင်သူများ စာရင်းထဲမှာ
ထိပ်ဆုံးက ပါနေသူတဦးလည်းဖြစ်ပါတယ်ရှင့်။

တိမ် ။ ။ မင်္ဂလာပါ ဦးကောင်းမြင့်သူ…. နေကောင်းတယ်နော်။

ကောင်း။ ။ သိပ်ပြီးနေကောင်းပါတယ်…နော်မိုးတိမ်။ တခြားကိစ္စတွေ
မဆက်ခင် ရှင်းစရာလေးတခုကို ကြိုပြီးရှင်းလိုက်ပါရစေ။

တိမ်။ ။ အော်… အပေါ့သွားမလို့လား။ နောက်ဖေးပေါက်က ထွက်ပြီး
အပြင်မှာရှင်းလိုက်လို့ ရပါတယ်။

ကောင်း။ ။ နိုး…နိုး…နိုး.. မဟုတ်ပါဘူး။ နော်မိုးတိမ် ကျနော့်ကိုမိတ်ဆက်
တုန်းက အနည်းငယ်ချော်သွားတဲ့ကိစ္စလေးပါ။ ဒါက အရေးမကြီးဘူးလို့ထင်
ရပေမဲ့ တော်တော်လေး အရေးကြီးတဲ့ ကိစ္စမို့ပါ။

တိမ်။ ။ ဘာများပါလိမ့်ရှင့်။ ကျမ ဘာများချော်သွားလို့ပါလိမ့်။

ကောင်း။ ။ ဒီလိုခင်မျ။ ကျနော့်နာမည်က ကောင်းမြင်သူပါ။
ကောင်းမြင့်သူ မဟုတ်ပါဘူး။ အကောင်းမြင်တတ်စေချင်လို့ မိဘများ
က တမင်မှည့်ထားတာပါ။ ဘုန်းကြီးပေးတဲ့နာမည်လည်း မဟုတ်ပါဘူး။
ဗေဒင်သမားပေးတဲ့နာမည်လည်း မဟုတ်ပါဘူး။ နာမည်ပေးတဲ့အလုပ်က
ဘုန်းကြီးအလုပ်လည်း မဟုတ်ပါဘူး။ အကောင်းကိုမြင်တတ်ဖို့
တကယ်လည်း ကျင့်ကြံခဲ့သူမို့ ကျနော့်ကို ကောင်းမြင်သူလို့ပဲခေါ်ပေးဖို့
အရင်ဆုံး မေတ္တာရပ်ခံလိုပါတယ်။

အဲ..နောက်တခုက ။ ဦးကောင်းမြင်သူဆိုတာထက် ကိုကောင်းမြင်သူ
လို့ခေါ်ရင် ပိုပြီးသင့်တော်ပါလိမ့်မယ်။ ကျနော်က အခုမှ ၃၃နှစ်ပဲရှိပါ
သေးတယ်။ ကချင်ပြည်နယ်မှာ အမတ်လောင်းဝင်ရွေးတဲ့ ကိုမာခါးနဲ့
အသက် အတူတူပါပဲခင်မျ။ ကျေးဇူးတင်ပါတယ်။ ဟဲ..ဟဲ..ဟဲ

တိမ်။ ။ အို…တောင်းပန်ပါတယ်ရှင်။ နောက်တကြိမ် ချော်ပြီး မခေါ်မိ
အောင် သတိကြီးကြီး ထားပါတော့မယ်။

ကောင်း။ ။ ဂွတ်…ဂွတ်…ဗဲရီးဂွတ်..။

တိမ်။ ။ ဦး…အဲ..ကိုကောင်းမြင်သူရှင့်။ မြန်မာပြည်တ၀ှမ်းမှာ ပြည်
သူတွေ ဒုက္ခမျိုးစုံကြုံနေရတဲ့အချိန်မှာ ကိုကောင်းမြင်သူက ဘာကြောင့်
ရယ်များ မြန်မာပြည်ကြီး ကောင်းနေပါတယ်လို့ လိုက်ပြောနေရတာလဲ
ရှင့်။

ကောင်း။ ။ ကြိုက်သွားပြီ။

တိမ်။ ။ ရှင်။

ကောင်း။ ။ မေးခွန်းကိုတော့ ကြိုက်သွားပြီလို့ပြောတာပါ။ သိပ်ကောင်း
တဲ့ မေးခွန်းပါပဲ။ ကျနော်လည်း ဒါကိုဖြေချင်နေတာပါ နော်မိုးတိမ်။

