Sunday, June 13, 2010

အုန်းမောင် အချပ်ပို














ဂငယ်နဲ့ ကကြီးက အုန်းမောင်တွေအကြောင်း အခုမှပြန်စဉ်းစားမိလို့ အချပ်ပို
ထပ်တိုးလိုက်တာပါ။ ဒီလူနှယ် ပြောင်လို့ကို မဆုံးနိုင်ဘူးလို့ မထင်ကြပါနဲ့။

ဘာကြောင့်ရယ်မသိ ဂျပန်မှာ အမျိုးသားတွေတော်တော်များများ ထိပ်ပြောင်
ကြတယ်။ ထိပ်ပြောင်ခြင်းအမှုမှာ ဂျပန်နောက်မှာ ကပ်ပြီးလိုက်လာတာက
တော့ ကိုရီးယားပဲ။ ထိပ်ပြောင်နေမှတော့ မထူးတော့ပါဘူးကွာဆိုပြီး တခေါင်း
လုံးကို ကတုံးပြောင် အုန်းမောင်ဖြစ်အောင် အနောက်နိုင်ငံတွေမှာ လုပ်နေကြ
ပေမဲ့ ဂျပန်နဲ့ကိုရီးယားကတော့ ဒီနေရာမှာ အတုမခိုးကြရှာဘူး။

အတုမခိုးရတာ အကြောင်းရှိတယ်။ ဂျပန်မှာ ကတုံးတုံးပြီးနေထိုင်တာ လူနှစ်မျိုး
ပဲရှိတယ်။ ဘုန်းကြီးရယ်၊ ယာခူဆာရယ်။ ဂျပန်ထိပ်ပြောင်တွေက ဘုန်းကြီးနဲ့ရော
ယာခူဆာနဲ့ရော မတူချင်ကြဘူး။ ယာခူဆာတိုင်း ကတုံးတွေတော့မဟုတ်ပါဘူး။
ဒီခေတ်မှာ ဆံရှည်ယာခူဆာတွေလည်း ရှိလာပါပြီ။ ဒါပေတဲ့ အစဉ်အလာအားဖြင့်
ယာခူဆာဆိုရင် ကတုံးတုံးကြတယ်။ သိပါတယ်နော် ယာခူဆာဆိုတာ။
ဂျပန်လူမိုက်။

ကိုရီးယားအုန်းမောင်တွေကတော့ ဇတ်လမ်းတမျိုး။ ကိုရီးယားမှာ ဗုဒ္ဓဘာသာ
ဘုန်းကြီးတွေပဲ ကတုံးတုံးတယ်။ ဒါပေမဲ့ ဘုန်းကြီးမဟုတ်ပဲ တုံးကြတဲ့အချိန်ရှိတယ်။
အဲဒါက စိတ်ဓါတ်နဲ့ ယုံကြည်ချက်ပြင်းထန်မှုကို ပြတဲ့အခါပဲ။ ဆိုပါစို့ အထက်တန်း
စာမေးပွဲကို တနှစ်ထဲနဲ့ အပြတ်ဖြေမယ်။ ငါဟာ စိတ်ဓါတ်ပြင်းထန်သူ။ ဒီမှာကြည့်
ကတုံးတုံးလိုက်ပြီ...ဆိုတာမျိုး။ နိုင်ငံရေးလောကမှာလည်း ဒီအခွင့်အရေး မရမချင်း
ဆန္ဒပြတာကိုမလျှော့ဘူး...။ အဆုံးထိ တိုက်ပွဲဝင်သွားမယ်...ငါ၏ဦးခေါင်းကား
ပြောင်အတိရှင်းလိုက်ပြီ..ဆိုတာမျိုး။

ရယ်စရာအဖြစ် ပြောတာရယ်လို့တော့ မသတ်မှတ်ကြပါနဲ့။ တကယ့်အဖြစ်အပျက်
တခုကို တိုက်ဆိုင်လို့ ပြန်ပြောတယ်လို့မှတ်ပါ။ တောင်ကိုရီးရားရောက် မြန်မာ့ဒီမို
ကရေစီသမားတချို့ လည်း အဲသလိုနည်းနဲ့ အုန်းမောင်တွေ တခါဖြစ်ခဲ့ကြဖူးတယ်။

