Tuesday, January 26, 2010

စစ်သီချင်း











"တစ်...နေရာယူ"
"နှစ်....အဆင်သင့်"
"သုံး"...
"ဒိုင်းညောင့်"..."ဒိုင်းညောင့်"
"မင်း..သေသွားပြီ ဟိတ်ကောင်"

နေ့တိုင်းဖြစ်တဲ့ စစ်ပွဲများ
အကြိမ်ကြိမ်သေ
အကြိမ်ကြိမ်နိုင်
အကြိမ်ကြိမ်ပျော်
စစ်ချီတေးတွေ အော်ဆိုရင်း
ကြက်သီးတွေ ထ
မမောနိုင် မပမ်းနိုင်
စစ်သွေးကြွ
ငါချစ်ရတဲ့ စစ်ပွဲများ..။

ရပ်ကွက်ထဲ...
လမ်းကြားထဲ...
အိမ်အောက်ထဲ...
ကျောင်းဝင်းထဲ...
ချောင်းထဲ...
မြောင်းထဲ...
တကိုယ်လုံးပေ
တကိုယ်လုံးရွှဲ
ကွဲ..ပြဲ
ငါ့ရဲ့  ပျော်စရာ
ရွှေရောင်စစ်ပွဲများ..။

ဘုရားပွဲဈေးက ၀ယ်တဲ့သေနပ်
ကျိုက်ထီးရိုးပြန် စက်သေနပ်
အဖေခုတ်ပေးတဲ့ ပျဉ်ပြားသေနပ်
သင်္ကြန်တွင်းသုံး လက်ပစ်ဗုံး
ခလုပ်ဆွဲရင်
ဖေါင်းကနဲမြည်တဲ့ ဖေါ့သေနပ်
ရေပြွတ်သေနပ်
ပဲလုံးထွက်တဲ့ သေနပ်
ဗျောက်အိုးသေနပ်
လက်နက်ခဲယမ်း အစုံအလင်
စစ်မက်အင်္ဂါ အစုံအလင်
တိုက်ဖေါ်တိုက်ဖက် အစုံအလင်
ဗျူဟာတွေဆင်
ဟစ်အော် တိုက်ခိုက်
ငါပျော်ပိုက်တဲ့ စစ်ပွဲများ..။

ရုပ်ရှင်ဆို
စစ်ကားကို အသေကြိုက်
ညအိပ်ရင် ယောင်
တဒိုင်းဒိုင်းအော်
အိပ်မက်ထဲထိတောင် စွဲ
တိုက်ခဲ့ရတဲ့ စစ်ပွဲများ။

အသက်ကလေး
မစို့မပို့ ရလာတော့
စာလေး ပေလေး
မတောက်တခေါက် ဖတ်လာတော့
တိုက်ပွဲပျော် ငါ
စစ်ကို မုန်းပါသတဲ့။

ငြိမ်းချမ်းရေးအတွက်တဲ့
တခါက..
ကဗျာတွေရေးတယ်
ဆံပင်ရှည်ထားတယ်
ကောင်းကင်ကို မကြာခဏကြည့်တယ်
မေးစေ့ကို မကြာခဏပွတ်တယ်
မျက်မှောင်ကို မကြာခဏကုတ်တယ်
အရက်သောက်ပြီး ပေါက်ကွဲတယ်
ကွန်မြူနစ်လည်း ဖြစ်ချင်ခဲ့သေးတယ်။

တခါက...
ကျောင်းသားတွေ တောခိုကြတော့
စစ်ကိုမယုံတဲ့ ငါ
ပါမသွားခဲ့ဘူး။
( ဖြစ်ချင်တော့
သူတို့လည်း စစ်ပွဲတွေ မနွှဲနိုင်ကြရှာပါဘူး။ )

ငါ့အဘိုးက
ဖက်ဆစ်တော်လှန်ရေးသမား
မိဘဆွေမျိုးတွေကလည်း စစ်ထဲမှာ
သူငယ်ချင်းမိတ်ဆွေတွေလည်း စစ်ထဲမှာ
မြန်မာ့တပ်မတော်ကိုတိုက်မယ့် သူငယ်ချင်းတွေကလည်း
ကျောင်းသားတပ်မတော်ထဲမှာ
တိုင်းပြည်ကလည်း စစ်ထဲမှာ
အာဏာကလည်း စစ်ထဲမှာ
အစိုးရကလည်း စစ်တပ်
စစ်တပ်ကလည်း အစိုးရ
ပြည်တွင်းစစ်တိုင်းပြည်မှာ နေရတဲ့ ငါ
စစ်စော်နံလွန်းတဲ့ ငါ
စစ်ချေးထူလွန်းတဲ့ ငါ
စစ်ဆန့်ကျင်ရေးသမား ငါ
သိပ်ကြိုက်တဲ့ စစ်သီချင်းတွေကို
မေ့ထားလိုက်တဲ့ ငါ..။

အခု ကြည့်ပါဦး
ကလေးတွေနဲ့
တီဗွီဂိမ်းဆော့တဲ့အခါ
စစ်ပွဲတွေနဲ့ ပျော်လို့..။

(ငါ့ကိုယ်ငါ မယုံမကြည်ဖြစ်ရ)

ငယ်စဉ်က
ချိုမြိန်တဲ့စစ်ပွဲများ
ပျော်စရာကောင်းလေစွ။

(ဓါတ်ပုံ၊ ဂူဂလ်)

1 comment:

pandora said...

လူတွေဟာ တိုက်ပွဲတွေမှာ ပျော်ကြတယ် ထင်တယ်
(မဟုတ်သေးဘူး)
လူတွေဟာ အရှုံးအနိုင်တွေမှာ ပျော်ကြတယ် ထင်တယ်
(မဟုတ်လောက်သေးဘူး)
လူတွေဟာ အနိုင်ရရင် ပျော်ကြတယ် ထင်တယ်

စစ်ပွဲ မပါတဲ့ အောင်မြင်ခြင်းတွေ ဆောင်ကြဉ်းလာနိုင်မယ့်
တနေ့မှာ....