တိမ်။ ။ ဟုတ်ကဲ့။ ဒါဆိုလည်း ဖြေပါတော့ရှင့်။

ကောင်း။ ။ ကောင်းပါပြီ နော်မိုးတိမ်။ အခုကာလ အခါသမယဟာ
အင်မတန်မှ သာယာကြည်လင်ပြီး အေးချမ်းကြည်နှုးဖို့ကောင်းတဲ့
တန်ဆောင်မုန်းလရာသီဖြစ်တယ်..ဆိုတာကနေ စပြီးပြောချင်ပါတယ်။
ကျနော်တို့ အမိမြန်မာပြည်ကြီးကိုကြည့်လိုက်ပါ။ သိပ်ကိုသာယာလှပနေ
ပါတယ်။ ပူအိုက်တဲ့ကာလ ကုန်သွားခဲ့ပါပြီ။ ဗုဒ္ဓဘာသာဝင်တွေကလည်း
လက်ညှိုးထိုးလို့မလွဲတဲ့ စေတီပုထိုးတွေ၊ ကျောင်းကန်ဘုရားတွေမှာ ငြိမ်း
အေးမှုရဲ့ အရသာကို ခံစားပြီး ပီတသုခ ရနေကြပါတယ်။ ဘုရားတွေကို
ကြည့်လိုက်ပါ။ လူတွေစည်ကားမြဲ စည်ကားဆဲပါပဲ။

ခရစ်ယန် ဘာသာဝင်တို့ရဲ့  ဘုရားကျောင်းတွေ၊ အစ္စလမ်ဘာသာဝင်တို့ရဲ့ 
ပလီကျောင်းတွေ။ ဟိန္ဒူဘာသာဝင်တို့ရဲ့  ၀တ်ကျောင်းတွေကိုလည်း
ကြည့်လိုက်ပါဦး။ ယုံကြည်ရာကိုးကွယ်မှုတွေနဲ့ သာယာမှုရဲ့  ရနံ့တွေကို
ဖေါ်ကျူးနေကြတာကို စိတ်ကြည်နူးစရာတွေ့ ရပါလိမ့်မယ်။ ဒါ.. စကား
အဖြစ်ပြောတာ မဟုတ်ပါဘူး။ အချိန်မရွေး၊ နေရာမရွေး သွားကြည့်နိုင်
ပါတယ်။ ဘယ်လောက်ကောင်းတဲ့ အခြေအနေတွေပါလဲခင်ဗျာ။

အာရှတိုက်ထဲမှာပဲ ပါကစ္စတန်နိုင်ငံကို ကြည့်လိုက်ပါ။ သူတို့ရဲ့ ပလီကျောင်း
တွေမှာ ဗုံးတွေ တ၀ုန်းဝုန်း ကွဲနေတာပါ။ ဘုရားတောင် ဖြောင့်အောင်
မရှိခိုးနိုင်ကြရှာပါဘူး။ အာဖဂန်နစ္စတန်ကိုလည်း ကြည့်ပါဦး။ သတ်နေဖြတ်နေ
လိုက်ကြတာ မီးခိုးမဆုံး မိုးမဆုံးပါ။

အခုပြောနေတာက ဘာသာရေးရပ်ဝန်း ကွက်ကွက်လေးကိုပဲ မီးမောင်းထိုး
ပြလိုက်တာပါ။ နိုင်ငံရေးဘက်က ပြောပါ့မယ်။ အိမ်နီးချင်းတိုင်းပြည်တွေထဲမှာ
အိန္ဒိယကို ခဏဖယ်ထားပြီး ပါတ်ဝန်းကျင်နိုင်ငံတွေက အစိုးရတွေကို ကြည့်
လိုက်ပါဦး။ ဘယ်အစိုးရကိုများ ပြည်သူတွေက ကြိုက်နေကြလို့တုံး။

