စိတ်ယားသူများ

ဘလော့ဂ်ဆိုတဲ့အရာက အားသူများနဲ့ ယားသူများအတွက်တော့
အတော်နေရာကျတဲ့ပစ္စည်းပဲဗျို့။ အားတဲ့သူတွေကလည်း အားတိုင်းရေး။
ယားတဲ့သူတွေကလည်း ယားတိုင်းရေးကြပေါ့။ ယားတယ်ဆိုတာက စိတ်
ယားတာကို ပြောတာပါ။ ယင်းထတယ်လို့လည်း ပြောရင်ရမယ်ထင်ပါတယ်။
အားလို့ရေးကြတဲ့ ဘလော့ဂ်တွေကိုတော့ သိပ်စိတ်မ၀င်စားပါဘူး။ ယားလို့
ရေးသူတွေကိုတော့ သဘောကျသဗျ။ ယားသူတွေအများစုက အနုပညာ
ဓါတ်ကလေးတွေ ကိုယ်စီနဲ့ဆိုတော့ ဖတ်လို့ရှုလို့ကောင်းတတ်ပါတယ်။

တချို့ဆို အရမ်းယားလို့ အသားကုန်ကုတ်ခြစ်ထားလိုက်ကြတာ အရောင်
တွေ ပြိုးပြိုးပျက်ပျက်နဲ့ လင်းကနဲ၊ လက်ကနဲ၊ ရဲရဲကို ထလို့။ ကြွလို့။ မွလို့။
သူများသားသမီးတွေ ဖန်တီးတတ်ပုံများပြောပါတယ်။ တစ်တစ်ခွခွ၊ ကျကျ
နနနဲ့ လှတပတ ရေးချွတ်ထားလိုက်ကြတာ အားကျလှသဗျာ။

စည်းမဲ့ကမ်းမဲ့ယားသူတွေရဲ့ ဘလော့ဂ်တွေလည်း ကံဆိုးစွာကြုံခဲ့ဖူးပါတယ်။

နေပါစေတော့။ ဘာရယ်လို့မဟုတ်ဘူး ဆိုပေတဲ့။ ဟိုလူပြော ဒီလူပြောနဲ့
ကျွန်တော့ခမျာလည်း ဟုတ်လိုဟုတ်ညား ဘလော့ဂ်ကလေးတခု လုပ်ထား
မိပါတယ်။ ငှက်မွေးထားပြီး အစာမကြွေးသလိုလုပ်ထားတော့ ဘလော့ဂ်
လေးကိုလည်း သနားနေ။ အလကားလုပ်ခွင့်ပေးတဲ့ ဘလော့ဂ်ပိုင်ရှင်တွေကို
အားနာနေရပါတယ်။

ပိုဆိုးတာက တချက်တချက် ယားသလို၊ ယံသလိုဖြစ်လာခိုက် ကုတ်တချက်၊
ဖဲ့တချက်လုပ်ထားမိတဲ့ ကျွန်တော့ရဲ့ကဗျာမမှီ၊ စာမပီလေးတွေကို အမှတ်မထင် ၀င်ရောက်အားပေးသွားကြတဲ့ အင်တာနက်ခရီးသွား လုပ်သားပြည်သူများကို
အထူးပဲ အားနာပါးနာဖြစ်နေရပါကြောင်း ဤနေရာက တောင်းပန်လိုက်ပါတယ်။ အားပေးကြတယ်ဆိုရင်လည်း ကျေးဇူးတင်လိုက်ပါတယ်။ အဆင်ပြေရင် ဆက်
ရေးပါဦးမယ်။ လာမယ်၊ ကြာမယ်။ ပစ္စည်းကောင်း၊ မကောင်း အာမ မခံပါခင်ဗျား။
စိတ်ယားသူမိတ်ဆွေများ ချမ်းသာကိုယ်စိတ်မြဲပါစေ။