မြန်မာပြည်ထဲမှာ ဒေါ်စုတို့အဖွဲ့ အရိုက်အနှက်ခံနေရတဲ့ ဒီပဲယင်းကာလဖြစ်လိမ့်
မယ်။ မြန်မာသံရုံးရှေ့ မှာ ကတုံးတွေပြောင်အောင်တုံးထားကြတဲ့ ဒီမိုကရေစီ
သမားတွေ အပြတ်ဆန္ဒပြခဲ့ကြဖူးတယ်။ အခုတော့လည်း သူတို့က ဘိုကေတွေ
ပြန်ဖြစ်သွားပါပြီ။

ဂျပန်က ယာခူဆာအကြောင်းပြောရင်း လမ်းကြုံတုန်း မြန်မာတွေနဲ့ ဆက်စပ်တဲ့
အကြောင်းလေး ထည့်ပြောလိုက်ချင်တယ်။ ယာခူဆာတို့ရဲ့ ထင်ရှားတဲ့အမှတ်အ
သားတချို့ ကတော့ ပြောခဲ့သလို ကတုံးပြောင်ကြတယ်။ နောက်တခုက ဆေးမှင်
ကြောင်တွေ ထင်ထင်ရှားရှား ထိုးထားကြတယ်။

ဂျပန်ရေချိုးနည်းဆိုတာ ကြားဖူကြမှာပေါ့။ သူတို့ဆီမှာက ရေပူကန်တွေမှာ သူရှင်း
ကိုယ်ရှင်း ခပ်ရှင်းရှင်းသမားတွေ ဒီအတိုင်းရေချိးကြတာ ဓလေ့ပဲ။ အခုထိ ရှိတုန်း။
ယာခူဆာတွေ ရေလာချိုးရင် သိပ်ပြီးသိသာတယ်။ ကတုံးက ပြောင်။ ဆေးမှင်
ကြောင်က ထင်ရှားဆိုတော့။ လူမိုက်ကြီးရေချိုးတဲ့အနား တော်ယုံလူ မကပ်ရဲကြဘူး။
ဖြစ်ချင်တော့ မြန်မာအမျိုးသားတချို့ ကလည်း ဆေးမှင်ကြောင်တွေနဲ့မဟုတ်လား။

တခါတော့။ ဂျပန်ရောက်မြန်မာဆေးမှင်ကြောင်တဦး ခပ်ရှင်းရှင်းရေပူစိမ်တဲ့နေရာကို
သွားပါတယ်။ သူ့ကိုလည်းမြင်ရော ကန်ထဲမှာရောက်နေနှင့်ကြတဲ့ ဂျပန်များက မျက်
လုံးပြူးကုန်ကြတယ်ဆိုပဲ။ဒီလူက ဘယ်တိုင်းပြည်ကပါလိမ့်။ အသားကလည်း ညို။
ဆေးမှင်ကြောင်တွေနဲ့။ ဒါပေတဲ့ ကတုံးပြောင် အုန်းမောင်တော့လည်း မဟုတ်ပြန်ဘူး။
သူတို့တိုင်းပြည်က ယာခူဆာတွေက ကတုံးမတုံးကြဘူးထင်ပါရဲ့ လို့ တွက်ကြသတဲ့။

တဖြေးဖြေးရင်းနှီးလာတော့မှ ခင်ဗျားက ယာခူဆာလားလို့ မေးကြည့်ကြသတဲ့။ အဲဒီလို
အမေးခံလိုက်ရတော့မှ ဆေးမင်ကြောင်ကိုယ်ရွှေမြန်မာ လန့်သွားပါလေသတဲ့။

(ရုပ်ပုံ ၊ ဂူဂလ်)

2 comments:

khin oo may said...

မလန့်ပေါင်။

သက်ဝေ said...

ဒီလိုပုံတွေ ဘယ်နားကများရှာထားပါလိမ့်...း))
ကြောက်စရာ...
ဒါနဲ့စကားမစပ်...
ကိုဘလူးစကိုင်းရဲ့ ဆံပင်ကရော ဘယ်လိုပုံစံလေးလဲ ဆိုတာ သိလိုပါသေးတယ်... ကတုံးပြောင် အုန်းမောင်တော့ ဟုတ်လောက်ဖူး ထင်တာပဲ အဟဲ...