ထိုင်းအစိုးရဆိုတာလည်း အကြံအဖန်နဲ့တက်လာတဲ့အစိုးရ။ တရုတ်၊
ဗီယက်နမ်၊ လာအိုက ကွန်မြူနစ်အစိုးရတွေကရော ဘယ်ပြည်သူ
တွေက ရွေးကောက်တင်မြောက်ထားတာတုံး။ ကမ္ဘောဒီးယားက
ဟွန်ဆန်အစိုးရကလည်း ရာသက်ပန်ရှိနေမယ့်ပုံပဲ။ စင်္ကာပူအစိုးရကရော
ပြည်သူ့အသဲစွဲ ဒီမိုကရေစီအစိုးရ ဟုတ်လို့လား။ လူ့အခွင့်အရေးချိုးဖေါက်
နေကြတဲ့ အစိုးရတွေချည်းပဲ။ ဒီလိုအခြေအနေတွေကြားမှာ ကျနော်တို့
တိုင်းပြည်ကိုမှ ဘာကြောင့်ရွေးပြီး မျက်စောင်းခဲနေကြသလဲ။ ကျနော်
တော့ စဉ်းစားလို့ကို မတတ်နိုင်အောင်ပါပဲ နော်မိုးတိမ်ရယ်..။

မြို့ ပြရဲ့  ညနေခင်းတွေကို ကြည့်ဦးမလား။ လမ်းတွေမှာဆို လူတွေအပြည့်။
ညပိုင်းကျရင်ဖျော်ဖြေမယ့် လိုက်ရှိုးတွေကို ကြည့်ဖို့ လူတွေတက်ကြွနေပြီ။
ဘီယာဆိုင်တွေ၊ လက်ဘက်ရည်ဆိုင်တွေ၊ ညဈေးတန်းတွေမှာလည်း လူတွေ
ပျော်လို့။ အပြင်မထွက်တဲ့သူတွေကလည်း ကိုရီးယားကားနဲ့ အိမ်တွေထဲမှာ
ညိမ့်လို့။ အဖ်အမ်ရေဒီယိုတွေကို နားဆင်လို့။

ကျေးလက်ညနေခင်းတွေကိုတော့ ပြောမပြတော့ပါဘူး။ ဒီအလှတရား
တွေကို ကျနော်ရှင်းပြလိုက်ရင် မူရင်းအရသာ ပျက်စီးသွားမှာစိုးလို့ပါ။

တိမ်။ ။ ကိုကောင်းမြင်သူ ပြောခဲ့တဲ့ အစိုးရတွေက ပြည်သူတွေကို
တိုးတက်ကြီးပွါးအောင် လုပ်ပေးကြတယ်ရှင့်။

ကောင်း။ ။ ဟား..ဟား…ဟား။ ကျနော်တို့အစိုးရကလည်း ကောင်းအောင်
လုပ်ပေးနေပါတယ်ဗျာ။ တရုတ်တို့၊ ဗီယက်နမ်တို့၊ လာအိုတို့မှာ ရွေးကောက်
်ပွဲဆိုတာကို စာလုံးတောင် ပေါင်းတတ်ကြရဲ့ လား။ အရင်မေးကြည့်လိုက်ပါဦး။
ဒီတိုင်းပြည်ကလူတွေက ရွေးကောက်ပွဲဆိုတာ အထီးလား၊ အမလား။
အလုံးလား၊ အပြားလားတောင် သိကြတာမဟုတ်ဘူးဗျ။ ဟ..ဟား။

တိမ်။ ။ စစ်အစိုးရက ရွေးကောက်ပွဲတော့လုပ်ပေးပါရဲ့  မဲလိမ်၊မဲခိုးမှု
တွေပါလုပ်နေတော့ ဘာများထူးလို့တုံး။

ကောင်း။ ။ အော်..ဖြစ်ရလေဗျာ။ ကမ္ဘာပေါ်ကရွေးကောက်ပွဲ ဆယ်ခုမှာ
ဘယ်နှစ်ခုကများ မဲမခိုးတာရှိလို့တုန်း။ လူတွေ အထင်ကြီးနေတဲ့ အမေရိ
ကန်မှာတောင် ဘုရ်ှလက်ထက်တုန်းက မဲတွေလိမ်ကြသေးတာ မဟုတ်လား။

တိမ်။ ။ စိတ်မရှိပါနဲ့ရှင်..။ ကျမတို့အစီအစဉ် အချိန်ပြည့်တော့မှာမို့ အခု စကားဝိုင်းကို
နောက်နေ့မှ ဆက်ပါရစေ။ ကိုကောင်းမြင်သူကိုလည်းမေးစရာတွေ တပုံကြီးကျန်ပါ
သေးတယ်။

ကောင်း။ ။ မေးပါ..မေးပါ..။ မေးခွန်းတွေကို ကြိုဆိုပါတယ်။ အစီအစဉ်
မဆုံးခင် ကျနော်က ပြန်မေးစရာလေးရှိနေလို့ အချိန်ရရင် ဖြေသွားပေးပါဦး
နော်မိုးတိမ်။

တိမ်။ ။ ဘာများပါလဲရှင့်။

ကောင်း။ ။ ခင်ဗျားတို့ သတင်းဌာနရဲ့  နာမည်က ထူးခြားနေသလားလို့ပါ။
မြ၀တီ၂၀ သံ၊ရုပ်၊ဖုန်း ဆိုတာလေး ရှင်းပေးခဲ့ပါဦး။

တိမ်။ ။ အော်..ဟော်…ဒါလား။ ကျမတို့က မြန်မာစစ်အစိုးရရဲ့  လှုံ့ဆော်
ရေးသတင်းဌာန မြ၀တီနဲ့ ရောမှာစိုးလို့ပါ။ သူတို့ ဌာနက မြ၀တီအတုရှင့်။
ကျမတို့က မြ၀တီအစစ်။ မြ၀တီမြို့ ကနေ ထုတ်လွှင့်နေတာ။ သံ၊ ရုပ် ဆို
တာကတော့ ရှင်းပါတယ်။ ကျမတို့က အရုပ်ထက်စာရင် အသံပဲကို ဦးစား
ပေးတာပါ။ ကျမတို့အားလုံးကလည်း အသံပဲစွာတာ ရုပ်မချောကြဘူး
မဟုတ်လား။ ဟင်း..ဟင်း..။

ဖုန်းဆိုတာကတော့ အစီအစဉ်အားလုံးကို လက်ကိုင်တယ်လီဖုန်း တခုထဲနဲ့
ဖြစ်သလိုရိုက်ကူး ထုတ်လွှင့်နေလို့ပါပဲ။ အိုင်ဖုန်းလေး တလုံးရှိရင် ရိုက်လို့
လည်းရ။ ပြီးရင် ယူကျူ့ တို့၊ ဖေ့စ်ဘုခ်တို့မှာ တင်။ အဲဒါတွေကို နိုင်ငံတကာ
ရုပ်သံလွှင့်ဌာနတွေက သဘောကျပြီး တဆင့်ပြန်လွှင့်ပေး။

အဲ..စကားကြုံလို့ အွန်လိုင်းကနေ ကြည့်ရှုလိုသူတွေအတွက် ဒဘလျှူ
ဒဘလျှူ ဒဘလျှူ ဒေါ့ ။၂၀သံရုပ် ဒေါ့ အိုအားဂျီမှာ အဆင်သင့်ပါပဲရှင်။
လက်ကိုင်ဖုန်းရှိရင်ကိုပဲ ကျမတို့ထုတ်လွှင့်ချက်တွေကို လူမျိုးမရွေး၊
ဘာသာမရွေး၊ လူကြီး၊ လူငယ်၊ ကျားမ မရွေး နားဆင်ကြည့်ရှုလို့
ရနေပါပြီလို့...။

အော်..၂၀ဆိုတာကတော့ တခြားမဟုတ်ပါဘူးရှင်။ အလှူရှင်၂၀ရဲ့ ထောက်ပံ့
ကြေးနဲ့ ကျမတို့ ထုတ်လွှင့်နေရလို့ပါ။ ဟင်း..ဟင်း...ဟင်း..။

ကောင်း။ ။ အော်… ဒီလိုလား။ ခင်ဗျားတို့အားလုံး ရုပ်မချောကြဘူးဆို
တာကိုတော့ လက်ခံပါတယ်။ ဒါပေမဲ့ ရုပ်ဆိုးတယ်ဆိုတာကိုက အလှ
တရားတခုလို့ ကျနော်က လက်ခံထားတဲ့သူပါ။ ဟဲ..ဟဲ..ဟဲ။

တိမ်။ ။ အော်…အဲလိုလား။ ကိုကောင်းက နာမည်နဲ့တကယ် လိုက်တယ်နော်။
အော်…ဟုတ်ကဲ့။ ကျမတို့ရဲ့  မြ၀တီ၂၀ ရုပ်သံဖုန်းကို အခုလို အားပေးကြည့်ရှုကြတဲ့
အတွက် နိုင်ငံတကာပရိတ်သတ်ကြီးကို အထူးပဲ ကျေးဇူးတင်လှပါတယ်လို့…။

(စတင်းဘိုင်….သရီး…တူး…၀မ်း…အောက်)

မှတ်ချက်။ ။ မြ၀တီ၂၀ဌာန၏ အပြင်ဘက်တွင် ကောင်းမြင်သူကို ဆန္ဒပြ
မည့်သူများ တခဲနက်စောင့်မျှော်နေကြသည်။ အတိုက်အခံ စွမ်းအားရှင်
တချို့ လည်း ကောင်းမြင်သူကို ရိုက်နှက်ကြရန် အသင့်ပြင်ထားကြလေသည်။

(ရုပ်ပုံ ၊ ဂူဂလ်)

Thursday, November 4, 2010

အကောင်းမြင်သမား













ရွေးကောက်ပွဲ မရှိတာထက် ရှိတာပိုကောင်းတယ်။ အစိုးရထဲမှာ
စစ်သားတွေ၊ ကြံ့ ဖွတ်တွေ ရာနှုန်းပြည့်ပါမှာထက် တ၀က်ကျော်
လောက်ပဲပါတာ ပိုကောင်းတယ်။ ရွေးကောက်ပွဲမှာ NLD မပါလို့
တစညတွေ ထောင်ထောင် ထောင်ထောင် လုပ်မှာထက် ကြံ့ ဖွတ်
အရှိန်ကြောင့် တစည အမြီးကုပ်နေတာလည်း ကောင်းတယ်။
ရွေးကောက်ပွဲအနီး မုန်တိုင်းကျလို့လူတွေ ဒုက္ခရောက်တာ
နာဂစ်လောက်မဆိုးလို့ တော်သေးတယ်။

အင်တာနက်လိုင်းတွေ မကောင်းတော့ ပိုက်ဆံကုန် သက်သာတာပေါ့။
လုံခြုံရေးတင်းကျပ်တော့ ပိုပြီးလုံခြုံတာပေါ့။ ထိုင်းပစ္စည်းတွေ အ၀င်
နည်းတော့ ဈေးသက်သာတဲ့တရုတ်ပစ္စည်းတွေ သုံးရတာပေါ့။ ဘန်ကီ
မွန်းကြီးက ဘာမှမပြောပဲနေတာထက်စာရင် စိုးရိမ်ဖေါ်ရ နည်းလား။
နောင်လာမယ့် အစိုးရကိုလည်း အမေရိကန်က ဆက်ဆံမယ်တဲ့။
ပစ်ထားတာထက်စာရင် တော်သေး။

ရွေးကောက်ပွဲမတိုင်ခင် ဒေါ်စုလွတ်လာရင် ရှုပ်ရှုပ်ထွေးထွေးတွေဖြစ်ပြီး
ဒီပဲယင်းတုန်းကလို ထပ်အရိုက်ခံနေရဦးမယ်။ ထပ်အဖမ်းခံနေရဦးမယ်။
အခြေအနေအေးဆေးဖြစ်မှ လွတ်လာတော့ စိတ်ချရတာပေါ့။ အကျဉ်း
သားတွေလည်း အများကြီးလွတ်တော့မယ်လို့ သတင်းကောင်းတွေ ထွက်
နေပါလား။ စိတ်ချမ်းသာစရာ။ အတိုက်အခံတွေက အသံပဲရှိတော့တာတဲ့။
အသံကျန် နည်းလား။ အတိုက်အခံဆိုတာ စက္ကူကျားပဲတဲ့။ စက္ကူကြွက်
မဟုတ်ရင် ပြီးရော။

ကြိုတင်မဲတွေ အတင်းကောက်နေတယ်ဆိုပဲ။ ရွေးကောက်ပွဲနေ့ အလုပ်
မရှုပ်တော့ဘူးပေါ့။ လူများစုက အခုရွေးကောက်ပွဲကို စိတ်မ၀င်စားကြဘူးတဲ့။
စိတ်ဝင်စားလို့ လှုပ်လှုပ်ရွရွဖြစ်ရင် ဖမ်းလားဆီးလား ဖြစ်နေဦးမှာ။ မြို့ နယ်
တွေအများကြီး မဲပေးစရာမလိုဘူးတဲ့။ ဘုရားမတာပဲ။ မဲပေးရမယ်ဆို
အလုပ်ပျက်နေဦးမှာ။ ကြံ့ ဖွတ်ပဲနိုင်မှာပါတဲ့။ နိုင်လည်းခဏပါ။ လွှတ်တော်
ထဲမှာ သူတို့ချည်း မဟုတ်ပါဘူး။

ပါလီမန်တောင်မပေါ်သေး ပါတီတွေ ကွဲကြ၊ ချဲကြပြီတဲ့။ ဒါမှ ဒီမိုကရေစီကွ။
တပါတီထဲကွဲနေရင်သာ ရှက်စရာ။ ပေါင်ဖေါ်တဲ့မင်းသမီး သပိတ်မှောက်ခံရ
ဆိုပဲ။ ပေါင်ပဲဖေါ်ပေလို့ မဟုတ်ရင် ဒီထက်ပိုဆိုးတာ ကြုံရနိုင်တယ်။
နိုင်ငံခြားသတင်းထောက်တွေ ရွေးကောက်ပွဲကို မလာနဲ့တဲ့။ လေယာဉ်
လက်မှတ်ဖိုး ကုန်မှာစိုးလို့။

စင်္ကာပူကို အရင်ကလောက် မြန်မာတွေဝင်ဖို့ မလွယ်တော့ဘူးတဲ့။ တော်
သေးတာပေါ့။ မဟုတ်ရင် မြန်မာပညာတတ်တွေ တိုင်းပြည်ထဲ ကျန်မှာ
မဟုတ်ဘူး။ စင်္ကာပူမရလည်း ထိုင်းကိုသွားပေါ့။ ထိုင်းမလေးတွေက
ပိုတောင်ချောသေး။ မြန်မာ့ပညာရေးက အလကားပဲတဲ့။ ဈေးပေါတာတော့
ထည့်မပြောဘူး။ နိုင်ငံခြားမှာပညာသင်ရတာ ကုန်သလားမမေးနဲ့။

မြန်မာပြည်မှာရောဂါထူလို့ လူတွေအသေမြန်သတဲ့။ နိုင်ငံတကာ
ဗဟုသုတ နည်းကြရှာတယ်။ မြန်မာပြည်ထက် ရောဂါထူတဲ့နိုင်ငံတွေ
ကမ္ဘာမှာအများကြီး။ ဘုန်းကြီးတွေလည်း လိုတာထက်အလွန်များပြီး
တိုင်းပြည်အတွက် အားသိပ်မဖြစ်ဘူးတဲ့။ ၂၀၀၇ ရွှေဝါရောင်ကို
ဘယ်သွားထားမလဲ။ ဘုန်းကြီးတွေ နိုင်ငံရေးပါတီမထောင်ဘူးလို့
ဘယ်သူပြောနိုင်သလဲ။ ဘာသာရေးသမားတွေသာများနေတာ
လူလိမ်တွေက လျှော့မသွားဘူးတဲ့။ အိန္ဒိယကို သွားကြည့်ပါဦး။

မြန်မာပြည်မှာ ပြည်တွင်းစစ်က မပြီးနိုင်ဘူးတဲ့။ အရှေ့ အလယ်ပိုင်း
ဘယ်သွားထားမလဲ။ အာဖရိကနိုင်ငံတွေ ဘာဖြစ်နေလဲ မသိကြဘူးလား။
မြန်မာပြည်မှာ အခြေအနေတွေ ကောင်းနေတာပဲ။ လူတွေက အကောင်းကို
မမြင်နိုင်ကြဘူး။ ရွေးကောက်ပွဲတိုင်း လွတ်လပ်ပြီးတရားမျှတာ မဟုတ်ဘူး။

တိုင်းပြည်မှာ စစ်အာဏာရှင်အုပ်ချုပ်တာထက် အရပ်သားအစိုးရအုပ်ချုပ်တာ
ပိုကောင်းတယ်။ စစ်ဗိုလ်တွေ သေနပ်တကားကားနဲ့ နေရာတကာတွေ့ နေရ
တာထက် စစ်တပ်ထဲပြန်ရောက်သွားတာ ကောင်းတယ်။ မြန်မာပြည်မှာ
နျူကလီးယားမရှိတာထက် ရှိတာပိုကောင်းတာပေါ့။ တကယ်တော့
ဒီစာကို ဖတ်နေတာထက် မဖတ်တာက ပိုကောင်းပါတယ်။ (မဟုတ်ဘူးလား)

(ရုပ်ပုံ ၊ ဂူဂလ်)